Habang nasa hapag-kainan ay hindi maipinta ang mukha ko. Hindi ko kasi matanggap na close na kaagad si Buraot at ang lola ko. At napapatawa niya pa si Lola, ah? Samantala ako, lagi kong napapagalit ‘yan.
“Nasaan ngayon ang parents mo, hijo?” tanong ni Lola kay Buraot.
“Nasa Singapore po. Do’n po naka-base ang business ni Papa e,” sagot ni Buraot.
Ang plastic! Pabait! Tss!
“Ganoon? Sino nag-aalaga sa inyong magkapatid?”
“Kami lang po. Kaya na naman na po namin. At saka po kasama po namin sa bahay si Manang. ‘Yun po ‘yung kasama ni Mama simula pa po noong bata pa siya,” paliwanag ni Buraot.
Ang daming po, akala mo talaga napakabait, eh.
“Eh, bakit hindi mo isinama ang kapatid mo?” mahinahon na tanong ni Lola.
Teka—ginayuma ba ni Buraot ‘to? Bakit ang bait?!
“Ayaw niya po, e. Wala
