"Oh my God!!! Oh my G, oh my G!"
Parang timang to si Elisa. Kanina pa siya nagsisigaw sa harap ko habang sinisipat ang bawat anggulo ng katawan ko. Nag-shopping kasi kami, tinulungan nila akong mamili ng isusuot ko para sa darating na party.
"Maganda ba?" tanong ko.
"Taray!" si Gabrielle na napailing-iling pa.
"O, bakit? Pangit ba?"
"Hindi, tange! Gandang-ganda nga ako sa iyo, eh!"
"At wala pa yang make up, huh! Sukat pa lang yan pero para nang beauty queen ang datingan!" si Elisa na sinusukat ang beywang ko. "Ang laking bulas pero ang liit ng beywang ng bruha!"
Lumapad naman yung balun-balunan ko sa mga papuri ng dalawang 'to. Tiningnan ko ang sarili sa salamin. Isang body hugging evening gown ang pinili ni Elisa. Nagtalo pa sila ni Gabrielle kanina kung kanino ang uunahin kong
