Nagpahatid siya sa Ancient Battle Gym pagkatapos ng klase niya. Wala si Jacob dahil nakaduty ito. Pero nakita niya ang tao na gusto niyang makausap na nasa boxing ring. Nagpalit siya ng damit mula sa locker at pinuntahan ito sa boxing ring.
"Kailangan mo ng ka-isparing," sabi niya. Ngumisi naman ito. Si Silver Batiller ay mas matanda sa kanya ng pitong taon. Hawak nito ang kaso ng mga pagpatay sa mga kababaihan. Hindi makapaniwala si Purity dati na ang mga magulang ni Silver ay dating mga rebelde na nagbalik loob sa pamahalaan na kalaunan ay pinatay rin ng mga kasamahan.
Magaling at matuwid itong pulis, isa ito sa mga taong humasa sa kanya. Hindi alam ni Jacob na mas malalim pa ang samahan nila ni Silver kesa rito. Madalas ito sa Battle Gym, dahil sa kanya. Tulad ni DM, dito nila pinag
