LAKAD-TAKBONG tinungo ni Erin ang evacuation center kung saan naroon sina Angelie at Nikki. May dala-dala siyang dalawang supot na plastic na naglalaman ng mga pinamili niya. Bumili siya sa divisoria ng limang blouse, dalawang pantalon at isang pares ng sapatos para sa kaniyang sarili. Tig-dalawang leggings naman at tig-dalawa ring blouse ang binili niya para kina Nikki at Angelie para may pamalit ang mga ito mamaya kapag pumasok ang mga ito sa trabaho. Pina-laundry na rin niya iyon para puwedeng gamitin agad. Bumili na rin siya ng pagkain nilang tatlo.
Nang buksan niya ang pintuan ay nawala ang ngiti niya sa labi nang makitang wala roon ang dalawa. Sinilip niya ang CR ngunit wala rin doon. Imposible namang pumasok na ang dalawa sa trabaho dahil maaga pa. Alas siete pa lamang ng gabi at
