Jane
Lumipas ang buong araw at nagkwentuhan lang kami ni Tita. Sa totoo lang halos nawala ang sama ng aking loob sa aking ina nang makausap ko na si Tita. Nag-text na rin ako sa aking ina at humingi na rin ng paumanhin dahil sa aking ginawa at sinabing didito na muna ako sa kanila Clyde. Nang sumapit ang gabi ay tinulungan ako ni Tita na magluto ng hapunan para sa pagdating ni Clyde. Sa totoo lang dapat nga si Tita ang nagluto pero sinabi niya sa akin na ako na lang daw ang gumawa.
Nang matapos akong magluto ay tamang-tama naman na narinig namin ang pagparada ng sasakyan ni Clyde. Inayos ko na ang hapag-kainan at kinakabahang hinihintay siya. Namula naman ako dahil napagtanto ko na para tuloy akong asawa na naghihintay sa pagdating ng aking kabiyak. Pagpasok ni Clyde ay agad na tumuon a
