NAKADAPA si Erin sa ibabaw ng kaniyang kama habang si Andrew naman ay nakaupo sa sahig at nakasandal ang likod sa gilid ng kama. Nakapagpalit na rin siya ng damit at may extra pa para gagamitin niya bukas. Hindi niya alam kung paanong nalaman ng binata ang size ng damit niya dahil saktong-sakto ang sukat ng binili nito para sa kaniya.
“You didn’t have to stay with me, Andrew. Baka mapuyat ka at hindi ka makaabot sa flight mo bukas,” aniya sa binata. Itinukod niya ang kaniyang baba sa kaniyang mga braso. Alas dies na kasi ng gabi ngunit tila wala itong balak matulog kahit siniguro na niyang mabuti na ang pakiramdam niya. Alam niyang concern lamang ito sa kaniya at nais siyang bantayan ngunit hindi naman siya suicidal na tao. Natakot siya sa nangyari ngunit hanggang doon lang iyon. She lea
