Sa Laguna siya dinala ni Daniel batay sa napag-usapan nila. Dito daw namalagi ang kaibigan noong nagsisimula pa lang ito sa kanyang karera.
Isang may kalumaang bahay ang dinalhan sa kanya. Kompleto na rin sa kagamitan at malawak ang sala. Napapalibutan ng maraming mga punong kahoy na nagpadagdag sa sariwang hangin.
“Ito yung property na nabili ko dito! Pagpasensyahan mo na dahil may katagalan rin bago ako nakabalik dito. Medyo magulo at maraming alikabok! Sumusunod siya dito habang umiikot sila sa loob ng bahay.
Matatanaw sa kalayuan ang Laguna de Bay buhat sa bintana na kanilang kinatatayuan. Matagal niya itong tinunghayan na halos lumilipad na naman ang kanyang kaisipan.
Naglinis si Shan ng buong bahay samantala si Daniel naman ay umalis saglit para mamili ng pangunahing kakailangan
