Kinabukasan, habang kumakain sa canteen, nilapitan siya ni DM. "Bukas ng gabi, sumama ka sa akin, may imbitasyon ako ni Victor Guillermo, isang masquerade ball sa bagong tayong club ni Mansour. Ihanda mo ang iyong susuutin, Murder Mystery ang tema"
Seryoso pa rin si DM habang sinasabi niya ito, nakakunot pa nga ang mga noo nito, na waring bagot na bagot habang kinakausap si Purity. Kaya ang mga nakapaligid ay hindi sila gaanong alintana. Hindi na siya nagtangka pang sumagot.
Ang mga babaeng interesado rito ay tinitingnan lang ang ekspresyon ng mukha nito, na para bang ang mga ngiti ni DM ay langit na para sa kanila. Ngunit, sa tinagal tagal ng kanilang paghihintay, hindi pa nila nasisilayan ang mga ngiti nito. Kahit si Purity ay nangako sa sarili na manglilibre kung mapatawa niya ito.
