Gabriel's POV
Pagdating ng Daddy ay agad ko itong sinalubong. Niluluwagan nito ang necktie gamit ang isang kamay at kinuha ng kasambahay ang dala nitong attaché case.
"Why are you still awake, Son?" tanong ni Dad.
"Hinihintay po kita."
Hinawakan ako ni Dad sa balikat at umagapay ako sa kaniya paakyat ng hagdan.
"Ang Mommy mo?"
"On your room. Nagpapahinga na siya dahil sumakit po ang ulo niya."
Gumuhit ang pag- aalala sa mukha ni Daddy. Sa loob ng mahabang panahon ay hindi pumapalya si Dad sa pagpaparamdam kay Mommy kung gaano niya ito kamahal. Minsan nang muntik masira ang pamilya namin dahil sa pagkawala ni Nady, sumuko si Mommy, nawalan ng tiwala sa pamilya ni Dad at kahit kay Daddy mismo. Ngunit hindi sumuko si Daddy kay Mommy. Alam kong kahit kailan ay hindi niya ito susukua
