"Flora... sobrang lungkot mo yata. Bakit? Nag-away ba kayo ng boyfriend mo?" tanong sa kanya si Lance nang sumulpot na naman ito doon.
Tiningnan niya saglit ang binata sabay hingang malalim. "Tama ka... mukhang may ibang babae nga itong boyfriend ko..." mabagal niyang sabi.
Wala siyang ganang kumilos. Parang gusto na lang niyang mahiga at matulog nang matulog para hindi niya maisip ang ginawa sa kanya ni Clinton. Sinisisi niya ang kanyang sarili sa nangyayari sa kanya ngayon. Masyado siyang naging tanga at nasabik sa inakala niyang tunay na pagmamahal kaya nahulog agad siya kay Clinton.
"Oh? Bakit? May oras ba ang pag-uwi niya at pag-alis? Tapos, parang wala siyang gana sa iyo lately?"
Mabagal siyang tumango. "Parang ganoon na nga. Nakakainis! Bakit pa siya naghahanap ng iba? Akala ko
