PAGBABA ni Erin ng pampasaherong jeep ay nilakad niya ang daan papasok kung saan naroon ang kaniyang apartment. Walking distance lang naman iyon mula sa kalsada kung saan siya bumaba. Inilagay niya ang cellphone sa loob ng kaniyang handbag nang bigla na lamang may bumangga sa kaniya at hinablot iyon. Nabigla siya kung kaya hindi siya nakasigaw kaagad. Nakita niya ang binatilyong bumangga sa kaniya na tumatakbo palayo.
Magnanakaw!” sigaw niya. Nakita niya ang isang tricycle driver at hiningan niya iyon ng tulong. “Kuya, kinuha ng lalaking iyon ang bag ko!” bulalas niya.
Hinabol din niya ito ngunit mabilis itong tumakbo. “Tulong! Magnanakaw!” sigaw niya. May mga lumabas mula sa establisyemento ngunit sinilip lang ng mga ito ang lalaking itinuro niya. Nakita niya ang paghabol ng driver da
