شاءت الاقدار

بارت 7

چف أيدي منخل صار ناب بأثر ناب

بچتافي من زفوك گمت افتح الباب

هاني ..

من رحت أعقد وسمعت القبول چنت مركز اكثر من الشيخ اريد اسمع صوتها عقدنه وطلع جعفر عذرته أكيد جان اباله نتزوج سوه وحبيبته توفت خطيه لمت نفسي جي جبته وياي بس اني مااحس بفرحتي بدونه .

شويه وگالو ادخل شوفها خليت عيني بعينها شفتها خايفه مرتبكه مااعرف بس حسيتها مو طبيعيه وملامحها تخبل عيونها كبار ملونه رموشها طوال طولها جسمها كلشي بيها حلوو شعرها وطوله

حيل ارتاحيت والفرحه بانت علي بستها براسها

ولزمت حنجها بأيدي ورفعته گتلها ليش مستحيه صرت حلالج انه دنگت ..

ماتردين تشوفيني

شايف*ني انتي لو اول مره

..لا اول مره گالتها وصوتها بي بحه مخنوگ

..جاحفضي شكلي زين وشوفيني اعجبج لا گلتها وانه مبتسم

..خدودها صارن حمر دنگت

..ريم وأسمج عليج تخبلين واحلى من الغزال

الحمدلله الي رزقني بيچ ياريت عشرتچ حلوه مثل وجهج

..أن شاءالله گلتها واني ارجف مرتبكه وكلامه فر دماغي وشكله ابد مامتوقعته هيج مااعرف شعوري تخربط شفته شكله هيبه بس ملامحه جاده مو مثل جعفر وجها بشوش هوه مبيين قاسي بس حجيه حلوو چان گدر يروضني چنت ارجف ومدنگه خلاني اباوعله واحاچي طلع وضلت ابالي صورته شلون چان شكله

ورجعت افكر بجعفر گلت اكيد مثلي يحاول يتقبل وينسه تعبت من التفكير وگلت اخليها على الله هوه الي يدبر اموري شويه وأجتني أمي

..هايمه ريم شلونج

..الحمدلله

..يمه انسي الراح بالج ت**رين برجلج ولج شيخ وزلمه معتبر صيري مره حوك وا**بي تلگينه مثل ابوه اذا حبج مايتنوع الغيرج موش همه عشاگه بلكت لن حضج يگعد وياهم يمه انه الخاطرج والمصلحتج بنيتي لاتنزلين روسنه

..يمه لاتخافين علي اعرف اتصرف والماضي نسيناه والله كريم الله اليجبر الخاطر

..اي صيري هبة ريح وسباعيه موش هالأخوچ يسولف يگول حرگ الدنيا حرگ بالرصاص محد رامي بگده انسي مثل مانساچ فهمتي

..اي يمه فهمت بس عوفيني ارتاح

طلعت امي وانه اختنگت گلت يعني مايفكر بيه وانه شايله همه فرحان ويرمي انه بعد اشيله من بالي وعلي برجلي وبس

صار الليل ونمنه وگعدنه من الصبح ترتيبات العرس

بس العرب كلها تسولف بالعرس يگولون مامسوين هيج عرس بالسلف كله ابن الشيخ بعد عازم الدنيا كلها وأمي كلساع تجيني فرحانه وتسولف طايره الفرحه الها وبس

4

جعفر..

گعدت الصبح تحزمنه انه والشباب كاظم وحيدر وحسن وحسين اخواني ومالك ابن عمي وصادق كلنه موجودين والباقي هم مشغولين يعدلون ويرتبون للعشه احنه استلمنه الذبايح صلخناها وانطينه اللحم للطباخين ورجعت وانه مدمه بعدني وتعبان ومنا ضايج طبيت للبيت جوه ومحد موجود بس خواتي وعماتي وامهاتي اثنينهن بالمطبخ صحت امي ام علاوي وام هاني تعالن أريدجن

هايمه گول

..بدينه نحضر الغده والطباخين بدو يطبخون حسبن حسابجن وانطنه العدد المضبوط لو تنطن زايد مو ناقص أبوي بلغني ممنوع النقص ابد

..خوش يمه ان شاءالله

..خبازاتجن ياهن ياهنه المسؤلات ع الخبز

أم علي ..يمه مريم وحوراء ومرت علي اخوك ومرت حيدر

..خوش گلهن يهمن ارواحهن تردن شي انه صاعد اغسل

..ام هاني ..بعد أمك يمه ماقصرت يوم النفرح بيك يوم عيد ويخدمك هاني هيچ وأكثر

..الله يسلمج يمه ان شاءالله بوجودج

..أم علي ..يمه جعفر رايد شي خواتك يحضرلك شي اليوم انت احسن

..انه بخير يمه لايضل بالج ومريم محضرتلي هدومي وكلشي جاهز بس مثل ماوصيت خوش

..خوش يبعد امك تدلل

انه اسولف وي امهاتي وشفت دلال ماشالت عينها مني سويت روحي مااشوفها شو من طلعت لحگتني بصعدتي للدرج صعدت حسيتها تعمدت تطخني

التفتت الها واني رافع حاجبي گالت اعذرني ماادري

گتلها طلعي گبلي صعدت خليتها وصلت يله كملت

وگفت اباب الغرفه گالت محتاج شي

.. سلامتج انه مااحتاج شوفي يمكن غيري محتاجج جوه

نزلت وانه گلت هاي شبيها

موبحال افكر بيها غسلت توضيت صليت دعيت ربي ينطيني قوه وصبر گتله ربي البارحه دعيتك وانطيتني اريد تنطيني طاقه اكثر وأگدر اتحمل

نزلت صبينه الغده وانه الي اشرف ع الأكل علي اخوي وحيدر على الزلم وانه وكاظم ننگل الأكل للنسوان

گتلها يمه كلشي تمام عندج نقص بعد

..يمه اريد اربعين صينيه

..تدللين يجنج ستين

گلت للولد جيبوو بعد

خلص الغده وصار وكت الزفه

جريت كاظم على جها وگتله كاظم دبرني مااريد انه الأسوق للزفه خاف هاني يطلبني ومااگدر ارده وخاف اعصابي تتلف ومااسيطر واسويلي مصيبه وانه اسوق

..جعفر تدلل انه ادبرها بس انت صلب وگلبك قوي والله محد يسوي مثلك فدوه لعگالك معدل وتسوالك الف خايب انه افتخر عندي اخو مثلك يخاوي للموت حبني براسي وطلع

كاظم ..

اليوم كله وانه اراقب بهاني صلب وكفه ووفه اخوو والنعم من خوته ماانطه مجال ابد ولابيين اباله شي حيل عجبني واتباهيت بي من صدگ من صاحني وگلي دبرني گتله انه ادبرها رحت الهاني وگتله هاني انه متحلف ازفك بيدي انه الأسوق مو تفشلني هذا عهد معاهد روحي بي گلي خاف جعفر يريد گتله لا گتله گبلك گال هذا هوو اردها الك بيوم عرسك وهم ازفك بيدي

ضلينه نسولف ونضحك وگلت الجعفر هذا هو ارتاح دبرتها

جعفر ..

صار موعد الزفه وبقيت يم ابوي زلم وشيوخ تجي من كل ديره وصوب معارف ابوي هواي وانه اسلم واتلگه الناس وسمعت الهورنات وصوت الرصاص گرب گلت داخل عليك ياعلي انطيني من صبرك وقوتك توجهت الربي العالمين وگتله ربي مالي غيرك گويني ..

شفتهم وصلوو ونزلها بيده مغطينها بأبيض وعباه كلشي مامبين منها

جريت السلاح وگمت ارمي

رميت الحد ماطلع هاني من البيت

تلگاني وباسني تباركتله وصار وكت العشه

ورجعت لهيت نفسي بالشغل بس گلبي جمر راسي من امشي احس بي يرتج وجع موطبيعي صار براسي حسيت نفسي شويه وأنجلط

كملنه العشه وصار وكت نزف العريس

زفيناه والنسوان هلاهل انه گمت كلشي مااشوف ومااسمع شي معيين بس هوسه بهوسه گوه مسوي نفسي مبتسم وفرحان من دخل بعد طلعت الغرفتي گبل سديت الباب وگعدت وره الباب گمت ابجي يمكن لو ماباجي اطگ مستحيل احد يحس بأحساسي شنوو

2

گلت ماالي غير ربي دعيت الله يريحني تعبت من كلشي ماأكدر افكر ولاأگدر انسه نهائيا شي صعب گلت گبل لايطلع هاني انه لازم انام شربت حبوب منوم ونمت ومااعرف باجر شضاملي وشلون اتصرف

ريم ..

من خذوني ونزلت ايدي بأيده وعيني لمحت جعفر وشفته يرمي گلت هاي هيه انه ملك رجلي بعد

وامي وصاياها ابالي وابوي وصاني وبين الخوف والرهبه وطابه جديده بيتهم قصر يختلف حسيت المكان مو الي وين بيتنه غرفتين وحوش ووين هنا

صح شايفته بس من بره مااعرف الداخله من طلع هاني وصعدت الغرفتي شفتها تخبل ولابأحلامي هيج غرفه بس شويه متوتره وجعفر هم بعده ابالي بس حقدت علي ابد مامأثره بي وين جان يگلي اكتله الي يگربلج ووين تهديده انه مارايده يكتل بس ليش يرمي وفرحان وجني مااعنيله گلت انتها كلشي وانه ملك الهاني گاعد افكر وطب هاني والهلاهل گلبي راد يطلع خفت واتوترت

باسني بگصتي ورفع وجهي بأيدينه اثنينهن گال

..شني هالعيون السحرني ولج ملاك انتي موبشر

بقيت ساكته گلي لتخافين ارتاحي تنوعيلي انه مااجبرج على شي وخاف مسولفيلج شي مخوفينج انه اريدج انتي مرتاحه ومالي غرض بالي يتاني مني بشاره اهم شي ماتخافين ارتاحي وهاي ليلة العمر انوب تتندمين على هذا خوفج يسولف وهوه مبتسم گلي بدلي حته نتعشه

..لا مااريد.. ضحك ماتردين العشه لو ماتردين تبدلين اثنينهن ضحك حيل گال لا انتي راح اتعبيني اثنينهن ماينرفضن ولج انه ظابط وعسكري خليني حنين وياج لاتطلعين انظباطي

رفعت عيني بعينه وخفت

.. لتخافين اشاقه وياج على راحتج

بس والله كاتلني الجووع وراي تعب شلون تاليها

ناكل لا

.. وين أبدل

.. هنا جاوين تبدلين

دنگت وبقيت على گعدتي

.. ولج ماأگدر اطلع من اطلع معناها يردون مني بشاره اني راح ادير وجهي واطفي الضوه امري ال الله وأنتي بدلي

جنج راح تحرگين اجدادي حرگ گالها وهوه مبتسم

بدلت وطلعت بس ارتاحيت من جانبه راح الخوف

بقيت اماطل للفجر

.. ولج غزالتي تره صبري بده يخلص ولاتفشليني وتخلين ابوي بنفسه يدگ علي الباب خليني انزل اله وره الصلاه اعرفه هسه مانايم متانيني سلمت نفسي والخوف راح مني ويمكن وياه نسيت جعفر تعجبت على روحي انه نسيته لو جي ضايجه منه گلت لانسيت وهيج احسلي معناها الله استجاب الدعائي

نزل هاني وبشر اهله وصارت هلاهل

1

********

مدري شبيه شو مهموم

     هوسه أبالي ماتصفه

    ومدري شلون راح الحيل

    أنفخ شمعه ماتطفه 

1

گعدت الفجر على صوت الهلاهل عرفت كلشي انتهى

كل هلهوله صارت سچينه بگلبي بعدماگدر افكر حته حيل مابيه گلت اسافر احسن .

نزلت جوه لگيت هاني صاعد تباركت الأمي وأبوي وأبوي ضل يحاجيني

..شلونك بويه شو شكلك ماعاجبني تعبك تعب جسم لو خاطرك م**ور

..والله يابويه اثنينهن

..الله يشد حيلك بويه رفعت راسي انت معدل كلها الشيوخ البارحه تسولف بيك وتسأل عليك اريدك دوم هيج

..تربيتك بويه ان شاءالله مااخييب ضنك

..بويه جعفر انت غالي وتعرف غلاتك عندي ولاعبالك أنه ماحاس بيك حاس بيك وأعرف شعورك العجبني بيك قوتك وتصرفاتك صعب العشگ وانه يبوك شايفه أمك الله خلاها عايشه بقدرته الفتره الي شاكين بيها تموت چنت انه اموت الف موته باليوم .

وانت وليفتك ماتت واعرف البگلبك شنوو

عزالله انت گوي وادري بيك تكابر الخاطر اخوك

بويه الدمعه على المحبوب مو عيب ومابيها ذله خله أيده على ص*ري وگلي ابچي صيح لمن تحس هذا ارتاح فرغ الي بداخلك البچي نعمه يبوك يريحك لاتكابر انه حاس بيك.

من حاجاني هيج ابوي ضلت دموعي تصب وماحجيت شي

2

گال ابچي اليگلك دمعة الزلمه عيب ماضايگ لوعة العشگ ولاعاشگ بعمره البچي يغسل الگلوب هسه أريدك ترتاح ولاتحمل طاقتك هواي تريد سافر أطلع تريد ازوجك شنهي التريده يجرالك بعد أبوك انت

حضنته حيل وبچيت گتله بويه أنت حاس بيه

..اذا بيك مااحس چا شنهو احساسي ولك إنت قطعه مني وروحي وعگلي كلها وياك انت العزيز جعفر وأكثر اعتمادي عليك بينك وبين نفسك سوي التريده وبره خليك مثل ماأنت .

هسه انت ارتاح وشوي اتبارك الأخوك بويه ماتلگالك اخوو مثل هاني البارحه بفرحته ومانساك وصاني عليك وگال عينكم منه .

.. هاني بگلبي بويه الله يشهد ماكو بغلاته عندي

حضني حيل وطبت علينه أمي

..هلا بجعفر هلا بعزيزي شلونك يمه

..واني امسح عيوني گتلها بخير بشوفة وجهج الحلوو يمه انه تعبان وارد اسافر

..عمت عيني يمه مابيدي عليك هذا قدرك من ربك يمه گلبي ماكلني عليك وليفتك بين ادين ربها هو ارحم بيها

..دنگت وگتلها ونعم بالله يمه مني من البنات بايته عدنه

..گالت اختك مريم وحوراء ودلال بت عمك

..من جابت اسم دلال اجه موضوع البارحه ابالي

..گتلها شعجب امها خلتها أول تالي

..يمه انه هم اتعجبت بس هيه البنيه مارادت تروح وعاونت اخياتك

..خوش يمه من تگعد مريم خل تحضر جنطتي

..صار يمه بس فدوه لاتطول علينه

..لاتخافين يمه انه هم مااتحمل فراگكم أبوي گالها خلي يرتاح شگد ميريد

..گتله يابه الگيعان فهمت كاظم عليهن والولد المتفق وياه على مشروعنه انه اتواصل وياه بالتليفون

وانه هم مااطول بس جدي شلونه البارحه تعب اخر شي ماعجبني شكله

..اي والله جدك تعبان ص*ره گام يتنك والرئه مالته تعبت باقي ع الفنتولين والله كريم

..الله كريم .

طلعت صعدت الغرفتي فتت من يم غرفة هاني هدوء تگلبت على فراشي ردت انام مانمت بقيت للسبعه تقريبا غسلت بدلت وطلعت شعري مبلل والخاولي على متني وصارت عيني بعين دلال

شفتها حيل طولت وهيه تباوعلي گتلها صباح الخير

..صباح النور شلونك

..ألله يسلمج

..محتاج شي تتريگ

..لا هسه البنات يسوون لاتعبين روحج

..تعبك راحه تدلل گالتهن وعينها بعيني اني دنگت ومشيت شويه وصاحوني ع الريوگ

وطلع هاني تباركتله وكملت الريوگ

شويه وگتلهم انه طالع اشوف كيعانه وارتب اموري حته اسافر وانه مرتاح هاني گلي

..ها وين تسافر

..والله مااعرف ارد اغيير جوو لو لبنان لو تركيا لو ايران

..ولك روح البنات تموت يگولون

..ههههههه ضحكت وگتله هوه اني عايز موت ارد اروح ارتاح غمزلي وگلي اكو موت بس بي راحه

عود انت هناك شوفه

..لك.هاني انت ماتعرفني انه اريد اريح بالي

..روح بعد اخوك أدري بيك مامرتاح وانه هم تعبتك وگفتك ماانساها بعمري

..افا عليك جا منخي عليك انه غير اخيي انت عود بعرسي اريدك تدبج للصبح

..بعلي اسوي رجليني خيوط وتدلل

..ضحكنه وسولفنه حسيت روحي ارتاحيت يمكن حجايات ابوي ريحني بس دلال ابد ماشالت عينها مني وگوه متحمل نضراتها

دلال ..

العرس كله وانه ماشلت عيني من جعفر هيبه وحضور اله والكل يتاني منه أشاره يتصرف وچنه جبير البيت كل الأعتماد عليه .

من اجه البارحه وهوه مدمه وتعبان وشعره منكوش شكله حيل غواني وانه احبه اموت عليه من صغري صعدت وياه تعمدت اطخه يمكن جي حسيته متجاهلني من تنوعلي ونضرته تخوف خفت وگتله محتاج شي گالي سلامتج .

نزلت وانه فرحانه المهم حاجاني بقيت يمهم گوه على امي اشتغل وكلساع نادستني كافي لاتجيسين خدامه الهم انتي تركت امي ترك.وگتلها على اتفاقنه عوفيني بحالي .

الصبح شفت جعفر طالع من الحمام شكله يخبل دعيت ربي يصير من نصيبي بس هم ضجت علي من گعد گبال هاني وانه اعرف هوه ضايج على حبيبته بس مامبيين علي .

أمي وناصر من شافوهم هيج حيل ضاجوو وحسوو كل خططهم فشلت

هاني ..

1

گعدت الصبح اباوع يمي ملاك مو بشر نايم

ضليت

صافن عليها اتمعن بملامحها شويه وگعدت

..صباح الخير غزالتي شلونج

..صباح النور الحمدلله

..أنتي زينه مرتاحه

..أي گلتها وانه مدنگه رفع حنجي بيدي وگلي لتدنگين عيونج ذني اريدهن يشوفني يشوفهن لهفتي عليهن.. ريمه يله ننزل نتريگ

گتله انزل انت انه اغسل وبعدين انزل بس استحي خل وحده من البنات تنزلني گلي لا انه اصعدلج وانزلج بيدي باسني بگصتي ونزل

وانه ضليت حايره بيوم واحد أمنت اله

من نزلت حيل خايفه خاف اشوف جعفر

عمتي گالت يمه اخذي راحتج جعفر طالع

الجوو حار ذبي شالج طلع يتأخر يله يجي

جعفر ..

رحت كملت شغلي وگلت الكاظم انه معتمد عليك وابوي لاتيها خليك وياه هاني عريس وهم وراه دوام

گلي بعيني انت وعمي

..تسلم عينك يالغالي أي شي تحتاج اتصل علي تريد استفسار شي دورت بجيوبي اووو جهازي ماكوو

گلي كاظم ها طايح شنهي گتله لا يمكن ناسيه

أروح اجيبه دخلت للبيت ولأن مامتعود عدنه احد ومهتم وامشي سريع دخلت من المطبخ

لگيتها يم الطباخ واگفه وياها مريم اختي لمحتها ع السريع شفتها بدون حجاب وشفت الشي الي بوكتها صار رصاصة الرحمه ألي نعلت الشيطان وفتت للغرفه سديتها عليه كرهت روحي ليش مالزمت نفسي وشفتها وليش ضجت يعني شنوو اتوقع تزوجت بعد شكو ضجت من شفت متنها

خليت ايدي على راسي اختنگت وگلت ياروحي كافي طولتيها تره الله انطانه النسيان نعمه ليش هاي النعمه مالايحتني ليش. شويه ودگ كاظم

..جعفر وينك.رجليني طاحن وانه متانيك غير شغلنه بعده شني حلتلك الگعده

..گتله جاييك جاي اعذرني التهيت

..جاخوش بسرعه

كاظم ..

من تأخر جعفر حسيت اكو شي خابرته وصوته جان تعبان عرفته شايفها

طلع گتله ها شو بطيت گال حضرت غراضي

گتله جعفر انت اخوي واقرب واحد الي انسه

تره ماترهم بعد

گلي والله ياكاظم النسيان لو ينباع جاشريته

ولك موبيدي گلبي چلب لوبيدي أگصه

بس لاتخاف هاني اغلى من كلشي اغلى حته من گلبي وبعد انه مااتحمل راح اسافر واحتمال وره السفر اجي يمكم

گتله تشيلك عيونه صدگ جذب بس عمي وعمتي شلون اعتمادهم عليك گلي الله كريم الله يدبر امورنه

يتبع .