أحببت زوجه اخي قبل أن يتزوجها و لم اقدر على نسيانها. ..

2002 Words

( ( أحب زوجه اخي ) ) اسمي ( ( مهند ) ) شفتها في مكان أعجبت بيها و حسيت منها ب إعجاب بي لكن مع خجل . . . و عدم الكلام الي هي نظرات فقط و كنت خلاص قررت اروح أتقدم ل خطبتها من شده جمالها و ادبها ، ، ، ، رايح ا قول ل اهلي لاقيت اخويا التؤام (( مصطفى ) ) بيقول ل امي انا خلاص اخدت معاد من اهل العروسه و هنروح يوم الجمعه ان شاء الله نطلب ايدها . . طبعا انتي شفتيها يا أمي و عجبتك . . . قولت له ايه ده معقول نخطب و نتجوز مع بعض قال لي هاها و ليه لا يعني انت خلاص لاقيت بنت الحلال انت مكنتش راضي ب حد و محدش عجبك . . . ايه اللي جرا و مين دي اللي جابتك على بوزك ؟ ؟ قلت له انا شفت بنت و عجبتني هسأل عنها و اعرف و ان شاء الله هروح اخطبها لأنها عجبتني اوي و شكلها كده فيها كل حاجه يتمناها و نفسي فيها و شكلها هي دي فعلا اللي هتجبني على بوزي ، ، ، ، قال لي على بركه الله بس اعمل حسابك هتيجي معايا يوم الجمعه علشان تخطب لي عايزك تبقى جمبي وقتها ، ، ، يوم الجمعه جه و جهزنا علشان نروح نخطب ل اخويا دخلنا البيت و الناس كانت في منتهى الزوق و الأدب . . . . . و لما جت العروسه انصدمت صدمت عمري لما لاقيتها البنت اللي شفتها و قلبي اختارها و بفكر فيها من وقت ما شفتها .. . انا جاي انهارده علشان اخطبها ل اخويا . . ! ! ! ! اخويا جاي انهارده علشان يخطبها و انا اقول له مب**ك و افرح له كمان و من قلبي . . . بصيت ل اخويا لاقيته في قمه سعادته و كمان العروسه و كل اللي موجودين مبسوطين ب الجوازه ( و انا بس اللي عارف ايه جوايا هوا رب العالمين ) ، ، ، ، لاقو القبول من بعض من اول قعده و كمان قرينا الفاتحه ، ، ، حاولت وقتها اني اطلعها من دماغي نهائي و ب الفعل عملت كده في الأول أو ممكن اقول اني .. . . . ( (اني ضحكت على نفسي و قلت هنساها ) ) اتخطبت ل اخويا الانسانه الوحيده اللي اتمنتها من كل قلبي . . . . و حبيتها ايوه حبيتها وقتها كان صعب عليا جدا اتحمل و مكنش ينفع اقول ل اخويا حاجه ده حبها اوي و كان مبسوط و مرتاح نفسيا و في قمه سعادته و هو جمبها . . . و هي كمان حبيته و حسستني انها عمرها ما شاف*ني قبل كده ، ، ، و انا كان لازم اتقبل الوضع كده ، ، ، حتى لو غصب عني مينفعش اجرح اخويا التؤام و ازعله و هو مبسوط كده مقدرش . . . و فضلت ان اشيل همي لوحدي و اكتم جوايا و ارسم ضحكه مصطنعه و مش حقيقيه . . . و انا من جوايا بنزف جراح . . فضلت متحمل الوضع القاسي و اخويا سألني عن البنت اللي كانت عجباني و عايز اخطبها قلت له لسه بفكر . . . . لسه مقررتش هعمل ايه ، ، ، انت اتجوز الأول و بعدين انا . . . . قال لي مش قلنا هنتجوز سوا مع بعض في نفس اليوم ؟ ؟ قلت له معلش اتجوز انت الاول مش عايز اتسرع و ااخد قرار اندم عليه بعدين . . . ممكن علشان اخويا التؤام انا و هوا حبينا نفس البنت لأننا توأم و بنحس زي بعض تقريبا كل حاجه ؟. ؟ ؟ اخويا مطولش في الخطوبه و قررو يتجوزو بعد خمس شهور من الخطوبه . . سبحان الله مع اني بتقطع من جوايا بس اتمنيت ل اخويا السعاده . . . . حتى لو على حساب جرحي و تعبي انا ، ، ، انا هقدر اعدي المرحله دي حتى لو هسافر بعيد و ابعد عن كل ده عملو فرح كبير لان العيلتين كبار جدا و اكبر عائلات في البلد كل الناس كانو مبسوطين و فرحانين من قلبهم و انا فرحان فرحه حلاوه الروح و بكذب على كل اللي حواليا و اولهم نفسي ، ، ، ، علشان أمري ميتفضحش و حد ياخد باله من حاجه اخويا اخد عروسته و راحو شهر عسل في الساحل الشمالي و هيرجعو يعيشو في شقتهم اللي في الدور اللي فوق مننا شوفتو العذاب ، ، ، هعيش مع حببتي في نفس العماره و هي مع راجل غيري ، ، ، و الراجل ده يبقى اخويا انا مش عارف اتخطى ده ازاي ؟ ؟ ؟ انا لازم اشيلها من دماغي و انساها و منساش انها مرات اخويا التؤام ، ، ، رجعو من شهر العسل و بقت الحياه عاديه ب النسبه ليهم . . و صعبه ب النسبه ليا . . . . قررت اني اسافر بعيد بلد تانيه هروح اشتغل و ابعد عنها يمكن انساها ، ، ، ، سافرت بلد اجنبي * * ، امي قلبها وجعها عليا لاني بقالي كتير مسافر بتقول لي نفسها تشوف عيالي . . . انا نسيت مرات اخويا لاني عملت علاقات كتير بره بس مفيش منهم و لا علاقه جديه ، ، ، قررت انزل مصر بعد إلحاح من امي ، ، ، امي شافت لي عروسه بنت ناس و محترمه رجعت بيت ابويا و كانو وحشني جدا كلهم و كرهت السبب اللي بعدني عن اهلي و عن اخويا التؤام احنا عمرنا ما اتفرقنا . . . . كرهت مرات اخويا و حمدت ربي اني وصلت للدرجه دي معاها ، ، ، علشان انا مكنتش بسامح نفسي لما بفكر فيها و هي مرات اخويا اللي بحبه و روحي فيه روحت و شفت العروسه اللي امي جابتها لي فعلا لاقيتها جميله شكلا و طبعا . . . خطبتها و حسيت من مرات اخويا احساس غريب حسيت انها غيرانه و حتى العروسه معجبتهاش و عيبت عليها . . . . معقول تكون كانت حابه تشوفني م**ور و مبسوطه اني بحبها و مش عايزانى اعيش حياتي؟ ؟ ! ! ، ، ، انا مش قادر أصدق و لا حتى اتخيل طبعا محدش سمع منها و حتى اخويا قال لها متدخليش في حاجه متخصكيش .. . . . خطبت العروسه و كنت مبسوط او عامل نفسي مبسوط انا حسيت ان ربنا عوضني بيها اي نعم مش بحبها حب حقيقي لكن هي ب حبها و اهتمامها بيا هتخليني احبها اكيد ، ، ، خطيبتي طيبه و ب شخصيتها و طبعها خلتني اميل ليها بس في حاجه جوايا مش عارف الغيها . . . و هي مقارنتها ب مرات اخويا ! ! في فرق بينهم بس محدش شايفه و لا؛ حاسس بيه غيري انا . . . حاولت اكدب احساسي ده و كملت في الخطوبه ، ، ، ، بس خطوه الجواز انا كنت خايف منها. . . . خايف ييجي عليا يوم و اظلمها دي ملهاش ذنب كل ذنبها انها حبتني و وافقت تتخطب ليا ربنا يقدرني و اقدر أسعدها . . . . و مخيبش آمالها فيا اتجوزنا ، ، و عملت فرح بس عادي مكنتش فرحان بس اللي حواليا فرحانين جدا و دي حاجة بتسعدني و بردو حاسس من مرات اخويا ب غيره لكن انا مش قادر افهم سبب الغيره ايه غيره عليا و لا غيره عاديه اللي بتكون في المواقف دي ، ، ، عشت مع مراتي كنت بحاول أسعدها بس مش من جوايا انا كان نفسي اتجوز و اعيش مع واحده انا حبيتها و اخترتها انا أديت مراتي عقلي لكن قلبي مش قادر . . . و مش عارف ، ، ، . عدت الايام مرات اخويا محصلهاش نصيب في انها تكون ام عندها مشاكل و محتاجه وقت و انا مراتي الحمد لله حملت على طول بعد خمس شهور من جوازنا كنت سعيد و فرحان يعني احساس اني اكون اب ده جديد عليا و احساس حلو طبعا مراتي خلفت ابني ( مالك ) و كان اسعد يوم في حياتي اني بقيت اب حبيت ابني حب عمري ما حسيت بيه قبل كده حاجه غريبه عليا و مشاعر نحيته الاهيه من عند ربنا فرحت جدا اني بقيت اب بس مع الأسف اخويا محسش الاحساس ده بدعي له ربنا يعوضه خير اخويا بعد فتره مراته عملت حقن مجهري و خلفت بنت و ولد و عشنا عادي فتره طويله من غير اي حاجه بس غيره مرات اخويا من مراتي اللي ملهاش مبرر َ. و انا مش قادر افهم سببها .. اخويا المسكين عمل حادثه كبيره دخل بسببها في غيبوبه فتره طويله عملنا المستحيل علشان نعالجه لكن قدر الله وما شاء فعل ربنا اخد أمانته ، ، ،. زعلنا عليه زعل يكفي الكون ده كله و انا كنت بدعي القوه و من جوايا انهيار تام ، ، كان لازم أظهر قوي لأن انا راجل البيت دلوقتي بعد وفاه ولدي و اخويا اللي هفضل حزين عليهم طول عمري لازم ااجي على نفسي و على احساسي زي كل مره اخويا تؤمي مات و سابني ل وحدي في الدنيا دي إبان قوي لكن من جوايا هاش و ضعيف مراتي حاولت تخرجني من ازمتي لكن انا حقيقي مش عايز اي شيء من الدنيا دي . . مع الوقت امي قالت لي لازم تتجوز مرات اخوك اللي مات و تلم أولاده لان مراته لسه صغيره و اكيد هتفكر تتجوز و ده من حقها يبقى لازم نسبق و تتجوزها علشان ولاد اخوك ميتبهدلوش. . انا سكت فجأه و قعدت افكر معقول الزمن يتغير كده . . معقول ممكن اكون مع الانسانه اللي اتمنتها عادي و بسهوله ممكن اكون معاها ! ! و رجعت فكرت ف اخويا و ازاي اعاشر مراته بعده . . و في مراتي اللي عمرها ما أذتني و بتتمنى رضايا مش ممكن اعيشها حاجه زي دي . . أو كمان ازاي اعاشر مرات اخويا ك زوجه انا حقيقي من جوه قلبي بحبها لكن مقدرش اتجوزها ، ، مقدرش اهين مراتي و اتعبها في حياتها امي عرضت على مرات اخويا اني اتجوزها لكن هي رفضت رفض تام و قالت ل امي انها مش هتتجوز بعد مصطفى و انها هتقعد تربى أولادها . . . و مراتي معرفتش حاجه لكن كانت خايفه يحصل كده بس انا طمنتها اني مستحيل اعيشها الوضع ده و اني اد ايه بحبها و بحب ابننا ( ( مالك ) ) هي صدقتني و فرحت ب اخلاصي ليها لكن انا من جوايا صحي فيا حبي القديم و نفسي و بتمنى اني اكون معاها لكن مستحيل ، ، و مينفعش انا اتكتب عليا تبقى قدام عيني كده طول حياتي من غير ما يكون ليا حق فيها . . ده نصيبي و انا راضي بيه عشنا ايام عاديه كانو ولاد اخويا هما أولادي كنت انا زي ابوهم في حنيته و يمكن اكتر كنت بشوف فيهم اخويا اللي اتحرمت منه بدري مرت سنين على الحال ده ولادنا كبرو مراتي فجأه حست بتعب مفاجئ روحنا بسرعه المستشفى و عملنا تحاليل و اشعه مع الأسف مراتي طلع عندها كانسر و مرحله متأخره جدا كنت بموت عليها خلاص انا مش قادر اخسر حد بحبه تاني . . فضلت جمبها طول فتره علاجها ب الكيماوي ل حد ما ربنا رحمها و ماتت .. .. ماتت حببتي ب المرض الوحش . . انا مش قادر اتحمل قسوه الايام عليا انا خلاص مبقتش قادر اتحمل الام الفقد اكتر من كده انا هموت من زعلي على ابويا و اخويا و مراتي . . . . مع الوقت اتعايشت و الايام عدت و انا حاسس بوحده فظيعه انا صعبت على مرات اخويا و قالت لي ممكن تتجوزي . . ؟ ؟ انا مكنتش مصدق وداني احنا خلاص كبرنا ازاي اعمل كده قلت لها انتي بتقولي ايه قالت لي انا بحبك من يوم ما شفتك اول مره و كان نفسي انت تكون جوزي ، ، لكن نصيبي كان مع اخوك . . و انا حبيته و اخلصت ليه و انا مقدرتش اتكلم و اقوول لك على اللى جوايا ، ، لكن اتأكد اني بحبك من كل قلبي و اتحملت كتير و كتمت جوايا اكتر لاقتني بقولها و انا كمان اتحمل كتير و الظاهر اننا نصيبنا مع بعض ، ،. اتجوزت مرات اخويا و حببتي من البدايه و ربينا أولادنا التلاته سوا و كنا بنفتكر اخويا و مراتي ديما و كنا بندعي لهم و نقرأ ليهم الفاتحه ديما و عمرنا ما نسيناهم و لا هننساهو . . . أولادنا طول عمرهم اخوات َ مفيش فرق بينهم اتجمعت ب حببتي اخيرا اول مره هعيش الاحساس ده انا ربنا عوض قلبي خير عقبال كل الناس اللي بتحب بعض لما تتجمع و محدش يفرق بينهم ( ( دمتم ب خير ) ) $ $

Free reading for new users

Scan code to download app

App Store Google Play

Facebookexpand_more