CHAPTER 13
Binuksan ko ang pinto.
“Yes po?” tanong ko aty mabilis kong kinilatis siya. Maganda, maputi, makinis, mukhang sopistikada at sandali.
Buntis?
Nagimbal ako buntis nga.
“Si Jyles? Nandito ba si Jyles?”
Hindi ko alam kung paano ko haharapin ang buntis na babae na napagbuksan ko na ng pintuan. Biglang parang natakot ako. Hindi ko maipaliwanag yung takot na namuo sa dibdib ko ngunit mahusay kong pinakalma ang aking sarili sa pamamagitan ng paghinga ng malalim. Sabi ko sa sarili ko, huwag munang maging OA Khaye. Huwag mag-assume, huwag mag-judge. Kung sakaling may hindi magandang mangyari, dapat matibay ka na oo nga’t pangit ka pero matatag ka, matalino at buo pa din ang pagkatao. Kaya nang pagbuksan ko siya ng pinto ay naging kalmado na ako at mabilis na akong nagpakawala
