SABADO ng umaga ay maaga na silang nakapaghanda ni Dylan. Napagkasunduan nilang sa araw na iyon maghahanap ng apartment para kay Erin dahil walang klase. Naglakad-lakad sila sa kahabaan ng timog avenue ngunit halos lahat ay okupadong establisyemento at walang paupahang bahay o apartment. Hanggang sa makahanap sila ng apartment sa panay avenue.
Nakatayo sila sa harap ng isang double story na building. For girls only ang apartment na siyang gusto ni Dylan para sa kaniya. Dalawang beses nang pinindot ni Dylan ang buzzer ngunit walang lumalabas. Sa pangatlo ay lumabas ang isang may katabaang babae na may rollers pa sa buhok.
“Makapindot naman kayo ng buzzer akala niyo’y wala nang bukas!” reklamo nito habang papalapit sa may katamtamang taas ng gate. Five feet lang yata iyon at puwedeng aky
