NATAPOS ANG movie date namin nang magkahawak –kamay. Isang fantasy romance ang tema ng movie na pinanood namin at sa loob ng dalawang oras ay asikasung-asikaso ako ni Marcus. He feed me popcorn pati sa pag-inom ng tubig ay siya pa ang kusang nagpapainom sa akin. Hindi niya binitiwan ang kamay ko kung hindi pa ako pumasok ng banyo. Kulang na lang ay samahan niya ako sa loob na hinding-hindi ko pahihitulutan. Hindi dahil sa pang-babae iyon kundi dahil ayaw ko siyang pagkaguluhan ng mga babae.
Agad akong naghugas ng kamay at tinuyo iyon gamit ang hand dryer. Saglit kong sinulyapan ang imahe ko sa salamin at marahang sinuklay ang buhok kong medyo nagulo. Bahagya ko ring inunat ang suot kong t-shirt saka humakbang na patungo sa pinto nang makarinig ako ng boses ng mga babae.
“Baka pwedeng ma
