"Saan tayo mag-cecelebrate?" nakangiting tanong ni Ulysses.
"Okay lang ba, dad? Baka matanggal ka na sa trabaho," nag-aalalang tanong ni Ivan. "Kahit sa day-off mo na lang."
"Okay lang iyon," inakbayan ni Ulysses ang binatilyo. "Kapag na kick-out ako sa banda, mag-sosolo ako. Baka sila ang mawalan ng career."
Napailing si Dianne nang magtawanan ang dalawa. Pero muli niyang naalala si Matthew na hindi man lang gumawa ng paraan para makarating. Samantalang ang iba, nag-absent pa para mapanood ang anak niya.
"Saan mo gustong kumain, Dianne?" nagulat siya sa tanong ni Ulysses.
"H-ha? K-kayo na lang," kinakabahang tanggi ni Dianne. Unang beses kasi silang lalabas na magkakasama, if ever.
"Sama ka na,mama," hiling ni Ivan. "Wala ka namang gagawin sa bahay."
"Minsan lang humiling yang anak
