Luce
Gusto kong maluha sa mga narinig ko.
Ang ibig sabihin ba nito ay okay lang kay France na malayo ako sa kanya? Okay lang na maging sekretarya ako ng iba? Gano'n gano'n na lang? Ayaw niya na iwan ko siya, pero gano'n niya ko kadaling bitawan? Pumapayag ako na itago niya ang relasyon namin pero sobra na itong gagawin niya para mapagbigyan lang ang Daddy niya. Kung sabagay, sino ba naman ako. Mai-legal nga hindi niya magawa sa akin, ipagpalit pa kaya sa kapakanan ng kumpanya nila?!
Wala akong nagawa kundi tumango kay Don Kihano, "Sige po, Sir," pilit kong tinapangan ang aking tono kahit ang totoo ay parang gusto ko nang mapaiyak sa harapan nito.
Kahit ayokong pumayag, wala na 'kong ibang choice. Ano pa bang magagawa ko? Ayoko namang mawalan ng trabaho dahil ulilang lubos na ako,
