THIRTY-ONE
Noon, gustong-gusto kong magkaroon ng asawang mayaman. Iyong magiging reyna ako ng palasyo niya. Mga bagay na hindi ko kailangang paghirapan para makuha ko kasi kusa niya iyong ibibigay. Iyong buhay na pinangarap ng mga babae—marangyang pamumuhay at mapagmahal na asawa.
Ma-idealistic? Mukhang pera? Gold digger? Siguro nga, kasi ganoon ako noon. Ngayon, parang kahit yata twice a day akong kumain, ayos lang. Bakit? Kasi ang importante sa akin ngayon ang taong kaya akong mahalin at tanggapin nang buong-buo. Iyong lahat ng pagkakamali ko, kaya niyang tanggapin nang walang halong sumbat o pagsisisi. Hindi man ako kasimperpekto ng iba, pero alam kong sa kabila ng lahat ng pait sa buhay ko, mahahanap ko rin ang kasiyahang hinahanap ko kasama ang pamilya ko.
“Hey. Lalim ng iniisip na
