"Aling Helen, matagal na ba ninyong kilala si Jerome?" usisa ni Ada sa asawa ni Mang Lito.
"Ah, siguro mga limang taon na rin," tugon ni Helen. Minsan siyang tumira dito sa amin nang ilang buwan nang magkaroon siya ng isang undercover operation."
"Ah, madalas po pala talaga undercover ang ginagawa niya, ano ho?"
"Oo," tugon ni Helen.
"Kilalang-kilala n'yo na ho ba siya?"
Napakunot ang noo ni Helen. "Hindi ko masabi," aniya. "Pero sa ilang beses na nakasama namin siya, masasabi kong mabuti siyang tao. Bakit, Ineng?"
"Ah, wala ho. Curious lang ho ako."
"Ano ba ang trabaho ni Jerome sa iyo?"
"Bodyguard ko ho siya," tugon ni Ada.
"Bodyguard?"
"Opo. Medyo nasa panganib ho kasi ang buhay ko. Hindi ko laging kasama ang boyfriend ko kaya kumuha siya ng bodyguard para sa akin, at iyon na
