Luce
Lumaki ako na puro pagsubok sa buhay ang kinamulatan, pero ang lahat ay pilit kong pinaglabanan dahil alam ko na iyon ay nag-iwan ng katatagan at karunungan sa pagkatao ko, na aking pinakikinabangan hanggang ngayon.
Narito ako sa balcony, kung saan, halos tanaw ko ang lahat ng kagandahan sa paligid ng bahay na ito. Pumikit ako upang damahin ang sariwang hangin na dala ng mga puno na nasa paligid, pagkatapos ay bahagya akong napangiti dahil sa kakaibang comfort na dala ng sariwang hangin na aking nalalanghap. Napakasarap sa pakiramdam ng katahimikan.
Sa tuwing sumasapit ang hapon ay umaakyat na ako rito, dahil alam ko na iyon ang oras ng uwi ng isa sa mga taong pinakamahalaga sa buhay ko. Gustong-gusto ko na tumatayo rito, dahil ito lang ang lugar kung saan malaya kong napagmamasda
