Kinagabihan, hindi nakatulog kaagad si Ada. Napakaraming bagay ang bumabagabag sa kaniyang kalooban. Isa na roon ang ginawa niyang paglilihim kay Jeremy. Naglihim man sa kaniya si Jeremy tungkol sa kaniyang tiya Linda, umamin naman ito kalaunan. Eh, siya? Hanggang kailan niya itatago na hindi ang kapitbahay nila dati ang kamukha ni Jerome Castillo, kundi si Anton?
Hindi niya alam kung bakit siya hindi nagsabi ng totoo kay Jeremy. Marahil iniisip niyang hindi naman na kailangan pang malaman iyon ng binata. Tapos na sila ni Anton at imposible na magkita ang dalawa. Maliban na lang kung tama ang pakiramdam niya na si Jerome at Anton ay iisa.
Napabuntong hininga siya. Pinilit niyang makatulog ngunit madaling araw na nang dapuan siya ng antok. Kinatok pa siya ni Nina sa kaniyang kwarto kinabu
