Ngunit bago pa tuluyang magkamalay si Aurora... Pumanaw ang matanda. Ang anak nito ang nagpatuloy sa pag-aalaga sa kanya.
At sa paglipas ng panahon, unti-unti niyang binuo muli ang buhay niya kasama ang anak nitong lalaki na ngayon ay legal na niyang asawa at namumuhay na sila sa America.
Hanggang sa makumpleto niya ang lahat ng kailangan niya at nang dumating ang araw na alam niyang maaari na siyang bumalik sa Pilipinas, hindi na siya naghintay ng ilang araw pa, bumalik siya agad sa Pilipinas para sa anak niya, para kay Rory. Ngunit pagdating niya sa Hacienda Quintero... Hindi ang tahimik na tahanan na inaasahan niya ang sumalubong sa kanya. Kundi kaguluhan.
Mga taong nagtatakbuhan. Mga katulong na umiiyak. Mga sasakyang umaalis at isang pangungusap ang narinig niya sa mga taong naroo
