WILD SERIES 2: Marked by Temptation

CHAPTER 78

Chapter 78

Primrose Pov

NAGBIHIS ako ng simpleng dress at nag ayos ng buhok. Hindi ako naglagay ng makeup dahil baka mas lalo lang dumami ang mga pimples ko. Na s-stress ako dito pero wala akong magagawa dahil kasama talaga to sa pagbubuntis.

Naka flat sandals lang din ako at kinuha ang sling bag ko na binili pa ni mama Georgia sa 'kin dati. Iniingatan ko talaga 'to dahil ito nalang kasi ang alaala ni mama na naiwan sa 'kin.

Nang matapos ako ay dali- dali akong lumabas ng kwarto dahil nasa sala si uncle at ma'am Lady. Baka kung ano na naman ang gawing pagpapapansin ni ma'am Lady. Hindi talaga ako makakapayag sa binabalak niya. Mamaya nga pag uwi namin ni uncle ay kakausapin ko siya at uutusan na palitan si teacher Lady. Ayaw ko sakanya! Na se-sense ko talaga na may gusto siya sa uncle ko dahil na din sa kung paano niya kami titigan ni uncle kanina ng dampian niya ng halik ang noo ko. Sa mukha pa lang kasi niya ay may kakaiba na.

Tinungo ko ang hagdan at agad narinig ang boses ni uncle Death at ma'am Lady na nag-uusap. Narinig ko pa ang mahinhin na tawa ni ma'am Lady kaya mas lalo lang akong nairita.

Nang makababa ako ay agad na tumingin sa 'kin si uncle at tumayo sa kinauupuan niya at naglakad papunta sa 'kin.

"Halika na, baby!" Sabi niya sabay hawak sa kamay ko at pinagsiklop yun. Hindi ako umangal at mas gusto ko pang hawakan niya ang kamay ko. Tumingin ako kay ma'am Lady at nakita ko ang pag-iiba ng expression ng mukha niya.

"Let's go, ma'am Lady." Aya ni uncle sakanya kaya tumango ang babae at tumayo na din sa kinauupuan niya. Talagang magkatabi pa talaga sila ni uncle sa isang mahabang upuan nakaupo.. hindi sila magkalapit kanina pero pwede naman sana siya umupo sa katapat na upuan. Bakit kailangan pa niyang tumabi sa uncle ko.

Nauna kaming naglakad palabas ni uncle sa bahay habang nakasunod naman si ma'am Lady samin.

"Nasa labas na ang kotse ko, baby." Sabi ni uncle agad kahit hindi ko naman tinatanong.

Lumabas kami ng gate at hinintay na namin si ma'am Lady dahil isasara ni uncle ang gate. Lumapit kami ni ma'am Lady sa nakaparadang kotse ni uncle at nagulat ako ng buksan ni ma'am Lady ang pintuan ng passenger seat na hindi man lang hinihintay si uncle.

Dapat kasi sa back seat siya at ako ang nasa passenger seat.

"Ahm.. excuse po ma'am Lady.. ako po kasi ang uupo sa passenger seat. "Sabi ko dahil hindi ako nakapag pigil.

"Oh, dapat nasa backseat ka umupo, Primrose, Bata ka pa kaya dapat lang ay nasa backseat ka." Nakangiti niyang sabi at walang sabi-sabing pumasok sa loob ng passenger seat. Nagkatinginan pa kami ni uncle Death sa ginawa ni ma'am Lady.

Nakita ko ang pag-iiba ng ekspresyon ng mukha ni uncle. Panigurado ay galit siya dahil sanay siya na lagi akong nakaupo sa passenger seat.

Akmang bubuksan sana niya ang pintuan ng pigilan ko siya. Lumingon sa 'kin si uncle kaya umiling ako sa kanya. "Hayaan mo na, uncle. Mamaya nalang tayo mag- usap." Sabi ko sa uncle ko kaya lumingon siya sa 'kin.

"Are you sure? Papayag ka na nasa backseat ka na dapat ay nasa harapan ka nakaupo, katabi ko. Ikaw ang reyna ko kaya dapat nasa passenger seat." Saad ni uncle na halatang naiinis sa ginawa ni ma'am Lady.

Umiling naman ako. "Hayaan mo na. Hindi naman na mauulit na kasabay natin siya eh. Tara na, baby! Nagugutom na kami ni baby." Sabi ko sabay haplos sa aking tiyan. Lumambot naman ang mukha niya ng marinig niya yun.

Bumuntong hininga siya saka binuksan ang pintuan ng backseat. Inalalayan niya akong pumasok sa loob ng sasakyan at talagang napalingon pa samin si ma'am Lady. Nagtataka na naman yata kung bakit ganito umasta si uncle sa 'kin.

Isinara ni uncle ang pinto kaya umirap ako sa hangin ng umayos ng upo si ma'am Lady. Papansin talaga ang puta! Ang sarap isubsob ng mukha niya.

Pumasok si uncle Death sa loob ng kotse at lumingon sa 'kin. Nginitian ko lang siya para alam niya na ayos lang ako.

Ilang sandali lang ay binuhay na ni uncle ang makina ng sasakyan at agad na pinausad. Tahimik lang kaming tatlo kaya tumingin lang ako sa labas ng bintana. Badtrip talaga ako dito kay ma'am Lady. Sisiguraduhin ko talaga na hindi na siya makakabalik ng bahay namin bukas.

"Thank you po ulit, sir Death. Salamat at pumayag ka po na sumabay ako. Minsan po kasi ay wala akong kasama kumain. Kaya natutuwa po talaga ako na makasabay kayong dalawa ng pamangkin mo." Sabi ni ma'am Lady sa malambing na boses.

Hindi naman sumagot si uncle na para bang walang pakialam sa sinasabi ni ma'am Lady. Natawa naman ako ng mahina dahil kung ako yan baka bumaba nalang ako ng kotse. Hindi yata siya makaramdam na walang paki ang uncle ko.

"Ang totoo po kasi ay nagtitipid po talaga ako para sa bunso kong kapatid na may sakit at nakaratay sa hospital. Kaya hindi po ako sumasama sa mga co-teachers ko kumain sa labas dahil mas gugustuhin ko pang mag ipon ng pera." Dagdag na sabi ni ma'am Lady kaya natigilan ako.

"May sakit ang kapatid mo?" Tanong naman ni uncle pero hindi parin niya nililingon si ma'am Lady.

"Opo, sir Death. Wala naman na po kasi kaming mga magulang kaya ako na po ang tumayong nanay at tatay ng dalawa ko pang kapatid. May sakit po kasi ang bunso kong kapatid kata kailangan kong kumayod. Kaya sobrang saya ko po na ako ang napili ng principal para makuhang teacher ng pamangkin mo po." Sabi ni ma'am Lady. Napakagat ako sa ibabang labi ko dahil balak ko pa naman sabihin kay uncle na wag na pabalikin si ma'am Lady. Pero paano ko sasabihin yun kung nagsasabi na siya sa pinagdadaanan niya sa buhay.

Ang sama ko naman kung gawin ko yun. Kainis! Paano ko ngayon sasabihin lung nagpapaawa effect siya. Hindi ko din naman alam kung totoo bang may sakit talaga ang kapatid niya. Hindi ko naman al ang talambuhay niya ay wala naman akong balak alamin.

Napabuga nalang ako ng hangin habang nakikinig kay ma'am Lady na nagkwekwento parin ng buhay niya. Pati ang pagmamatay ng mama at papa niya ay sinali niya sa kwento kaya naawa din ako.

Ang hirap talaga maging devil at the same time ay mabait at mabilis makonsensya. Kanina lang ay naiinis ako sa kanya pero ngayon naawa na ako.

Nakarating nalang kami sa restaurant at daldal parin ng daldal si ma'am Lady. Wala na akong ginawa kundi ang makinig at hindi nagsasalita. Maging si uncle ay nakikinig lang din at tango lang ang sagot kapag may tanong si ma'am Lady.

Hindi naman ako kinakausap ni ma'am Lady kaya hindi ko na pinilit ang sarili ko na sumabat sa usapan nila at baka mapahiya lang ako. Tahimik si uncle kaya tahimik nalang din ako.