رواية جريمة عشق ج 4 (ميراث العشق)

تكملة فصل 1

عوض . قاعد مع زينب . قدام البيت بتاعهم خلف الفيلا .

زينب : بتأكل ابنها احمد الصغير ..

عوض : بت يازينب.

زينب : بزهق .. عايز ايه ياعوض.

عوض : اني عايز اشاورك ف حاجه كيده . الدكطوره فريحه هانم طلبت مني اشتغل معاها ف العياده .

. وسيدي آدم بيه الله يبارك ف عمره يارب قالى قبل سابق انى شغال هنا جناينى . وبردو قالى إلى يريحك ياعوض اعمله حابب تشتغل هنا اشتغل.. عايز تشتغل مع الدكطوره بردو أشتغل اعمل ايه يابت شورى عليا ..

زينب : ابنها بيعيط وشالته ع دراعها . بس ياواد متبقاش زنان زي إلى خلفك .

عوض : اله ماتلمي ل**نك ياوليه بدل ما قصهولك ..

زينب : عوجت بوقها . يسلام حوش حوش يالموكوس . اني ساكته عليك عشان معملهاش معاك وأقل منك قدام سي آدم بيه . وقسما بالله ياعوض لو مالميت نفسك لاروح اوقول لسي آدم ع إلى انت هببته . وساعتها بقى عايزه اشوف الفشخره الل انت كنت فيها قدام ست سوسن ياراجل ياناقص ..

عوض : خبط كف ع كف . يابت انتى لسه بتفكرى ف الموضوع دون . يابت والله العظيم مافي بيناتنا ايوتها حاجه . دي ست غلبانه وبتبيع خضار وبتصرف ع عيالها وامها العيانه..

زينب : بغيظ اله اله يسي عوض . مانت عارف عنها كل حاجه اهو . ااه ما انت تلاقيك مدورها مع النسوان ف السوق . وانا بردك اقول بيتاخر ليه المنيل ع عينه . اتاريك بتتصرمح . بتخووووني ياعووواااض .

عوض : وطي صوتك يالى تنشكي . الحرس كلهم حوالين الفيلا . هتفضحينا . يابت احلفلك ع المصحف يعنى انى جلبي مافيهوش غير زينبو واحده وبس .

زينب : اه كلني بالكلام وثبتنى ياولا ..

عوض : طب تلاته بالله العظيم يازينب اني مارايد ولا بعشج حد غيرك يابنت شمندى . هههههههه..

زينب : خبطته ف كتفه بغيظ . انت بتضحااااك

يابتاع سوسن؟ ابنك هيقول عليك ايه لما يكبر. يقول ابويا داير ع نسوان سوق الخضار.

عوض : ههههه حلوه منك يابت شمندى . يابت والله اني معرفها اقولك ايه بس مانى فهمتك ان الل اسمها سوسن دى لما عرفت انى شغال عند سي آدم العدوي بيه بجلالة قدره . طلبت منى انى احكيله ع ظروفها ولو يجبلها حتة دكانه تبيع فيها وتسترها هي وعيالها .. واني قولت لسي آدم بيه الله يسترو يارب . وقدم ليها مساعده كبيره كمان . أما راجل ونعم . والله قليل الناس الطيبه . ربنا يباركله يارب .

زينب : سي آدم بيه ده ملاك ع شكل بشر . ولا الست مريم هانم .ست كومل وبتراعي ربنا وبتعاملنا كا انا صحاب البيت . ولا ولادها اللهم صل ع سيدنا محمد . حاجه فوق الاحترام ربنا يخليهم لبعض . تعرف يالموكوس عوض انت؟ .. اني بحب العيله دى اوى . وعمري ما افكر ابدا انى اسيبهم يوم واحد . دى حتى الست ريتال هانم والست دكتوره فريحه . الهي يسترهم . قالو انهم لما الواد احمد ده يكبر مصاريف تعليمه عليهم . وسي آدم بيه قالى متحمليش هم اي حاجه يازينب . وعيونها لمعت بدموع.. تعرف ياعوض ربنا كرمني اوى انى اشتغلت ف بيت العدوي .

عوض : مسح دموعها . متعيطيش يازينب . واني لو عليا يابت ماخلكيش تحتاجي ل ايوتها حاجه ابدا . بس ربك بيسبب الأسباب . وع قولتك اني كمان ربنا كرمني انى اشتغلت هنا . واني عمرى ما اسيب البيت ده ابدا . وهفضل شغال هنا جناينى . ايوه هفضل هنا وجمبك كمان يابت شمندي ههههه..

زينب : بصتله بغيظ . ماشي يابن خضره . اضحك ع اسم ابويا حلو . الله يرحم جدك ابو خضره . اسمه المهيطل هههههههه..

عوض بغيظ . اييييهييي طيب قومي فزي ندخل نتخمد . ورانا صلاة فجر وانضف الجنينه من النجمه قومي يابت ..

زينب : هههههههه ماشي يلا يالموكوس .

ف المكتب

آدم : بعد خروج مراد من المكتب .. ضحك بسعاده كبيره . ودعا لاولاده من كل قلبه .. وقفل الملف . وخرج وطالع عند اميرته ... ودخل الاوضه ..

مريم : لابسه الاسدال وقاعده ع السرير بتقرأ قرآن ..

آدم : ابتسم . وشاور ليها تكمل قرآه .. ودخل الحمام .. ياخد شاور ..

مريم : كملت قرأة الورد .. وصدقت وحطت المصحف ع الكمود .. وقامت قلعت الاسدال . وطلعت ل آدمها تيشرت وحطته ع السرير ..

آدم : خارج من الحمام . ونشف شعرو . ولبس التيشرت .. ومستغرب سكوت مريم .. مالك ياروحي ..

مريم : وقفت قدامه بصراحه انا زعلانه منك اوى يا آدم ..

آدم : بتفهم .. اممم طيب قولى زعلانه وبس . بلاش آدم منك دى بتخلى قلب آدم يدوب فيكى اكتر ..

مريم : بغيظ ااخ منك انت .. انا عايزه اعرف انت عملت كل ده ليه ؟

آدم : تعالى اقعدى طيب وانا هشرحلك ..

مريم : قعدت ع السرير . وآدم لف الناحيه التانيه وقعد جنبها . بصي يا روحي اولا كدا . ممنوع خالص اسمع منك كلمة زعلانه دى تمام ..

ثانيا والأهم .. ابنك مش سايبنى ف حالى . وف اول فرصه يقولى حج دومي . بينى وبينك ياروحي انا ببقى مبسوط وفخور جدا باولادى .. وخصوصاً الجبله ده .. بس لما ميرو انهردا قالت ع حاجه خاصه بين ابنك ومراته . انا اضايقت ..

مريم : بتنهيده . فعلا يا آدم عندك حق . انا من وقتها قاعده افكر . ياترى اتكلم مع فريحه . يخلو بالهم لأن دى خصوصيه. ولأن كدا غلط جدا .

آدم : حبيبتى مخك مايروحش ل بعيد مراد ابنك ع قد ما هو مخه طاقق لكن حكيم ف خصوصياته . هما ممكن مثلا يكون عن طريق هزار أو كدا . وبعدين متقلقيش مش عايزك تفكرى . انا قصدت اعمل كدا قدام مراد . علشان ياخد باله اكتر من كده ..

مريم : فعلا عندك حق .

آدم : قرب منها بغمزه . آدم العدوي طول عمره عنده حق ولا ايه يا اميرة قلب آدم ..

مريم : ههههه ينهارى عليك يا آدم .. انت رهيب . وكمان مش قادره انسى شكل مراد . لما بخ الميا ف وش زين ههههه..

آدم : الله .. ايه الضحكه القمر دي ؟ انتى بضحكتك دي صغرتينى سنه ..

مريم : حطت راسها ع ص*ره ..ربنا يبارك ف عمرك يا آدمي . وتكون سندي ديما بعد ربنا ..

آدم : ضمها لقلبه باشتياق .. ويباركلى فيكى يا ملهمتى ..

مريم : ياااه من زمان جدا ماسمعتش الكلمه دى.

آدم : رفع وشها ليه .. وقال انتى الشعر كله احتار يوصفك يامريم .. انتى ملهمتى واميرتي والماستي وقمري . انتى كلي انتى روح آدم .

مريم : قلبها بيدق بسعاده وحب كبير .. وغمضت عينيها انا بعشقك يا رفيق الدرب.. -------------يتبع

#ملحوظه سريعه . اكتر الشخصيات هتظهر كضيوف شرف مالهمش دور أساسي هنركز ع الاحفاد بعد ما تكبر تمام . لكن طبيعي آدم ومريم وجودهم اساسي ف الحكايه . واتمنى قرأه ممتعه للجميع ..