LORENZO CLYDE
Panay hilot ang ginagawa ko sa sentido ko dahil kanina pang kumikirot iyon habang binabasa at chine-check ko ang mga reports na ipinasa sa akin. Hindi rin ako maka-concentrate dahil sa sakit kaya itinigil ko muna iyon saka sumandal sa upuan at tumingala sa kisame. Month end kasi ngayon kaya marami akong gagawin. Although na-check na iyon ni Lovely ay dino-double check ko pa rin. Hindi sa wala akong tiwala sa mga empleyado ko pero I need to make sure na accurate at tama ang mga pinasa nila.
Maya-maya ay naagaw ang atensyon ko dahil sa katok na narinig ko mula sa salaming pinto. Agad akong napatingin doon at nakita ko si Lorkan na nasa labas. Tuluyan itong pumasok sa loob ng opisina ko. Napansin ko ang bitbit nito na nasa isang microwavable na lagayan.
"Busy ka?" tanong ni
