ILANG oras nang paikot-ikot si Erin ngunit wala siyang mahanap na bakante at murang silid para sa kaniya. Kung may bakante man ay masyado namang mahal. Mayroong naghahanap ng bed spacer pero hindi rin swak sa budget niya. Isang libo para sa isang gabi? Napailing na lamang siyang naupo sa isang bakanteng upuan sa labas lamang ng fast food chain. Nagkasya na lamang siyang patingin-tingin sa mga taong nagdaan. Binuksan niya ang mumurahing bagpack na binili niya kanina bago umalis sa evacuation center. Naroon ang mga pinamili niyang gamit kasama ang damit niya at flat shoes na suot niya nang umagang masunog ang apartment nila. Sinilip niya ang natirang pera niya sa bulsang nasa loob ng bag. Napabuntong-hininga siya nang makitang halos apat na libo na lang ang natira. Kapag wala pa rin siyang