" May pupuntahan ka pa ba, Cedie? " tanong ni Reann habang naglalakad silang palabas ng Konseho.
" Pagkatapos ng pananggalian ay wala na. Bakit mo natanong? " sagot at tanong ni Cedie sa kanya.
" Wala naman. Mayroon kasi akong gustong puntahan. Baka gusto mong sumama? " sabi ni Reann sa kanya.
Napatigil sila sa paglalakad. Tumingin si Cedie kay Reann na nakangiti.
" Saan? " maikling tanong ni Cedie.
" Sa Kanlao. Matagal na kasi akong hindi nakakapunta doon, eh, " sagot ni Reann.
" Matagal ka nang hindi nakakapunta? Ang ibig sabihin ay pumupunta ka doon noon? " nagtataka niyang tanong kay Reann.
Napatango si Reann, " May tama ka! " masiglang sagot ni Reann.
" Bakit ka pumupunta doon? Isa kang Mahar, isa kang Prinsesa Noon at ngayong Reyna ka na, Hindi ka dapat tumatapak doon
