Habang nag-uusap kami ni daddy, biglang may katanungan na pumasok sa utak ko.
“Daddy, pinakasalan mo ba si Tita Juanna?.”
Tumango ang aking ama habang nakangiti. Bigla akong kinabahan, sana naman ay mali ang iniisip ko.
“Ano pa ang properties mo na hindi na sangla sa bangko?.”
Nag-iisip ang aking ama habang ako, masyadong kinakabahan.
“Ang mansion namin na tinitirhan ngayon anak at ang rest house natin sa Baguio.”
Kung pagsasamahin po, nagkakahalaga po kaya ng magkano ang dalawang property na ‘yun?.”
“Hundred million anak.”
Nanghihina ako, yun na lang ang natitira sa aking ama. Sa dami ng mga pag-aari namin noon? Napabilang pa nga si mommy sa top 10 na babaeng may pinakamalaki ang tax na binabayaran dito sa bansa. Tapos ngayon, nilimas na ng sakim na Juanna na ‘yun halos lahat.
