What's wrong with her? Talaga bang gano'n mag-isip ang mga kabataan ngayon? Siya, bakla? Napakababaw ng dahilan ni Hera para isiping ganoon nga siya.
Hindi niya sinundan ang dalaga, sa halip ay nanatili siyang nakaupo doon at nagbibilad sa init. Plano niyang yayain maglibot sa ilang kilalang isla doon si Hera kasama sina Jhenna at Mike kaya tinawagan niya ulit ang kapitan ng yateng naghatid kagabi sa kanila.
Matapos ang pakikipag-usap ay doon pa lamang inubos ng tuluyan ni Zeus ang kanyang iniinom na kape. Tumayo na rin siya at nagtungo muna sa counter para magpahanda ng ilang pagkaing madadala nila sa pag-a-island hopping.
Ilang sandali pa ay binabagtas niya naman ang daan patungo sa kanilang kwarto upang sabihan si Hera na maghanda. Naitext niya na rin sina Jhenna tungkol sa plano niy
