NAKANGITING kumaway si Erin sa papalayong sasakyan ni Dylan. Nang mawala sa paningin ang kotse nito’y pumasok na siya sa loob ng kaniyang apartment. Iyon ang unang gabi niya roon. Nang maayos nila kahapon ang kaniyang apartment ay lumipat na agad siya nang sumunod na araw. Kapag Lunes na kasi’y nasa university na si Dylan. Bago nga ito umalis ay maraming ibinilin ito sa kaniya. Kapag lalabas siya’y kailangan niyang ipaalam dito kung saan siya pupunta. Kapag nagkaproblema siya’y nagbilin din itong huwag mahihiyang tumawag. She knew Dylan only wanted that everything will be easy for her and she will do her best para hindi maging pabigat sa kaibigan.
Napabuntong-hininga si Erin na pumasok na sa loob ng gate. Naabutan niya sa sala ang mga kapwa niya tenant roon. Ngumiti siya sa mga ito. “Hi!
