“LOVE!” malakas na tawag sa akin ni Marcus. “Nasaan ka?”
Ang boses niya ay maririnig sa bawat sulok ng bahay. Nauna akong gumising sa kanya kaya naiwan siya sa silid namin. Ako naman ay tinungo ang swimming pool dahil init na init na ang buo kong katawan. Suot ko ang two piece bikini na iniregalo sa akin ni Mary na nagbakasyon sa Pilipinas last week. Mabuti na lang at kasya sa akin kahit na nadagdagan ako ng timbang dahil sa pagbubuntis ko ng aming panganay.
“Love?” muling tawag ng asawa kong sing kulit nina Mama at Papa. Pati ang mga in laws ko ay nahawa na rin sa pagka-praning ng asawa kong mahal na mahal ako. At siyempre, mahal na mahal ko rin.
Pinili kong hindi sumagot. Tutal, lagi niya naman akong nahahanap kahit saang lupalop pa ako magtago. Kahit na malaki na ang tiyan ko ay hin
