"God knows we don't know where he is," tugon ni Victor nang dalawin siya ng mga pulis na pinangungunahan ni Jerome. Kasama rin ng mga ito si Jeremy. "Sinabi ko naman sa inyo noon na kung may alam ako, sasabihin ko sa inyo. Makikipagtulungan ako sa inyo."
"Paano ho ako maniniwala sa inyo?" wika ni Jeremy. "Ilang buwan na ang lumipas, makakatiis ba ang mga anak ninyo na hindi man lang kayo tawagan?"
Napailing si Victor. "Hanggang ngayon, tinitiis nila kami. Sa tingin ko ay alam ng mga anak ko na isusuko ko sila sa mga pulis kaya hindi na sila nagtatangkang kausapin ako o ang mommy nila. Mamatay man ako, Jeremy, hindi ko alam kung saan naroroon sina Ashley at Andrew. Kung ako lang ang masusunod, nasa kustodiya na sila ng mga pulis. Gusto ko nang matapos ito. Ilang buwan na rin kaming hindi
