'Magandang araw, Flora! Ako ito si Lance. Hiling ko na nasa safe ka palagi at happy! Sana magkita tayo ulit!'
Kumunot ang noo ni Flora nang maka-received ng message kay Lance. Binasa niya lang iyon pero hindi na niya ni-reply-an pa. Naka-archive agad ang message ng binata bago siya bumangon.
Uminat-inat siya at saglit na nagmumi-muni bago nagtungo sa kusina. Nagtimpla lamang siya ng kape at saka naisipang silipin si Clinton sa bahay nito. Nakita niyang nakabihis si Clinton.
"May lakad ka yata?" kalmadong sabi niya.
"Yes. Maaga ang alis ko now. May aasikasuhin lang ako tungkol sa negosyo ko. At may titingnan akong lupa ngayon na balak kong bilhin kapag nagustuhan ko," tugon ng kanyang nobyo.
Tumango-tango si Flora. "Ah okay. Iba talaga kapag mayaman. Tamang bili lang ng lupa kapag nagu
