Pinuntahan nila ang silid ni Luisa para mapakawalan na si pinunong Amadeo sa pagkakakulong sa bote, pero wala na ito sa silid niya. Hinanap nila ang lihim na silid nito. Malamang at doon nilagay ang pinuno.
"Kahit ako ay hindi nakakapasok doon. Siya lang ang may alam kung saan ang lihim na silid na ginawa niya." Kinatok ni Janus ang mga dingding ng silid. Ngayon lang siya nakapasok dito. Hindi sila kailanman nagsama sa iisang kwarto sa buong pagsasama nila.
Napaupo sa kama si Cory. "Posible kayang ginamitan niya ng mahika? Kabisado ko ang bawat sulok ng kastilyo at wala akong ideya na may lihim na silid dito maliban sa Tubig ng Kalinisan na lagakan ng medalyon."
Nakatayo si Fin sa gitna ng malawak na silid. Nilingon ang kabuuan nito. Pumikit siya at pinakiramdaman ang anumang itim na ma
