يا ليتني كنت منسيا 💔

2089 Words

رواية حمامه في احضان معتقل? البارت الثالث ليتني لم اعد ليتني كنت نسيا منسيا ليتني لم اتمنئ نسمه هواء عذبه خارج زنزانتي لتني مت قبل هذا... يالان**اري يالتحطيمي فقد بهتت الواني وت**رت احرفي...كيف اقسوا كيف اغادر؟؟ كيف انسئ حبا ؟ كيف اكابر؟ ابتعد وارحل بعيدا عن حياتهم حاملا خيبه معتقل..يكتب الذكرئ علئ اسطر الخواطر..? الكاتبه..سمو العراق وقف مصدوووم من صاعقه الخبر زمجر بعصبيه...شنووو زينه تزوجت انتو تضحكون عليه؟ ما تلقئ اجابه وشاف العيون حيرئ وتدل علئ حزنهم لكن هو يتمنئ يكذبون الخبر وراضي بكل شئ حتئ لو كذب باوع بوجه كل واحد منهم ابوو امه زيد حمزه اريج رزان روان براء فرح والكل نفس النضره ونفس الشفقه علئ حاله بلع ريقه بتوتر وهبطه وهو يتقرب من روان..روان عندها صحه الخبر لان روان تصير زوجه اخوو زينه زياد برهبه...روان ششش شصاير صدك هذا الحجي ههه مستحيل زينه تتزوج اكيد مسوين عليه مقلب حضنته بقووه وضاعت بحضنه وهي تبكي بصوت عالي والكل بكا للبكاءها رفع عيونه للسقف وهو يتن*د ويغلي وروان لحد الان حاضنته من خصره همست بحنيه...انساها صارت علئ ذمه شخص ثاني تراقصت عفاريت الجن والإنس امام عيونه دفع اختها باقوئ ماعنده **رها **ر وصرخت ب ااااااااه وهي تلزم ضهرها زمجر بصرخه هزت ارجاء البيت....صاااارت علئ ذمه رجال ثاني؟؟ والله والله اله اخليها تصير بذمه ربها ركض للدرج وهو يصعد درجتين درجتين واخوانه وابوو وامه واخواته وبراء وفرح ركضووا وراه اما أريج ضلت الوحدها داخل ارجاء الصاله الكبيره وهي تسمع صياحهم وتسمع غلطه عليهم وتهديده الهم بكت بووجع وحيره وهي تتمنئ تشوف شنو الدايصير لكن ما باليد حيله فهي لا تقوئ علئ الوقوف شافته نزل وملامحه تغيرت الئ ملامح شيطانيه وامه لازمته وهي تبوس بأيده وزيد يحاول يأخذ شئ من ايده زياد بصوت ناري وبفحيح يحرق الكل...حقراء كلاب متزوجه ومخلين اطفالي عندها بعدني ما متت والله لو ميت ولا هذا اليووم ام زياد بحنيه وبكاء...لا يممه اسم الله عليك خلص نفسه منهم وهو شايل المسدس وزيد لازمه والكل يتوسل بي لكن هو لا حياة لمن تنادي يتمنئ توگع زينه بأيده والله يشرب من دمها من شافته أريج وهو شايل المسدس صرخت برعب ..لااااااااااااا اااااااااه ماماااااا لاااااا زيد تخبل وضل محتار بين زوجته المشلوله وبين اخوو المنهار صااح علئ براء بعصبيه...لج براء شوفي أريج ديري بالج عليها حضنتها براء بحنيه وهي تاخذها الغرفتها دخلتها للغرفه وهي تشهق وتبكي بصوت مؤلم وترجف انعادت عليها ذكريات اليمه ماضي محزن بالنسبه ألها مما اثار عندها نوع من الخوف والقلق ضلت گاعده يمها انطتها مي وغسلت وجهها دخلت روان وهي تدور عبايتها وتلطم ص*رها وبقهر...يممه يمه راح يكتل رياض اخووي راح يكتل زوجي يممه اندهرنه عزا العزاج زينه ما صبرتي ما عرفتي تصبرين هيج الولد راح يتكاتلون من وراج اوووف منج اوووف هل طلع زياد شستفاديتي يا حيوانه والله ياخذ منج اطفالج ويخليج بالضيم طلعت من الباب وشافت امها تلطم ورزان وفرح يبجون ويهدون بيها لكن هيهات ابنها المغدور جن جنونه وانهارت حصونه بعد الي صاى صعب عليه وهو فرحان طالع من سجنه حتى يلتقي باحبابه تاليها تطلع متزوجه خانته غدرته طعنته بضهره تمنئ لو ضال بسجنه ولا شاف وسمع الي سمعه تزوجت وتركته وهو علئ قيد الحياة !! اجت ام براء وهي لابسه عبايتها وملهوفه وراها اسراء لابسه صايتها ولافه شالها بااهمال ام براء بلهفه وخووف...خير خير ام عماد شصاير إن شاء اللة ماكوو شئ سمعت صياح ببيتكم واجيت ركض عليكم ام عماد بنحيب ورهبه وهي تصفگ بااديها بعتب...والله مصيبه ياخيه زياد عرف بمرته اتزوجت وتخبل علينه واخذ سلاحه وهجم علئ،بيت عمه شفتي شصار بينه سوده عليه يمه زياد سوده عليه عود طلع فرحان ما يدري بمرته عافته وراحت تزوجت ولا كلفت نفسها تنتظره يطلع من سجنه والله يف*ج عنه ام براء لطمت ص*رها...يمممه مالزموا اخوانه ابوو جان خابرتوا اخوان أريج والله احنه الحجي ما موجود هو والولد جان اجوكم بس محد بالبيت كلها بالشغل ام عماد بنحيب...راحو اخوانه وياه وابوو بس هو تسودن شاب راسه يممه سوده عليه يمه زيودي الله يساعد كلبك سووده بوجهي شلون بيه ما اكدر اصبر صاحت علئ بناتها...تعالن ولج انطني عباتي اروح وراهم حلكي يبس صعد عندي الضغط يا ربي شوكت ارتاح ما ادري لا من طلع ارتاحيت ولا من انسجن ارتاحيت يمه كلبي راح يوكف اجت بنتها بس ما خلتها تروح كلتلها...اكعدي واسكتي مو مال ترحين هسه هم يجون ......................... حلمي تحطم واختفى...والعزم في قلبي غفا? كانت جالسه بغرفه امها وهي حاضنه ابنها وبنتها وتبكي بوجع قاتل وهي تشم بااطفالها وتشم ريحه ابوهم بيهم ابوهم الي غدرته واختارت ان تكمل حياتها من دونه من يوم سمعت تم الافراج عن زياد وهي اجت الاهلها وبس تبكي وتصرخ وتلطم وتعارك بااهلها تزوجت مجبووره مجبووره مبجبووره سمعت صووت رصاص وعياط انرعبت وانصدمت ومشاعرها انمزجت بخووف حضنت اطفالها بقووه وعرفت هذا زياد اليوم يحرك البيت غلئ راسها وعلئ راس الخلفها تعرف بي شكد يحبها ويعشكها وهي هم جانت تحبه بس بعد الي صار صار وهذا قدرها المحتوم عليها ومكتوب عليها تتزوج مرتين سمعت نبره صووته العصبيه والممزوجه بحزن وهو يغلط ويسب ويصيح فرزنت كلمه من بين كلماته...ليش اتزوجت هي علئ ذمتي والله يطلگها يطلكها وينج لج زييينه ويينج حيوانه اليوم احركج وانتي عدله والله زييينه وينك رياض لك كلب سمعت صوت ابوها واخوها يردوله نفس المسبه همست ببكاء وهي تسد اذانها بديها ارحموا ارحمي يا اني باركو الزياد گلبه مات ما ضل عنده گلب اول مره تسمعه هيج اول مره تشوفه بهل عصبية دخلت عليها امها وهي تلطم وتخرط بخدودها...ولج زينه الحگي روحي البيت زوجج زياد رجع وحالف يشرب من دمج ولج مصيبه وطاحت علئ روسنا عزا العزانه شلون ما حسبنه حساب لهذا اليوم انوب علكت بينه وبين اخوج وابوج وكعت علئ ركبها وهي تبكي بصووت عالي واطفالها يبكون البكائها وحضنوها....محتاره شتسوي محتاره شلون تداري دموعها وتصبر نفسها علئ مصيبتها الماكو منها مصيبه حبيبها وزوجها رجع وهي مو علئ ذمته همست بوجع...يطلگني مااريده اريد زياد زياد حبيبي احبببببه احبببببه اريد زيااااد لكن هيهات من بعد الي صار لو تتعمق اكثر بالحب ما راح يشفع الها آلي صار وبعد ما فضلت غيره مستحيل يرجعها الذمته وهي انكشفت علئ رجال غيره... ............................ اسراء بضيق من اختها...لج براء اربعه وعشرين ساعه بس لازمه موبايلج اليشوفج يكول مصاحبه حتئ من تجينه بس لازمه موبايلج لج عوفي عيب من عيالج ولدهم مدري شنو حالهم وحماج المعتقل هاد بسلاحه علئ بيت عمه وانتي كاعده مدري شتكتبين استحي علئ نفسج كبر حتئ كبر كانت تكتب رساله وهي تبتسم ومااعارت اختها اي اهتمام مما اثار عصبية اختها ندسته اسراء بعصبيه وهي لتفتت عليها بضيق همست الها اسراء بخفوت..شبيج مصاحبه؟؟ براء وهي عينها بموبايلها وبضحكه استخفاف..اي مصاحبه عندج مانع فتحت حلكها بصدمه وهي ناويه تعارك اختها لكن فزت مرعووبه من صوت الرفسة الباب الي فززت الكل وخلتهم يوكفون من مكانهم دخل وهو عاقد حواجبه وجه ما يتفسر اسد مجروح جارت عليه الايام صدمه الجمت كل حواسه زلزلت كل كيانه جبال تهشم وتصدع والسبب مره كان لازم مسدسه بيده وابو دخل وراها واخوانه كامت امه بسرعه وام براء كامت وياها ملهوفات حزينات م**ورات علئ حاله حطت ام براء ايدها علئ كتفه وهي تكلمه بحنيه...يممه زياد الحمدلله علئ سلامتك الله يعوضك ان شاء اللة وكول يا الله لباعك بيعه ما تسوه نعالك والله ازوجك تاج راسها وراس الخلفها هي الخسرتك مو انت شتت نظره داخل ارجاء الصاله وبجمود وحده بالكلام مسح علئ لحيته بتوتر وبجمود...الله كريم يصير خييير يصيررر خييير تركهم وراح وهو يگلب بالمسدس بيده ويصعد درجات الدرج بألم وقهر وكأنه ناوي علئ الشر اما هي كانت واگفه بفهاوه وهي تنظرله وتنظر الرجولته وهيبته كلمت نفسها بذهول ائسر...شنوو من رجال طوول وهيبه صدك غ*يه يوم التزوجت غيره والله الوحده من تشوفه تحس نفسها حمامه بحظن هل المعتقل هاي صدك تحجي تروح تتزوج شايب وما تنتظر زوجها يطلع من سجنه وينور بيته دخل حمزه وهي لتفتت عليه بسرعه لكن بسرعه نزلت نضرها تحس بخجل تجاهه من يوم الگت الموبايل فووك وضل يرسل الها رسائل وما متاكده هل هو فعلا صاحب الرسائل او يكون مجرد وهم وهي عايشه بي سلم عليهم وراح ولحگته فرح تركض وهي تصيح...حميييزه رووح جيبلي بيض جعت اريد اسوي بيض سلگ فدوه مماكله من الصبح الهسه باوعلها بنظره استهزاء وبااستخفاف...خررب حضي الناس بالناس والگرعه تهلس بالراس ماتفكرين بس ببطنج ومو صرتي جنج فييل بطلي اكل علئ يوم اكعد الكاج ماكلتني فرح ض*بت رجلها بالارض وبعصبيه...حمزززززه حمزه بعصبيه...وگمزه شتردين؟: فرح بجوع...اريد بيض حمزه بغضب..ادري شگالولج عليه دجاجه وتردين بيض يابه اني ديچ انتي فاهمه الموضوع غلط وامشي ولي من وجهي الا ابتلي بيج هسه فرح بزعل...حميزه اريد بيض متت من جوع ترا اكلك والله حمزه بتهديد...توخرين مني لا اصيح عليج زياد وهو گابات عنده اله يسويلج رجيم قاسي فرح بقهر...اله اگل لامي عليك تغلط عليه كدام اليسوه والما يسوه بسيطه حمزه بعدم اهتمام...دطيري شكد بطرانه تركها وراح وهو يضحك دطيري هي شيطيرها اول مره اشوف جاموسه تطير وهي تتذمر ومقهوره حيل وتصييح...اني جاموسه وانت صخل يالصخل بسيطه والله الا اخلي ابوي يذ*حك شكد خبيث وغثيث ......................... شفــــــــاك قبلتــــــــى وما بين ذراعيـــك كعبتى فها انا ساجد يا حبيبتى فتقبلى قلبى قربان محبتى دخل الغرفه براء وهو يشوفها نايمه علئ السرير ببرائه حزن عليها وعلئ ضيعانها اتذكر بكائه وصراخها اليوم من شافت اخوو لازم اسلاحه ويتهدد تقرب منها وهي يركز بملامحها الاثيره وهي نايمه مثل الاطفال ابتسم بحزن وحط اديه اسفل ضهرها وايد اسفل رجليها وشالها صعد بيها الدرج ونزلها علئ سريرها حركت نفسها باانزعاج منه وهو ابتعد بحذر وهو يبتسم عليها من شافها هدئت تن*د بحسره عليها ركز بالملامحها الجميله وانتقل بنظره العنقها الابيض وخصلات شعرها الشقراء نازله بعبث عليها زايدها جمال ورونق يحبها يعشقها يموت علئ تراب رجليها بس هي ع** مشاعره ومتبادله نفس الشعور ابعد خصل شعرها المزعجه عن رقبتها وهو ينحني الها ويطبع قبله قاسيه وعده قبلات متقطعه علئ رقبتها حركت نفسها باانزعاج ونعاس منه ابتعد عنها وقسم بداخل نفسها لو درت عنه بايسها يمكن تسبح بنفط رجع باسها بخدها وغطاها شكد يحبها ويعشقها يعشق كل شئ بيها وكل شئ ينتمي الها اخذ فراش اله علئ القنفه..وهذي حالتهم وهو ينام علئ القنفه وهي علئ السرير واذا تقرب منها تضل تصرخ وتبكي وهو يخاف عليها يبتعد بسرعه راضي بكل شئ وياها راضي حتئ بعصبيتها وعنفها باوعلها بحسره وهي علئ السرير وتشيرتها نازل من كتفها وعبالك دا تسويله اغراء،اتمنئ يحضنها ويطير بيها ويطيب خاطرها لكن هيهات هي رافضه الصلح? .................................. اعشق الانتقام واشتهي تذوقه معك كان جالس علئ السرير وهو لازم المسدس وغليان بداخل ص*ره وصراعات امتهنت جسمه يتمنئ،يفقد الذاكره يتمنئ يصير زلزال ولا يضل مثل الشمعه يحرگ بروحه حرگ اخذ الموبايل باانتقام وهو يتصل بصديقه الضابط انتظر عده ثواني واجاه صوته المرح ابراهيم ....هلا ابو الحسن والله فكرت بعد ما تتصل بيه هههه بعد شفت الاهل وينك ويني زياد بقهر...ابراهيم شلوونك؟ ابراهيم بقلق واستغراب...الحمدلله انت شلونك اشوو صوتك ماعاجبني زياد بجمود...لا ماكوو شئ بس حبيت اسألك عندك رقم محامي شاطر محتاجه ضروري ابراهيم بشك...شتسوي بي؟ زياد بنفاذ الصبر...محتاجه ضروري عندك لو اشوف غيرك؟؟ ابراهيم بقلق...هسه ارسلك الرقم زياد بجمود...اوك دخلت امه عليه بدون سابق انذار وهو لتفت عليها بسرعه شافته لحد الان لازم سلاحه وموبايله بيده ونظرات عيونه خلت من الانسانيه قفل الخط وهو يرجع الوضعيته الاولئ اما امه تقربت منه وهي تبوس كتفه بحنيه زياد بقسوه...خيير رايده شئ لو جايه تتشمتين بيه فتحت عيونها بصدمه من قساوته عليها بالكلام وبلوم...لك ياماتستحي اني امك شلون اتشمت بيك اكوو ام تتشمت باابنها بس الضاهر عقلك انمسخ زياد بحقاره....اريد انام ممكن تسدين الباب وراج دمعت عيونها بحزن وهمست بنحيب...منين جايب هل قسووه وين زياد الحنين وين زياد الكله طيبه وينه؟؟ اريد ابني زياد اليحن عليه مو يفشلني ويتهمني اتشمت بي زياد بجمود...تردين زياد الحنين؟ زياد ماات ..مات ودفنتو والله عليكم لا تترحمون علئ حاله زياد گلبه مات لا ضلت حنيه ولا ضلت محبه ام زياد تتصنع القوه...**رتك مره يا زياد **رتك مره؟؟ زياد بغضب عارم...تخسئ هي وعشره من امثالها ي**روني والله اني ا**رها وا**ر الخلفوها اردف بهدوء من بعد عاصفه من الغضب...اطلعي يمه خليني انام وكافي تذكريني بمواجعي ام زياد تقربت منه وهي توكف علئ اصابع رجليها وتسحبه ناحية وجهه باسته بخده وتن*دت من جموده وعدم اهتمامه طلعت وقفلت الباب وبهذا اعلنت عن وجود وحش كاسر داخل الغرفه لا يمت للانسانيه بأي صله همس بوعيد وفحيح مرعب...والله والله وقسما برب الكعبه يازينه اذا ما خليتج تشتهين الموت وماتلگينه والله لاخلي اطفالج حسره بگلبج مثل ما طعنتيني والله لا اخليج لا انتي مطلقه ولا انتي مزوجه اني والزمن عليج هين يازينه هين جايج الخير الا اخليج تتذكريني سنه ليكدام يا حيوانه يا بنت الحيوان وكف وهو بقمة عصبيته الم اجتاح كل روحه واحساسه يوجع يعصر بص*ره ليش هيج صار ليش عقله راح يطك من التفكير شريان راح يطك براسه من قهره وحزنه ما متوقع يطلع من السجن ويدخل بسجن التفكير بيها باوع علئ وجهه بالمرايه وهو يشوف الحزن كله مستوطن روحه وعقله ض*ب الجام مال الميز تواليت الي كدامه وتناثرت اجزاءه وصارت اشيلاء تناثرت مثل روحه تهشمت مثل گلبه .. باوع الايده تنزف بوجع تنزف تعبر عن جروحها وجرح ص*ره اكبر من هل جروح الجرح الي بداخله ما يندمل ولا يبرد الا من ينتقم من كل شحص اذاه واولهم هي هي مو غيرها ... هي الي سببت اله بازمة عاطفيه وجسدية وخلته ينعئ غيابها عنه عض شفايفه بحزن و وعيد وهو يشوف اجزاء من صورته عا**تها المرايه ...اني وياج والزمن طويل يا زينه اذا ما ذوگتج المر ما اطلع زياد... ?نهايه البارت?

Free reading for new users

Scan code to download app

App Store Google Play

Facebookexpand_more