"Siya na ba iyon?" pabulong na tanong ni Alexa kay Ada habang papalapit sila sa gate. Natatanaw na nila si Jerome na nakatayo at bahagyang nakasandal sa kotse habang hinihintay si Ada.
Tumango si Ada.
"Kung gano'n, kung kamukha nga siya ng ex mo ay aba ikaw na nga ang babaeng lubos na pinagpala sa lahat, Mariang Ada," kinikilig pang wika ni Alexa. "Lapitin ka yata ng mga gwapong papa. How to be you ba? Kapag iyang si Jerome nagkagusto pa sa iyo, ipapa-salvage na kita. Susobra ka na." Natawa lang si Ada. "Pero seriously, girl, ingat ha. Mamaya niyan mahulog ang loob mo sa Jerome na iyan. Lalo na at magkakasama kayo palagi," warning pa niya sa dalaga.
"Hindi kami magkakasama palagi dahil hindi naman palaging busy si Jeremy. Mas maraming time pa rin na kami ni Jeremy ang magkasama. At saka
