Nadine's POV
Nang tumalon ako mula sa pampang ng batis at sumisid sa tubig ay bahagya ko lang narinig ang pagtawag ni Kuya Adrian. Eksperto akong lumangoy hanggang sa marating ko ang dalawang malaking bato na magkapatong at nakaharang sa maliit na kweba na palagi naming ginagawang tambayan ni Kuya Adrian.
Nang lingunin ko si Kuya ay patalon na rin siya sa tubig at siguradong susunod siya sa akin dito. Pumasok ako sa maliit na bunganga ng kweba. Hinayaan ko na lang na tumulo ang tubig mula sa suot kong spaghetti top at floral na shorts.
"You're a fast swimmer, Din,” sabi ni Kuya nang maabutan niya akong gumagawa ng apoy.
"Thanks to you, Kuya. But you're faster than me,” sabi ko. Tinuruan niya kasi akong lumangoy noon. Noong una ay takot pa akong sumisid sa ilalim ng tubig dahil hindi
