Mahigpit ang kapit ko kay Kuya Miko habang nagdi-drive siya. Takot na takot ako dahil sa sobrang bilis ng pagpapatakbo niya, pakiramdam ko, malalaglag na talaga ako.
“Kuya Miko, b-bagalan mo lang.”
Hindi niya ako pinansin. Sa halip, mas lalo niya pang binilisan ang pagdi-drive kaya mas lalo akong natakot.
“Kuya Miko . . .” bulong ko.
Takot na takot ako na nakapikit na lang ako habang mahigpit ang kapit sa kan’ya. Hindi ko namalayan na umiiyak na pala ako, kundi ko pa narinig ang sarili kong hikbi. Ilang sandali pa ay naramdaman kong tumigil na ang motor na sinasakyan namin, pero hindi pa rin ako dumilat.
Natatakot ako. Natatakot ako, sobra.
“Naiinis lang naman ako,” rinig kong sabi ni Kuya Miko. Hindi ako sumagot. Umiyak lang ako nang umiyak sa likod niya habang nakikinig sa mga sin
