NAG-IINUMAN KAMI NILA Kuya at Daddy rito sa condominium ko. Mabuti na lang at nakapunta si Kuya. Pinilit ko talaga siya para hindi naman kami mabagot ni Daddy rito. Gusto ko lang na masulit niya ang mga araw na nandito pa si Daddy sa Pilipinas. Sa susunod na linggo, uuwi na ito kaya dapat lang na may oras kaming dalawa. Panay aya nga sa akin si Thea sa bahay nila pero tinanggihan ko muna siya. Para hindi siya magalit, nangako na lang ako sa kanya na babawi ako sa mga susunod na araw. Sinabi ko na lang sa kanya na abala ako sa pagliligpit ng mga gamit ko para sa paglipat ko sa susunod na araw. Sinabihan ko siya na siya na lang pumunta sa akin at tulungan ako kaya napataas na lang ang kanyang kilay. Hindi raw siya kailanman aapak sa slums. Magkapatid nga talaga sila ni Atlas, parehong siraul
