حمامه في احضان معتقل الفصل الاول

3719 Words

البارت الاول....روايه«حمامه في احضان معتقل» بقلمي..نور..«سمو العراق» المعتقل.. سجين وروحي محتاره وعليه طالت المده ادير العين ماكو احباب كلمن حاير ابشده خلص صبري يخوتي وحكَ المصطفى وجده منو مثلي جفت دنياه ومنو مثلي انمرد جبده ومنو مثلي الوكت اذاه وظلت دمعته ابخده بس اصبر واكَول اتهون والله يف*ج الشده والله ايعين كل مظلوم لو صار الوكت ضده كان گاعد بزاويه من زوايه سجن بوكا بالعراق بأم القصر ...تابع للسجون الامريكيه وسجن عباره عن مخيم نتيجه احداث الشغب وعمليات الاحراق المتواصل من قبل المعتقلين لكن تطور وصارت بيه وحدات سكنيه مع كتله خشبيه تسقيف بدل من الخيام... انتهاك لحقوق الإنسان ضلم جور تعسف كل هذا واكثر لاقاه بطلنا المعتقل بسبب احداث شغب تم اعتقاله من قبل الاحتلال الأميركي زياد بيأس يحجي ويه صديقه...ااااه لك فتحوو اقسام جديده حاويات حديديه يخلون بيه السجناء احد السجناء...اي صح بس اجت منظمات ومن بينهم منظمه الهلال الأحمر وإدانة هذي الحاويات لان بيها ضلم تعسف ضد السجناء... وهماتين سمحوا بزياره العوائل بس فقط من الدرجه الاولئ زياد بتنهيده...الله كريم احد السجناء بتساؤل...شكد حكموك؟؟ زياد بقهر...بعدهم ماحاكميني بس مبدأ حكمي 20 سنه هذا اذا مو مؤبد احد السجناء...شنو سبب جرمك؟؟ زياد بعصبيه...ماكوو جرم همه المجرمين وكل القضيه انتفاضة واحداث شغب ضدهم هذا جرمي من حقي اطالب بحقوقي داخل بلدي ولا اسمح للمحتل ينهبني وياخذ حقي اااوف بس للاسف ماكوو احترام الحقوق الانسان احد السجناء بضيق...الله يفك اسرك يا زياد ويرجعك العائلتك.. زياد گام من مكاانه وطلع من الزنزانه وبحسره...ااااه كل همي عائلتي زوجتي واطفالي امي وابوي 20 سنه موو شويه يشيب الرأس واني بعدني جروحي متعفنه هنا..يااارب ساعدني وفك اسري انت المستعان ااااه مشتاق الزينه زوجتي ام اطفالي زياد ....شاب من العا**ه بغداد معتقل بجرم الاساءه للجيش الامريكي مده حكمه مبدئيه 20 سنه متزوج من بنت عمه وعنده ولد وبنيه..تتراوح اعمارهم بين الخمس الئ ست سنوات..وعمره 32 سنه ************************************ بجانب اخر.... كانت گاعده علئ القنفه هي واختها..وهي تسولف علئ عيالها... براء..لج شبيج انتي خبله دا اكولج ازوجت اسراء بصدمه...عزااا شلووون تزوجت هي غير زوجته شلوون تزوج؟؟ براء بتنهيده...لج بابا اطلكت غيابي وتزوجت وبعدين هي صار الها سنتين مهجوره يعني عادي تطلك وتزوج والله هو من تم اعتقاله بسنه الاولئ اجوو اهلها واخذوها رغم هم بيت عمهم وبهاي السنه ازوجت رجال مزوج وعنده كووومه جهال اسراء بضيق...شبيها جان انتظرته يطلع من السجن يمكن يتبدل الحكم.. براء...انوب هوو يموت عليها مجنون بيها وهي حلووه وتنحب بس بعد ازوجت وانوب اخذت الجهال وياها والله لو يدري يتخبل اسراء بحزن...والله انقهرت عليه خطيه هسه هو كل ضنه زينه بعدها منتظرته ميدري بيها تزوجت وراحت براء زوجت اخوو زياد الكبير...ان شاء اللة ميطلع والله يسويلنه مصيبه هو من غير هيج وهيج فايره اعصابه انوب زينه تزوجت والله مصيبه اسراء بصدق...الله يعوضه ويفك اسره....اكولج براء زوجج مااجه من فلندا براء بقهر...لا مااجه يكوول اكون نفسي واستقر وبعدين اسحبكم وراي والله موتني يمعووده لا يتصل لا يسئل لا يهتم ويگولون ليش النسوان تخون الزلم من وره قله اهتمامهم اسراء بضحكه...ههههه لا لج عيب شنوو هل حجي وبعدين هوو يشتغل لخاطركم اجت زوجة اخوهن وهي تتبطح وبطنها سابقتها وبآمر مخلوط بحنيه...اسووره حبيبتي گومي نضفي الاستقبال طلعوا الولد لان اخوج جان لام اصدقائه كلهم ويباوعون علئ لعبه ريال مدريد و برشلونة وهسه صارت الاستقبال طگه وطيح حبابه كومي نضفي... اسراء برفض مخلوط بعصبيه...مااا شنوو والله من صبح لهسه بس انضف ت**رت ت**ر حتئ فراشات غسلت ميصير هيج محد تحرك روحها بس اني صايره خدامه... زوجة اخوها منئ...شفتيها براء والله ولا تحترم ولا دكول زوجة اخووي وحامل تزكح زكح براء بتفهم...بس خطيه من اجيت لحد الان اسراء طاح حضها تركض الجهالج تركض الجهالي وطبخت ونضفت البيت وغسلت فراشات خطيه هي بعدها صغيره شتصير انتي هم ساعديها حتئ لو حامل اصلا هي الاشهر الاخيره ينراد الها حركه حتئ الطفل ينزل وتصير الولاده سهله.. منئ بقهر...خووش رايحه انضف لزمتها اسراء برفض...لا اني حنضفه هي ضلت علئ الاستقبال.. راحت دخلت للاستقبال وهي تتذمر شافتها صايره هووسه كطوف الجگاير والگشور الحب ودخان وقواطي الببسي الفارغه وكنل** وهووسه انقهرت وبقهر...خرررب حضي اني اشبه سندريلا بس لا مضيعه حذائي ولا الامير يحبني اشبه بس بالكرف التكرفه وشلعان الگلب... عزلت الاستقبال ورتبته وگعدت تمسح بيها اثار انتباه قصاصه ورقيه صغيره رفعتها وقرت حروفها انصدمت صددمه قوووويه من المكتوب قرتها بصوت خافت يرجف واصابعها ترجف... مضمون القصاصه..« اسراء حبيبتي شطالعه اليوم تجننين احبببج احبج اتمنئ اخ*فج من اهلج واخفيج عن العالم كله اذا تحبيني اكتبيلي رساله وشمريها هنا واني اخذها...» انصدمت بقوووه...شنوو هذا شنوو؟؟ معقووله واحد من اصدقاء اخويه يحبني بس شلون جريئ شلون هيج يكتب ميخاف اخوويه يلكاها بس منوو معقوله حمزه حمه اختي ؟؟ اي معقوله همه جيرانه اووف استغفر الله هاااي شنوو والله غريبه ضمتها بص*رها وهي متوتره وتفكر منوو كتب هذي الرساله...ياترئ منو الكاتب؟؟ براء....زوجة اخوو زياد عماد الكبير عمرها 29سنه وعدها ثنين بنات ولد وزوجها مسافر الفلندا ويريد يسحبهم وبعده مشايفه منه اي اهتمام لذالك دائما تغلط عدها نقص حنان? اسراء..اختها الصغيره حلووه وناعمه وشويه عندها غباء كتوومه ومتحجي اسرارها وكل تنضيف البيت عليها ومرات تجزع وضل تحجي تريد واحد يساعدها بالشغل البيت...ومبتليه برسائل مجهوله من عاشق مجهول.... ************************************ تعالو نروح البيت المعتقل..... تعريف بعائله المعتقل.... عماد...عمره 36 متغرب بالخارج يشتغل متزوج من براء اهتمامه قليل بعائلته لكن هو كل همه يسحب عائلته اله..دوره مو مهم بالروايه زياد...المعتقل عرفت عنه.. زيد...الاخ الثاني للمعتقل شاب يمتاز بحده ملامحه وبشرته البرونزيه كتووم ودائما متضايق كل همه زوجته اريج التكره كره العمئ رغم هو مساندها بس هي من تشوفه عبالك تشوف عزرائيل بعيونها..وهو شرطي بالدوريات..وعمره 29 سنه أريج...زوجه زيد وتكون بنت عمه معاقه ومقعده عن الحركه حزينه لابعد حد ودائما تبجي تكره زيد حييل وحتئ لو تموت ما تطلب مساعدته وامها يوميه تجيها تبدل الها وتسبحها وقايمه بواجبها حلووه وزوجت زيد غصب ماقبلت بي بس اهلها انطوها اله لان يخافون امها تموت ومحد يضل الها لذالك متكفل بيها زيد...عمرها 20 سنه حمزه...هذا الاخ الرابع حشاش الئ ابعد حد ما يشتغل وشويه عنده استهتار دائما ممتواجد بالبيت شخصيته مختلفه عن شخصيه اخوانه عايش الحياة بفرحها وحزنها..ودائما مشاكل ويه ابوو وجان يخاف من زياد حييل عمره28 سنه وهواي يصاحب ويغازل اخواتهم روان وزران...روان متزوجه اخوو زينه زوجة زياد...ورزان بعدها ممزوجه. فرح...هاي تعتبر اختهم بس هي مو اختهم بنت خالتهم امها صارت بيها حاله نفسيه وحرگت روحها وماتت وجان عمر فرح 6 سنوات اخذتها خالتها ام عماد وربتها واشتكو علئ ابوها...حلوووه حيييل عيونه عسليه وبييييضه وخدودها حمر بس عيبها سمينه ومدبدبه زياده عن اللزوم نهار كله تأكل ومدلله دلال اكل ونوم شويه خبله وزعطوطه..عمرها 15 سنه..«دورها حلوو بالروايه» كانوا كلهم متجمعين بالاستقبال ويسولفون وهمه مهمومين ولدهم عبالك عين وصابتهم واحد متغرب واحد معتقل واحد زوجته معاقه وكارهته واحد مستهتر ولا واحد بيهم مرتاح وميعرفون شوكت الفرج... اجت امهم وهي شايله صينيه الجاي وقدمته الهم حطت استكان امام زوجها جان يقره قران واستكان عند ابنها زيد واحد انطته الاريج لكن اريج رفضته زيد سحب الكرسي المتحرك الگاعده عليه اريج وسحبها يمممه وهو يبتسم الها بهيام عااطت بعصبيه وهي تحرك ريمونت الكرسي وتريد تبتعد عنه حجت من بين اسنانها..شگد متستحي تريد تحسسني بااعاقتي وتحسسني اني معااقه شگد اكرهك واكره تصرفاتك عووفني زيد بهدوء وهو يكتم غضبه بلل شفايفه بضيق.. الئ متئ اريج الئ متئ والله اكره روحي الف مره واتمنئ الموت من اشوف تصرفاتج وكرهج اليه.... ا ردف بحنيه.. اريج الصار لا بيدي ولا بيدج الصار غصب عني وعنج.. سحبت نفسها وهي،ترجع الكرسي المتحرك للخلف وزمت شفايفها وعقدت حواجبها لايمكن ترضئ بصلح حجت بهدوء...اني محاسبتك:؟ تن*د بضيق وتكلم بصوت يحمل حزن...رفضج اليه ونترتج بالكلام اكبر حساب واصعب عقاب دارت وجهه منه وهي رافضه كلامه سكت وهو يتن*د ويسحب،نفس،ويزفره.. اما فرح كانت حاطه باكيت البقلاوه وتأكل بشراهه وكتاب الرياضيات بحضنها بس همه مو ويه الكتاب همه بطنها.... دخل حمزه وهو يفر بمفتاح سيارته ويدندن حمزه...السلام عليكم الكل...وعليكم السلام حمزه گعد بصف امه وهمس الها وهو يباوع علئ فرح....ادري يممه هيوونه «هيا شعيبي» شگد تأكل والله اخاف ادخل للبيت وتاكلني ام عماد بقهر لان تموت علئ فرح...اسكت يمه اسم الله حاط عينه علئ فروحه اصلا ضعفانه سوده عليه حمزه بااستهزاء...يا متاكل حتئ الثلاجه لو عدها رجلين شردت من زمان كد ماتفتحها وسدها امه بعصبية...يمممه اسم الله حميزه عينك بارده عليها ماكله بصينيتك تف تف هذا فالك فرح بخبال...يالله ماما جيبلي جبس جوووعانه حمزه...اهااا شوفي هيووونه استلمي ام عماد بحنيه وهي دخل ايدها بجيبها...اي يمه هااج اشتري التردينه بس لا ترحين انتي خلي الجهال تروح تشتريلج زيد بعصبية...والله اذا طلعت هي اشترت ا**ر رجلها بعد صارت مره ماتطلع بعد حمزه بكلبه..صارت هيشه مو مره شمرت الالف بعصبيه علئ الارض وهي تتذمر...بعد مااريد اشتري سديتوو نفسي مشت شويه ورجعت اخذت الألف وهمه ضحكوا عليها.. ام عماد...ليش وياه ليش تقهرونها رفقا باليتيم فروحه يتيمه زيد وهو عاقد حواجبه..يمه قابل احنه نكرها بس يمه كبرت وهي الله يسلمها خشنه ولو البگدها ازوجن شنوو تطلع تشتري ام عماد...هي مطالعه وانت زكحت بوجهها اريج باوعتله بخزره وعصبيه وهو بادلها نفس النظره ضغطت علئ الريمونت ومشت بيها العربانه وهي تاركه المكان اله زيد بقهر...عوفينه منها شلون تسمحون الزينه تزوج وليش متجيبون اطفال زياد ؟؟ ام عماد بحزن...والله يايمه هذا الكاسر ضهري اطفاله متعلقين بيها وميردون هنا واحنه ماسمحنه بزواجها بس بعد اخوها هوو طلگها غيابي وتزوجت يگول لا يلوحنا طشار من الامريكان ويعتقلوها لان هي مرته زيد..والله والله اذا اجه زياد ههه اله يگلب سافلها واطيها شنوو مرته عايفها علئ ذمته ومتزوجه ام عماد بخوف وحزن...الله يستر جاا شسوي شبيدي اني اتمنئ بس رجعة وليدي بسلامه وازوجه تاج راسها... زيد گام من مكانه وهو يتوجه الغرفته...ههه هذا اذا ضل براس ابنج عقل مسحت دموعها بشيلتها وهي تحس بعصره بص*رها...سوووده عليه يمممه زيودي كاسر گلبي والله انهجم بيتي عليه بروحتك يمه شلوون اذا رجعت ولگيت مريتك متزوجه انهجم بيتي عليه سوده عليه يممممه اندق الباب بقوووه وگامت ام عماد تفتح الباب...منوو منوو اجيت اي شسالفه علئ كيفك منوو فلشتو الباب فتحت الباب وشافت مختار القطاع وهو يرسم علئ وجهه تباشير الفرح وبلهفه وفررحه....ام عماد ام عماد افرررحي افرحي زياد ام عماد بعبره ورهبه وخووف وهي منتظره ينطق الجوهره ودموعها ملت وجهها من ذكر اسم ابنها الغالي....احجي احجي خووويه ابو محمد شبي زيااااد المختار بفرررحه عاااارمه....زياد عفوو عنه زياد طعنوا بالحكم بمساعده القوات الامنيه وطعنوا بالحكم...وباجر يطلع براءه انصدمت بقووووه وهي تبجي وتضحك...يممممه ياااربي زيووودي ياااربي بجاهك يااربي ياراد يوسف الئ يعقووب اريدك زيودي ترجعه سالم غانم يمممه الحگووو وگعت من طوووله واجه ابو عماد وهو شايل القران جان يقره واجه زيد وحمزه وفرح ورزان فرح انرعبت وركضت علئ خالتها وهي تصرخ عبالها ماتت....ماما ماما لااااا لا تموتين ارريد امي ..رزان حضنتهن وتبجي ابو عماد بصدمه....شكووو شكووو شصاير زياد بي شئ حمزه ركض جاب مي وهو يرش علئ وجهها وزيد يفرك بيد امه وهم متخبلين عليها همست بضعف....زياد ف*جوا عنه الكل انصدم وفرررح وماتوقعوا الخبر... ابو عماد وهو برفع ايده بالدعاء ويضغب بشكل مؤلم...حاشا لله حاشه لله ماقصرت ياااارب ماقصرت قرينت عيني بشوفت گرت عيني عزيمه وثواب الوجه الله تعالئ علئ سلامه وليدي اااااخ ولك يابويه ولك بوووويه زياااااد يابوووويه ضهري م**ور بغيبتك بويه تطشر عووويلك بووويه حضنوا الرجال والمختار حضنه. وهمه يبجون ويحاولون يهدونه...بس هيهات ياكبر فرحته نهايه البارت....يتبع.. بقلمي...نور«سمو العراق»? لاتنسو التصويت غالياتي ? الفصل الثاني... رواية ?#حمامه في احظان معتقل? بقلمي...نور سموو العراق ..مساء الموده?? بلغ احبتي واهل مودتي وكل قريب يريد مسرتي افراحنا قد اقبلت اوقاتها ولذيذ افراحي اجتماع احبتي...#المعتقل حظن صديقه بفرررح وهو يضحك بصووت فرحان مخلوط بلهفه...يعني متأكد ف*جوا عني؟؟ الضابط ابراهيم ببتسامه...اكيييد ابو الحسن معقووله اتركك والله العظيم من بغداد لام القصر اجيت عبرت شطوط وحلقت بالجو....عاد كون تزوجني عسوله زياد بضحكه...يافديت عسوووله والله مشتاق الضحكته وافا اكيد ازوجك عسووله والي الشرف اناسبك بس حظر مميات وحفاضات لعسوله ابراهيم...ههههاي هاي عسوله خساره مو ربح وبس لا تطلع دلووعه؟؟ زياد بجديه...بعد بنت زياد ويحق الها تدلع بعدها كمل بجديه...تسلم ابراهيم والله ماانسئ وكفتك وياي والله الاخ ميوكف الاخوو هيج وكفه بس انت حليب امك طاهر وياريت تساند بعض شباب هناا ولا تستثنيني لان والله اكثرهم مضلومين وهذا السجن ما ينحمل امراض معديه صارت بيهم من قذاره المكان ابراهيم....اكييد الاگدر عليه اسووي وان شاء اللة اگدر انصفهم...بس اني مگتلك خابرت المختار وبشرته بيك ردت الفرحه تجيهم جاهزه ماخابرت اخوانك مع العلم همه يوميه يتصلون بيه وحمزه وزيد ماقصرو وهم والدك والدتك يوميه يجون زياد بلهفه عليهم...اي ادري والله ماانسئ اليوم الجبت امي بي للسجن حسيت روحي يتيم وطلعت امي من قبرها...الله يطول بعمرها ولا جنت متوقع امي اشوفها مره ثانيه وتجي للسجن علئ حدود السعوديه وطريق متعبها ومدمرها ولا انسئ اليوم النعت بيه عليه وسفطت كلماتها وطربتني وائذتني بيهن ابراهيم بصدق...الله يساعد گلبها جابت الطريق كله تنعي وتبجي وطريق مايتحمله الصاحي ونزلونه بشط وهي تخاف والله **رت گلبي بيومها ان شاء اللة ترجع الاهلك سالم غانم وتقر عينهم بشوفتك زياد بتنهيده محمله الكثير من الجراح...تسلم الله يكثر من امثالك ابراهيم والله انت دوله وعلم ابراهيم ببتسامه جانبيه...هذا واجبي ابو الحسن اذا مااوگف الك بمحنتك شوكت اوكفلك ابتسم وهو يطبطب علئ كتفها وبهذي الاثناء الجندي الامريكي الغاء الزياره طلع الضابط بعد ما سلم علئ زياد وطلب منه يحظر اغراضه حتئ يطلع من السجن ابتسم وهو ينظر الئ ارجاء وزوايه السجن زياد بحنين...اااه وحان اللقاء سنتين..سنتين واني احن الهم امي اخواني اخواتي اطفالي زوجتي الحلووه شوكت ارجع وانجمع بيهم ياافرحتي بيهم ويافرحتهم بيه اكيد منتظريني اكيد زينه مخلت اطفالي ينسوني ويضيعون ذكري تشوفهم صوري ودكولهم هذا بابا ااااه ياكلمه بابا شگد مشتاق الها لكن مكان مدرك بالحقيقه المره هي زواج ام اطفاله دون علمه وعدم انتظاره.... ************************************ نزلت من الدرج زوجه اخوها وهي بالقووه يالله تنزل بسبب ثقل بطنها وتعض بشفتها من الوجع ولازمه بنتها بيدها وتنزل بايات الدرج بحذر شافت اسراء تغسل،بالملابس تن*دت بضيق ونبره مزعوجه...اسراء غسلتي ملابس الجهال والله مابيه اغسلهن بطني واصله الحلگي شوكت اجيب وارتاح اسراء بهدوء...الله يسهل الج اي غسلتهن بس والله ان**ر ضهري هذا احمد طلعلي الكنتور كله ماصدك غسلت هدووم وكلها جابت ملابسها حتئ النضيف غسلته بس الحمدلله هاي اخر وجبه منئ بتنهيده...الله يساعدج اسراء بدون اي تعابير علئ وجهها...الله يسلمج صعدت علئ الدرج وهي شايله الملابس بالسله صعدت للسطح فووك كان واسع وحبال مربوطه من بدايه السطح للنهايه كعدت تشر بالملابس،بهدوء وتغني باغنيه طاگه بوكتها...لا بلا بلا بلبله ولا ولا ولا مشكله الي ما يحن عليه اني ماحن اله...منو منو گلك منو تخبل وشكلك حلوو شدعوه متكبر عليه هسه بالله انت منوو نكتت القميص وشرته وهي تكمل اغنيتها..البعد صدكني فرصه لا تسوي الفركه قصه اني راح اكتب بدايه واكتب انت التكمله..بله بل...اتلاشت كلامتها بعد ماسمعت رنه موبايل علئ الاهتزاز استغربت وهي تصغي للصوت وميزته وين شافته علئ السياج الفاصل بينهم وبين ابو عماد ومحطوطه فوگه ورقه كان السياج ناصي بعض الشئ ترددت تشوفه لكن الفضول عندها قاتل تقربت منه وسحبت الورقه وهي تتلفت بخوف قرتها برجفه وصدمتها الحروف المنقوشه علئ الورقه البيضه مضمون الورقه...حبيبتي اسراء احببج انتي روحي هذا موبايل صح هو مو من قيمتج بس ميخالف المهم نتواصل بي احبج اخذي الموبايل وماتندمين وراح اعرفج عن نفسي واكون الج اب واخ وزوج وحبيب وشنوو تردين احبببج اسراء لا ت**رين فرحتي اخذي الموبايل ومن نزوج اخذلج احسن موبايل..وهاا ديري بالج ضمي بعيد مااريد اهلج يحسون بشئ اوك يا حلوه? حست بخ*فه سريعه كمزت مرعووبه ماعرفت هل هي تخايلت ام حقيقه هي شافت شاب بس منوو معقووله حمزه حمه اختها بعدها ادركت هذا عقلها الباطني اتخيل اكوو شخص لكن هي حسيت بحركه شخص ضلت محتاره هل هي توهمت ام حقيقه... بعدها تكلمت بخووف..هذا حمزه معقوله حمزه يحبني ابتسمت بخجل يبوو والله استحي لا مااخذ الموبايل هسه يكول عليه خفيفه.. صعدت زوجه اخوها وهي من خوفها بسرعه حطته بص*رها ولزمت الورقه وعقجتها حييل ورجعت تشر بالملابس منئ بااستغراب...شبي وجهج اصفر؟؟ انتي ممتريگه اسراء باارتباك وتوتر وقلبها يدگ بقوه وترجف من وجود الموبايل بص*رها جاوبت بلعثمه...هااا لا متريگه بس تعبت هسه شويه ارتاح منئ بهدوء...عيفيهن اني اشرهن سحبت السله بسرعه...لا لا خلصت فاتت من امامها وهي ترجف من الخوف والموبايل موترها نزلت بسرعه ولحگتها منئ بنظراتها وهي ترفع حاجب... نزلت وهي متوتره وترجف ماعرفت وين تودي الموبايل لان منئ ضلت فوگ واخوها اجه وصعد الغرفته فتحت كنتورها وضمت الورقه بين ملابسها الداخليه وقفلت الكنتور ثلاث مرات وقلبها ممطمن ....................... ليس ذنبي أنّ دربي ما استوى كان ذنبي ثوبُ أحلامي الطّويل? كانت گاعده علئ الكرسي المتحرك وهي ناطيه ضهر الكرسي لامها وامها گاعده علئ السرير وهي تظفر ب*عرها بعد ما طلعتها من الحمام امها بحنيه...حبيبتي اريج احجيلي شلونج مرتاحه هنا ؟؟ زيد ممئذيج موو؟؟ اريج بعبره...بصراحه ممرتاحه هنا ماما اريد يمج انام بحضنج ابجي علئ ص*رج اشكيلج عن عجزي وحاجتي للناس امها بحنيه...يابنت گلبي يااريج والله كاسره ضهري يعني يهون عليه اشوف عجزج واسكت بس شسوي اذا ابوج فرض علينه هذا القانون وگال لازم تزوج حتئ زيد يكون الها سند احنه مدايمين الها وبلكي يصير عدها اطفال يعينوه بالمستقبل اريج بعصبيه وفزع...شنوووو؟؟ اطفال من زيد والله والله لو يضل يوم بعمري مااخلي يلمسني هل خسيس اني اريد اخلص منه انوبه يجيني طفل يلتف علئ رگبتي ويربطني بي كملت بااستهزاء...وبعدين وين اكوو مشلوله تحبل امها بحنان وهي تبوسها بكتفها...لا حبيبتي يصير حمل اذا زيد تقربلج دارت وجهه علئ امها وهي مفجوعه وتحس بشخص زيد مراقبها حجت من بين اسنانها...اسكتي ماما والله حلم ابليس بجنه تن*دت امها وسكتت اما هي ضلت تغلي بعصبيه وهي تتمنئ تهرب من المكان لكن للاسف رجليها ما عايناتها دخل للغرفه وهو لابس الزي العسكري وبارز وسامته تكلم بهدوء..السلام عليكم من شافته انفجعت عبالك شافت ملك الموت طلبت من امها حجابها ولبسته وامها ردت السلام اما هي مايشرفها ترد ولو السلام لله زيد ببتسامه جانبيه...شلونج عمه عمي شلوونه ان شاء اللة مرتاحين ام اريج ببتسامه...الحمدلله نسأل عليك انت شلونك؟؟ زيد بهدوء..تسأل عليج العافيه الحمدلله زين تركهم وراح وهو يطلع ملابسه من كنتوره ام أريج گامت وهي تحاجي أريج...حبيبتي أريج اني حروح اجيبلج مي حتئ تاخذين علاجج زين؟؟ اريج بخوف ورفض...لا ترحين امها بخجل منها...شبيج ماما هسه اجيبلج مي واجي اريج بعبره...اخذيني وياج زيد اندار عليها وهو يخلي ملابسه علئ القنفه...اني هسه اجيب الها امها...لا ماكوو داعي ان رايحه اجيب طلعت امها وهي تمنت تروح تركض وراها ماتحب تضل وياه بغرفه وحده تحس تختنگ تموت متحبه شافته يفتح باازرار قميصه العسكري تكلمت بهدوء مخلوط بعصبيه...رووح بدل بالحمام ابتسم حجت وياه حتئ لو حديثها قاسي المهم تحجي وتتكلم..اندار عليه وتقرب منها شافها لزمت الكرسي بخوف وتتمنئ تطير ولا يتقرب منها.. اما هو تشجع وهو يگعد علئ السرير وراها ودارها عليه صرخت بجزع منه ضلت تتنفس بصعوبه وهو يباوع الها بحسره ركز بملامحها الاثيره وهي نزلت راسها اكثر همس بصوت ناصي...شبيج أريج؟؟ تكلمت بحسره وهي تتلاشئ النظر اله...لا تبدل گدامي زيد ببتسامه وهو يلف اديها علئ رقبته ويتقرب منها وبهمس رومانسي...يعمري الي يستحون فديتهم ..بس اني جنت ناوي انتي تفتحين ازرار قميصي.. سحبت اديها من رگبته بغضب وخووف ورجعت نفسها من خلال الريمونت وابتعدت عنه وبعصبيه..كم مره كتلك ابتعد عني مااريد منك شئ تن*د بضيق وهو يغمض عيونه ويعض شفته...اريج ارحميني والله تعبت اريج بعصبيه...اني والله ممسويه شئ انتي ارحمني وابتعد عني ولا تستغل ضعفي،وتفرض عضلاتك عليه تدري بيه مشلوله ولا حول ولا قوه وتدري بيه مااحبك لاتجبرني عليك... تن*د بقهر كلمه مااحبك هدمت كل كيانه يحس بالذنب اتجاها وميلومها ولا يلوم كرها اله يحس بنفسه سبب بمعاناتها وعجزها لكن مابيده حيله دخلت امها وهي شايله گلاص المي شافتهم علئ هاي الحاله حبت تتراجع لكن زيد انسحب وهو ياخذ ملابسه ويدخل للحمام... امها انطتها علاجها وهي تباوعلها بحيره وتباوع علئ دموعها الحارگات جفونها...تأسفت علئ حالها بنتها مشلوله بعد ما كانت ورده متفتحه... ............................ عندما تنظر إلى حياتك فإنّ أعظم حب هو حب العائلة.? كانن بالمطبخ وهنه يركض هيج ويركض هيج مسوين غده بثواب وجه الله وتعالئ بمناسبه الافراج عن زياد... كانت رزان تغسل بالخضره حيييل وثوبها منگع مي وبراء كانت تطبخ بالتمن وام زياد تطبخ بالحم اجت اريج بالكرسي المتحرك ودخلت للمطبخ طلبت من رزان تنطيها تسوي زلاطه ورزان لبت طلبها حطته بحضنها وگعدت تگصص اما فرح كانت گاعده علئ الارض ومسويتلها لفه لحم وتاكل ولابسه تراك طوويل وعريض ا**ين لارج لكن مبين سمنها دخل حمزه وهو شايل صينيه الچاي شاف أريج سألها عن زيد....اريج وين زيد أريج بعدم اهتمام وهو تكصص بالطماطه...گال حروح ويه عمووو حتئ،يرحون للمطار يستقبلون زياد ويجون حمزه بتذمر...هاااا واني مخليني هناا انگل استكاين اجت براء وهي شايله صراحيه المي والگلاص،ابتسمت وانطتها الحمزه وهو اخذها منها شاف فرح تأكل بالفه وكاضه خياره وتگرط بيها همس البراء وهو يضحك...فريحه تهورشت اكلت عشر لفات گللللللللللللللللللوش براء واريج ورزان ماتن من الضحك فرح وهي تاكل وحلگها متروس وغاصه بالگمه حجت من بين كميه الاكل المتواجده بحلگها...شبيكم اتضحكون ضحكونه وياكم ..حميزه شبيهن يضحكن؟ حمزه بضحكه...كملي اكل كملي لا يفوتج شئ ام عماد بعصبيه...حميزه مشي روووح لا تگعد تقلد حاط عينك علئ بنيتي عينك بارده ان شاء اللة فرح بزعل...يمممه انطيني ربع اشتري جبس ام عماد بحنان...اي يمه روحي اخذي من كنتوري گامت بالگوه ومشت وهي تباوع علئ حمزه باوعلها بااستهزاء وهو واكف بباب المطبخ دفعته بكتفها ونض*ب بالحايط عااط بيه بعصبيه...خرررب يوومج بنت الكلب اني الج ركضت وهي تضحك والبنات يضحكن عليها وامه تضحك عليه حمزه بقهر...مو بنيه زلزال **رتني **ر الهيشه ام عماد بضحكه...تستاهل . حمزه تركهم وراح للخطار دخل للاستقبال وهي متروسه اخوان أريج وجيرانهم واقاربهم ماعدا اهل زينه زوجة زياد بعد مرور ساعتين تمت الفرحه والبشرئ بوصول مغدورهم المعتقل... ركض حمزه للمطبخ وهو يخبر امها بوصوله حمزه بفرررحه كبيره...يمه يممممه زياد وصل ام عماد بفرحه وضحكه مخلوطه بدمووع...يممممه زيوودي يمممه حبيبي يمممه زيوودي ركضت وهي تتعثر بخطواتها وتركض ملهووفه دحست نفسها من بين الاصدقاء والاقارب وهي ملهووفه عليه الكل كان ملتم عليه وهمه يباركوله وابوو واخوانه طايرين بي باوع لامه من بين الجموع وهو يرسم علئ وجه ابتسامه كبيره فتح اديه الها وهي ركضت عليه حضنها بحنان وحب وهو يبوس راسها وايدها حضنته وهي تبجي وتصرخ وتبوس بوجه وص*ره وكتفه وتتنحب عليه...ييمه زياد حبيبي يايمه شلوون حالك يممه سوده عليه يايمه بيك شئ يوجع شئ زياد بمحبه وهو يقبل اديها...يممه لا تخافين والله مابيه شئ لاتخافين اني بخيير دخل للبيت واستقبلنه اخواته رزان وروان وهنه يركضن عليه ملهوفات حضننه وهنه يبجن ويشمن بيه ويبوسن بي وهو حاضنهن ويطمنهن عليه اريج كانت جالسه علئ كرسيها وهي تبكي بنحيب ذوب گلب زيد... اما براء كانوا جهالها ملتمين عليها وهي تبجي من فرحتها وفرحت عيالها برجوع ابنهم بعدها اجت فرح تركض وهي لابسه تراك وحضنت زياد بقوووه رجعته خطوتين وضلت تصرخ بصووت عالي وهو حضنها وباس،شعرها وهو يضحك عليها كبرانه وسمنانه ماعرفها من تركهم جان عمرها 13 وهسه 15 اكيد متغيره ابتعدت عنه وهي تمسح دموعه بطفوله ونسوان اخوو تحمدن اله بالسلامه استغرب من عدم وجود زينه واطفاله لكن حس مو وقته يسأل الكل منتظره طلع للاستقبال وهو يسلم علئ العالم الجايته وتتحمد اله والولد عمه وايضا حس بغموض بالموضوع اخوان زينه ماكوو وزينه مااجت سلمت عليه وره 3 ساعات الكل راح وهو دخل يرتاح صعد الغرفته وهو كله امل يلگه عائلته الئ مضيعها اليوم فووك لكن تفاجئ ببروده الغرفه وعدم وجودهم حس بااعتصار داخل ص*ره وانهيارات جديده تزلزل كيانه كل ضنه انهم ماتوو او صار عليهم شئ او يمكن زعلانه واحد منهم مضايقها نزل بسرعه وهو يشوف اهله يبسبسون ومن شافو سكتوو زياد بتساؤل وتوتر....يمممه اشووو عائلتي ماكوو الكل سكت ومجاوب عاد السؤال بتوتر...يمممه وين زينه ام عماد حطت ايده علئ شفايفها بحت بحيره زياد بخووف وهو يكعد بصف امه لزم ايده برجفه..شنووو صاير عليهم شئ وينهم ليش ماكوو معقووله صار عليهم شئ واني ماادري بجت اكثر والكل بجه عليه وكف مصدوم مهبوط متوجع حس اطرافه كلها ترجف همس بضعف....ماتوو غمضت عيونها بحسره وهمست بخوف..زينه تزوجت صدمه صدمه صدمه بنهايه البارت انطفئت شمعه الحياة لتحل محلها شمعه الحقد ذابت الحنيه والاطمئنانيه وحل محلها ذوبان يحرق كل من اقترب منه ذوبان معتقل منتقم نهايه البارت...يتبع الكاتبه سموو العراق? لا تنسو التصويت عزيزاتي?

Free reading for new users

Scan code to download app

App Store Google Play

Facebookexpand_more