"Anong ginagawa mo dito? Ikaw si Lance, pamangkin ka ni Rosa 'di ba?" magkasalubong ang kilay na wika ni Clinton nang magtungo sa kanyang bahay si Lance.
"Oo ako nga. At sa tingin ko, nag-background check ka na sa akin pero ayos lang. Gusto sana kitang makausap," mahinahong wika ni Lance sa kanya.
"At ano ang gusto mong pag-usapan natin?" galit niyang tanong sa binata.
Bumuntong hininga si Lance. "Hindi ko na gusto ang mga ginagawa niya. Wala ka bang gagawin para tumigil na siya?"
Umarko ang kilay niya. "Bakit? May balak na naman siyang gawin?"
"Aminin ko, kinailangan ko ng pera maka-survive kami ng kapatid ko kaya iyong inutos niya sa akin na ilayo si Flora sa iyo at bilugin ang ulo, siya nagsabi niyan. Pero habang kasama ko si Flora, nakita ko sa kanya na mahal ka talaga niya. Kaya
