شاءت الاقدار

بارت 8

ودعت الأهل وسافرت قررت اروح التركيا

گلت ابقى فتره اريح بالي وصلت تعبان ومابيه اتحرك

حجزت فندق ونمت يمكن نمتلي يومين جره ماأگعد قليل كلش اصلي واكل لگمه وانام .

وراها قررت اطلع اتونس بس كل مكان اشوف بي اثنين مبينين يحبون بعض بگلبي اگول الله يديمكم ولايعذب گلوبكم عبالي من أبعد ارتاح بس طلعت غلطان يمكن مرات تزيد ضوجتي مشتاق الأبوي الأمي باقي وياهم ع الأتصال ابوي ابو علي وامي ام علي هم كل شويه يتصلون كاظم اصلا ماتركني متواصلين ع النت هوه والشباب قررت اشتري الهم هدايه وابقى اسبوع وارجع مااطول مثل ماانه رايد

واني اشتري ومشغول دگ عليه هاني

..هلا بخوي هلا بهاني شلونك

..هلا بيك ولك جعفر طلعت بذات ماعبالي تركيا تنسيك أخييك

..ماعاش الينساك والله ماتنسيني لاتركيا ولاابوها

بس بعدك عريس مااريد ازعجك مراعي شعورك انه گلتها وانه اضحك

..هههههه والله بيك الخير تفتهمني ولك جعفر عرس خويه اليگلك العرس مو حلو يجذب عليك

..ههههه ولك خاف تورطت وتريد تورطني گلتها وانه گوه مسوي نفسي مامهتم

..بعلي احلى ورطه ولك لاتبطي تعال ارد اشوفك گبل لا التحق وجدي هم تعبان كلش وحالته مو زينه

..ها صدگ تحجي شبي جدي

..الرئه مالته ماتتحمل بعد وحته الفنتولين گام مايفيده ويختنگ

..هاني عليك الله جدي حالته خطره

..ليش اجذب عليك حالته خطره

..جا باچر انه جايكم

..هلا بيك خويي بالك على روحك ولاتخاف ان شاءالله ماكوشي

من گلي هاني هيج گلت لا معناها جدي منتهي وانه حيل متعلق بي رحت حجزت طياره صار موعد الطيران بالوحده بالليل دعيت من الله بس كون الحگ علي سنين وهوه شايل همنه الحد ماهوه تعبان وهوه عينه علينه .

حضرت غراضي ورجعت وصلت بتلاثه تقريبا ماكو سيارات بتلاثه يطلعن للريف ضلمه ومحد يندلها وطرقها بس ولدها تندلها .

گلت اخابر هاني بس زحمه 

خابرت كاظم .

الووو

..هلا بجعفر شلونك

..هلا بيك خويي تگدر تجيني

..ها اجيك وين التركيا

..يخوي لا يا تركيا گلتها وانه اضحك گتله لا انه هنا بالمطار

..جا خوش جايك شجابك بهالليل مو متفقين تضل اكثر بعد

..أجيت علمود جدي گالو ماله خلگ

..اي صح يله جاييك انه

بقيت بالأنتضار الحد مااجاني كاظم

كتله شخيره جدي گال عمي وابوي حيل متأذين وعمي ابو هاني حته بجي اليوم بجه عليه من مافاده الفنتولين موقف صعب تشوفه يختنگ يمك وهوه الله هذا ضايع علي

گتله الطبيب شگال گال يگول هوه وربه هذا البيدنه

وصلت للبيت دخلت ابوي گاعد وامي يتناوبون يم جدي سلمت عليهم شبكت امي بچت گالت جدك تعبان گتلها يمه انه اجيت الخاطره

حبيت راس ابوي وگتله عساك تگوه شلونه هسه گال والله ماكو امل منه من دنكت علي حبيت ايده لزمني گتله جدي عرف*ني انه جعفر هزلي راسه ودموعه نزلن بسته براسه وگعدت يمه للفجر طلع هاني يشوف جدي لگاني وسلمنه وگتلهم رايح شويه ارتاح

بطلعتي لاگتني طالعه من الحمام بس محتشمه وراسها مغطيته

     ألتقينه وشلتقينه گلوب تحجي

     عيون تحچي وكلشي يحچي

        وماحچينه

حته سلام ماسلمت دخلت الغرفتي وانه حيل تعبان نمت گعدت على صوت الصياح عرفت جدي توفه نزلت ركض لگيت ابوي يبجي اول مره اشوف ابوي يبجي وبهيج موقف صارت الفاتحه وزتينه جدي بس هاني وعمي ابو صادق وابوي راحوو للنجف وانه وعلي وابوي ابو علي وكاظم والولد بقينه يحتاجونه هنا أكثر ناصر حيل مخربط من دون الولد

كل ماصار واشوفه يدخل للبيت للمطبخ گبل

گتله ناصر شتريد عندك شغل لو هيج كلساع طاب طالع .

گلي لا انه عندي شغل وي أمي گتله جا صيح امك تجيك هنا نسوان وبناتنه ماخذات راحتهن لاكلساع ماد راسك وانه عيوني يخزرن بي

گلي شالقصه يخوي كلهن خواتي

..ميخالف هيج احسن صحت حوراء

صيحي عمتج ام مالك ناصر يريدها

ناصر ..

أني صار عندي فضول اشوف مرت هاني وعشيگة جعفر گبل ارد اشوف شكلها لمحتها اول مره كلش حلوه شلون جعفر هيج صابر رجعت اردود وصاح عليه جعفر وانه منا اموت منه وحاجاني بنتر كرهته كلش بس شنوو لمحت وحده من بنات عمي كلش حلوه من صاحها تصيح امي عرفت اسمها حوراء اجتني أمي

..هاا يمه شتريد

..مااريد يمه هيج

..ولك أنت كومتني من اخر النسوان وتگلي مااريد المن مودي عليه

..يمه مامودي عليج جنت اباوع وجعفر لمحني وتعذرت بيج گتله اريد امي

..فلك طرك نويصر وعلي اولاد عمك يسگطونك لاتگول ماتستاهلها

أثكل وصير ادمي

يمه بس شوفيلي هالحلوه الله عليج استاهلها

ياهي ولك الناس وين وانت وين ولك جدك اليوم ميت شجاك تسودنت

..هسه الله يرحمه اشايف منه انه يحزن علي هاني جعفر انه شمسويلي

..خاب نجب لحد يسمعك ياهي العجبتك

..يمه هاي اشرت على حوراء

..بت عمك ابو علي اي حلوه تستاهلها

جاخوش خليها ابالج

طلعت وجعفر ضلت عينه عليه

جعفر ..

صار الليل وطبو الجنازه وابوي االشيخ وتعبانين من العراضات التجي صار صياح ولطم جوه وگضن ايام الفاتحه هيج

بعدين انه شويه شويه تعودت وماگدرت اروح يم اخواني واترك ابوي

هاني باجر يلتحق خلصت اجازته

هاني ..

رحت

جعفر ووصيته

..جعفر بالك على ابوي تره تعبان وامي گلبها هم جاي تتعب اعرفك ماينخاف عليك بس خاف هالمره اطول فوجنه ناقلينه للمتقدم ومكانه بالأنبار هسه ماأگدر اگل الأبوي ولا الأمي اخاف عليهم

..هاني الله يحفظك لايضل ابالك بعيني امي وأبوي بس خويه بالك على روحك لاتندفع زايد

..لاتخاف ان شاءالله ماكوشي جعفر بالك على ريم صارت اختك اذا تحتاج شي لاتقصر وادري بيك انت نشمي بس خاف تستحي منها تره صارت منه وبينه

..أمن هاني بعيني اختي ومرت اخوي وشتريد يجرالها

من وصاني هاني هيج حيل ضجت من روحي گلت هاي هيه بعد مستحيل افكر بيها

رجعت للبيت جوه اريح گلت مريم أريد جاي صعدي الغرفتي

شويه وطبت دلال جابته گالت مريم تعبانه گتلها مشكوره لاتصعدين انتي انوب اني انزل اذا مافارغه مريم انه انزل

شويه ونزلت گلت المريم انه گتلج الج ليش تجيني دلال ولج اليشوفها بغرفتي شيگول والناس طابه طالعه زحمه وعيب انتي ماتعرفين

..خويه والله هيه خذته گوه الك

..جاخوش انوب گوه لاتخلينها مااريد سوالف تعبانه فهمتيني

..صار تتدلل

ريم أيام الفاتحه والگبلهن كلهن انه جعفر ماشفته وحته من بالي شلته هاني حيل حنين وحباب وباجر موعد التحاقه شلون بيه حيل خايفه ومتوتره

نزلت جوه شفته يحچي وي مريم ومبين عصبي أول مره هيج اشوفه

التفت علينه وطلع من باوعلي خ*فه ودار وجها

جعفر .

واني احجي وي مريم شفتها حته ماباوعت الها طلعت بعد هاي هيه ماعندي يمها شي وبالي يم هاي الطرگاعه دلال ادري معقوله هيج حابتني بس تتصرف برعونيه مو هيج أنوب گلت اني بالي مو صافي واتحجج عله البنيه ماسوت شي هيه

دلال ..

جعفر ماراح من بالي ولا يروح اموت علي احبه مو بيدي بس هوه لو شويه ينطيني مجال حسيته بده يتضايق مني سحبت نفسي وگلت انوب اوگعك اوگعك

هاني..

صار موعد التحاقي وانه ماهاين علي اعوف غزالتي وانوب هيه ضاجت واحسها مرتبكه گتلها ولج ماارد اشوفج هيج ضايجه عيونج مايلوگلهن الزعل حبيبه

..هاني شلون والله اشتاگلك

..أحترك هاني واحترگو اسلافه ولج شلون اعوف دوامي وأگابلج گلتها وانه عيني بعينها ومبتسم

..ماادري بس انه حيل خايفه ومستحيه

..لاتخافين ليش الخوف اهلي اهلج اي شي تحتاجينه امي وجعفر موجودين وانه وصيتهم عليج

ولج لاتوطلين وياي بالحچي لاتلهيني تعاي يمي

..لا عمتي تريدني هسه وكت شغل

..أحترك ابو الشغل اكو شغل اهم من شغلي

ولج غزالتي بالج على روحج واهلج شوكت ماتردين ترحين روحي بس خبري امي اول

..صار تامر أمر

.. عفيه بحبيبتي

وصار وكت الألتحاق والتحق هاني وجعفر حيل قلق علي بس هوه يدري بمكانه .

2

####

يزته خل اخذها واشوف شلون تگول عندي اخوو اسمه جعفر

..أي من البدايه ا**ر شوكتها

..خل تصير الي وجنج عليها

بس اليوم خطبيها ألي

راحت ام هاني تخطب حوراء امها گالت اسأل ابوها واخوانها

..جاخيه عليش تسألين مايعرفونه ناصر

..لاخيه وليدنه ناصر بس هاي الأصول

..جاخوش عود ردولنه خبر

گالت أم علي الأبوها وكييف گلها ابن عمها مابيها شي الولد بيهم رضه وبيهم مارضه گالو القرار الها

بس هيه ماگدرت تعارض ابوها ولا ابالها واحد

جعفر من دره تخبل گالهم ماكو غير ناصر لو علي لو محمد انه مااحجي بس ناصر ابد مو مريح وحاقد

مو مثل اخوانه گلوله ابن عمها واحسن من الغريب گلهم صيحوها ألي

.. حوراء انتي موافقه

..خويه بكيفكم

..خويه بكيفج انتي ماريدج تتندمين ناصر مايستاهلج

..خويه التريده انه انفذه

..انه مااريد شي انه اريد أسمع منج

..بكيف ابوي ودنگت من حجتها

..گالها افهم منج موافقه الله يبارك ويسعدج حوري انه خايف عليج بس مادامني أشم الهوه انه واخوتج خلي ابالج عندج ثمانيه خوان لا واحد ولااثنين خاف بيوم يضكج الوكت بس حشمي نجره من شاربه جر انه جي ماارتاحله هيج حجيت خليهن ابالج حجاياتي واتمنى الي ابالي موصح

..خويه لايضل بالك بس اذا رايدني ارفض ارفض

..أنه ماريدج ترفضين انه اريد اعرف رايج يجوز اطلع غلطان ليش اشيل خطيتج الله يبارك ويسعدج

طلعت الأمي وگتلها ردولهم خبر جنها بنتج راضيه

گلت الكاظم انه مامرتاحله ناصر

.. خويه مامجبورين ننطي

.. لا مجبورين اختك من خلت عينها بعيني عرفتها رايدته

واذا رفضناه خاف يقشمرها لو تحقد علينه خليها على الله وشحده يلعب بذ*له

كاظم گالي يعني عدها شي وياه املص رگبتها هسه

..گتله خايب شمالك انت جبت طاري علاقه انه ليش تلوص بالحجي مبينه مارادت ترفضه يعني البت مقتنعه لاتسويلك سالفه تره مالي خلگ

گال هذا هو بس والله اذا عنده شي اله اندمه

ماعنده لاتخاف جبان نويصر مايسويها خلي نشوف يجوز أنه ضالم الولد الله اعلم بس حوراء ماردتها الناصر ابد بس غير ابوي وهيه مقتنعين

ردوو الجواب الأم مالك وكيفت هيه وناصر

دلال گالت بعد مابيها مجال لشوكت انه مامهتملي

جعفر شسوي حته ينعجب بيه ..

جعفر ..

بالي كله يم هاني وكل شويه اطلع واتصل علي وبصعوبه يله أگدر احصله الأخبار ماتطمن والمعارك مشتده تفكيري كله يمه ونسيت كلشي

ماعندي غير الدعاء وبالي يم امي وأبوي خاف يدرون ويتأذون وهمه اثنينهم تعبانين

أبوي شويه احسن من امي بس أمي گلبها مايتحمل

افكر واتصلت بهاني واسمع صوت الرصاص والهاونات گتله هاني بشر شلونك

..بخير بعد اخوك لايضل بالك

..بالك على روحك هاني گلبي يمك الله يوگفلكم وينصركم

..أمين يارب بالك على امي وابوي ريم امانه برگبتك هاني

..خويي ان شاءالله دوم تضل امانتك وروحي الك انه تدلل انت وياها لايضل بالك

سديت التليفون وروحي طالعه شلون

اني هاي الفتره كلها اتحاشاها وماشايفها

دخلت للبيت لگيتها أول مره اسلم عليها

رحت الأمي بست راسها وگتلها دواج اشربي وهذا المسكين شو تاركته غمزتلها أضحك ابوي بعده شباب ليش هيج هاملته

..ولك جعفر فدوه لسوالفك مشتاقه الهن رجعن الحمدلله

..هههههه مو گبل تگولين بطلهن شوكت اشتاقيتي

..ولك ماادري طلعت احبهن منك

..هههههههه سهومه روحي زلمتج متانيج

..رايحه رايحه وهيه تضحك 

..خليت أمي تروح وگتلها شلونج خيتي محتاجه شي هاني كلساع يوصيني عليج تردين ترحين لهلج

شفتها صفنت عليه

گتلها اني هسه بحكم اخ الج وانتي مرت اخوي وبس خلي الماضي يولي مو بيدنه هذا قدرنه

گالت هوه الماضي مجبورين ننساه

نسيته وانتي مبيين من اول يومين نسيتي

انه الخاطر هاني كلساع يسأل عليج واحتار شجاوبه

گالت اي مشتاقه اروح لهلي گتلها گلي للوالده وأوصلج

گالت للوالده ورحت امشي گدامها مسافه وهيه وراي لاگاني كاظم سلمت عليه وبقه وياي گال شعجب

گتله لا تسأل انه هم ماادري شنهي الموضوع بس الي عرفته هسه ارتاحيت گتلها اني اعتبريني اخوج وكلشي قديم ننساه كاظم هاني كلساع يوصيني عليها وماأكدر اتحجج اكثر

وبس انت أگلك هاني بالمتقدم والمعارك يمهم مشتده وبالي يمه حته ماضل عقل براسي ياحب يابطيخ بس خل يرجع سالم

كاظم ..

صدگ تحجي هاني شوداه هناك

..فوجهم تحرك هناك وگلبي ناغزني علي

..ألله كريم الله يحفظه ويرجعه سالم

..ألله يسمع منك

هاني ..

الوضع يمنه ابد مو مريح التجهيز يوصلنه متأخر بالمقابل الدواعش الله يلعنهم اسلحتهم قويه ومداها بعيد وحيل متطوره مع هذا احنه مامستسلمين ابد بس شباب بعمر الورد جاي تستشهد الي خاطب واجازته التجي عرسه والي مخليله ولد والي عنده كومة بنات قصص تشييب الراس وي كل قطرة دم توگع اكو قصه تشيب الطفل كل هذا وبنص الحرب نضحك ونسولف ومامهتمين

گاعد نسولف انه وواحد من الجنود كل طلقه يرميها وگال

احترگ ابو حسان

گتله ولك ياحسان گال هاي سالفه طويله

گتله اسمعها سطرتني بحسان ضحك

گال هذا هم انگس من ذوله القذرين صارلي سبع اسنين احب بت خالتي ورايدها وابن عمها

ناهي عليها

گتله رايدها گال اي بس هيه ماتريده

وهوه بكبر ابوها ومتزوج

الله يبلاه جابعد بيش طالبها

.. حضي غير

گتله عهد عليه لو الله رجعنه عدلين الا اطلبها بنفسي الك وامشي على ابن عمها اخلي يهدها

..سيدي ماتعرفهم ذولي طاغين ويردون واحد يعرفلهم

..انه اخوو جعفر ولك انه مو بس ضابط انه شيخ ابن شيخ ابوي الشيخ الفلاني

..ثلث تنعام منك ومن اهلك سيدي والله سامع بأهلك بس مامتوقع انت ضابط وهيج

..عادي خل نطلع من هالشده وتدلل اخذها ألك من خشومهم

..سيدي والله اذا صارت عهد عليه اول ولد يصير اسمي بأسمك

..جا خوش من هسه اسميك ابو هاني ههههه

..اتشرف بيك والله

ضلينه نتقدم بس الشي الأخرنه العوائل

چانو اكو عوائل مخلينهم دروع الهم

بيهم جهال وبيهم شياب وبيهم بنات من شفت هيج منضر حيل تألمت فكرت لو هاي أمي شيصير بيها شايب اكبر حته من ابوي ليش هيج يصير بالعراقيين

أنطيت أمر ممنوع رمي عشوائي الحد مانخلي هالمنطقه بس أكو خوف وجنه نتحرك بحذر أكو بيهم مندسين وي العوائل هذا غير الطرق المفخخه والمدارس والبيوت دمار حرگ اعصاب وتوتر

واني بالي يم ريم طبعا الرمي ميتوقف احنه شكم جندي يشاغل بين ميخابرون الباقين ونبقه نشاغل والي يتصل والي ياكل بس القتال ابد ميتوقف

گلت خل اراسلها

..شلونج غزالتي مشتاقلج الغاليه

..هلا بيك الحمدلله ليش ماتجاوبني

..يمي جنود وضباط ماأگدر اخذ راحتي نتراسل احسن

..على راحتك بس مشتاقتلك هواي

..ولج مو بگدي مشتاقلج وهسه ودي أجيج بطياره واحضنج مشتاق الريحتج لعيونج مشتاق الكلشي بيج

..فدوه رحتلك شگد بعد وتجي

..والله مااعرف حسب النزول هسه عدنه انذار

..ألله كريم الله يحفظك

..ويحفظج يالغاليه

سديته وأني حيل مشتاقلها بويه عيونها تكتل ولاشبعت منها

ضليت افكر بيها وابالي صورتها

1

جعفر ..

رجعت للبيت لگيت أمي سألتني على هاني گتلها توه خابرني وزين ويسلم عليكم

گتلها يمه انه تعبان رايح انام وراي العصر شغل لاتصيحيني ع الغده صدگ صعدت ونمت

ام مالك ..

ولك ناصر صدگ رايدها هاي حويره

..أي يمه عجبتني

..أي عود ماوصيك اخذها وصير ذ*ل الجعفر

..يخسه أ**ر خشمها هيه وأخوها ارد اشوف مو هاي تگولين عزيزته خل اخذها واشوف شلون تگول عندي اخوو اسمه جعفر

..أي من البدايه ا**ر شوكتها

..خل تصير الي وجنج عليها

بس اليوم خطبيها ألي

يتبع