Love At First Fight

First week of summer when Maverick's younger sister, Megan, asked him if they could go outside and play. Umiling s'ya at sa halip ay niyaya na lang itong mag-swimming sa mismong bahay nila. Ayaw kasi n'yang makipaglaro sa mga bata sa labas ng subdivision dahil walang ginagawa ang mga ito kung hindi ang tuksuhin at asarin s'ya. Pumayag naman si Megan at nagpaalam na may gagawin lang saglit sa labas. After a couple of hours, bumalik din naman agad ito. He was already prepared to take a nice dip when Megan called him. "Kuya!" Kumunot ang noo n'ya nang mapansing hindi ito nag-iisa. Isang medyo may katabaan na batang babae ang lumabas mula sa likuran nito. Sinalubong n'ya ang nagtatakang tingin nito. Hindi rin nakaligtas sa paningin n'ya ang panunuri sa mga mata nito habang pinagmamasdan ang kabuuan n'ya. Napakislot s'ya at agad nakaramdam ng pagkabalisa. Hindi s'ya sanay na tinititigan ng matagal lalo na at alam n'ya na kung anong magiging kasunod ng paninitig na ‘yon. "Kuya mo s'ya?" bakas ang pagtataka sa maliit at bilugang mukha ng batang babae. "Bakit sobrang payat? Parang palito na ng posporo eh!" sabi pa nito kay Megan at saka bumungisngis. Naningkit agad ang mga mata n'ya. Cute sana pero mukhang maldita. Nasabi n'ya sa isip. Sinuway ito ni Megan pero tinawanan lang nito ang kanyang kapatid. Nakaramdam agad s'ya ng iritasyon para dito. "Ah, Kuya... She's Candis, bestfriend ko. Candis, s'ya naman ang Kuya Mavy ko," pakilala pa rin ni Megan sa gitna ng tensyon sa pagitan nila ng batang maldita. Nang muling tingnan n'ya si Candis ay nakangisi na ito. "Mavy? Parang hindi bagay ang pangalan! Pero dahil niyaya mo akong mag-swimming, bati na tayo! Friends?" sabi pa nito sabay lahad ng maliit na kamay sa harapan n'ya. Pinuno n'ya ng hangin ang dibdib bago inabot ang kamay nito. Ngiting-ngiti si Candis at pinisil pa ang kamay n'ya. Pero nang babawiin na nito ang kamay mula sa kanya ay hindi n'ya iyon binitawan. Nawala ang ngisi nito at saka nagtatakang tiningala s'ya. "We are now friends, right?" pilit ang ngising sabi n'ya. "Oo," sabi naman nito at tumango pa. He pursed his lips and walked near the pool without letting go of her hand. Napatingin din si Candis at mukhang namangha sa asul na tubig mula sa pool. Sinamantala n'ya ang pagkalibang nito. Tinulak n'ya ito at agad na tumilapon sa tubig. "Kuya!" Megan's voice echoed in the whole garden. Hindi n'ya pinansin iyon at sa halip ay sinilip ang basang-basa na si Candis. "Enjoy your summer dip, Friend..." he sarcastically said before leaving them.