شاءت الاقدار

بارت 12

شجاني وعودت روحي

اذا تبرد أحضننك

وادفيها

يناسيني وانا رسومك

على الحيطان اشوفنها واحاجيها

دلال ..

من شفت نضراته فرحت انه افهم كلام عيونه

حبيبي اعرف كل تفاصيله هوه مايحس بيه

بس انه غير نضراته گالتلي متقبلج وعجبتي

بس من حجه حاجاني بحده انه خايفه وخجلانه

وملهوفه كلهن بيه گلي بدلي ارتبكت حاولت ابدل ماگدرت اجه هوه ساعدني شفته وجها تغيير من شافني لزمني وجان حلوو تعامله وياي انه بدون نضرات ومشاعر منه ذايبه بحبه من وصل قريب الرگبتي حسيت نفسي بغير عالم ذبت بين ايديه

شفته جر خنجر وشك بطن چفه

مافهمت ليش من خله الدم ينگط على هدومي وفراشي عرفت شنو قصده تأذيت حيل حسيت لمت روحي على حبي ليش حبيته ليش هيج يجرحني شعور صعب من انه ملهوفه اله وهوه يقابلني بكل برود من حجه وگال اتحمليني مثل مااتحملتج

حسيته انطاني أمل حسيت روحي رجعتلي بس جرحه الي بأيده المني اكثر من جرح روحي اتمنيت لو جارح جفي وحاط الخنجر بيدي تمنيت الدم من وريدي ليش نحب المايحبنه اتمنيت لو هوه حابني ربع من حبي اله .

كل هذا واني احس اليوم اجمل يوم من عمري كلشي مااريد منه اهم شي اشوفه وياي احس بوجوده كلشي بي يعجبني رجولته نبرة صوته شكله طوله كلشي بي يخليني احبه واموت بي

شفته تمدد بالگاع مخلي ايدينه جوه راسه وصافن

گوه طلعت مني الحجايه گتله

..جعفر بلعت ريگي

..گولي محتاجه شي

..أني أسفه

..على شنهي تتأسفين نامي ارتاحي هسه

من گالتلي اني اسفه حيل ضجت عليها مو ذنبها هيه حبتني بس المشكله بيه انه اكو شي بداخلي يگلي انطيها فرصه بس عقلي يگلي ابقى على هذا هدوئك

طلعت گتلها انه نازل اخذت وياي النيشان

وانه ع الدرج طيحت التحفيه متعمد لميت الكزاز وگتلهم

..هاي اولها أجيت ابشركم سويت التحفيه طحين

..يمه بالك تتعور عوفها

..تعورت شويه يمه بسيطه لايضل بالج

..يله يمه ان**ر الشر بعد امك هاي من عيون العالم بهاي ولابغيرها

..لاتخافين يمه ماكو شي سألتني امي وهي تهز راسها

..شعدك نزلت رايد تشوف ابوك

..أي يمه ادري بي متانيني

..كلللللللللللووووووش كللللللللللللللوووووش

بگلبي گلت شتهلهلين ماتگليلي ضحكت وانه عيني عليها واشوف فرحتها

طلع ابوي باسني

..أللهم صل على محمد وأل محمد الف مب**ك بويه الله يرزقك الولد الصالح الحمدلله هسه كملت فرحتي

الف الحمدلله

..دنگت على ايده بستها وبست راسه

..گلي يلله روح لمريتك لاتخليها وحدها

بعدني واگف طلع هاني .

..الف مب**ك خويه الله يباركلك هالزواج

..الله يسلمك خويه وگف بصفي شاورني گلي ها ولك

ماصبرتلك ساعه ولك مساع تتهدد ولاتنتضرون عفيه بيها بت عمي عزالله طيحتك وضحك

..ضحكت گتله بعد طلعت من ايدي ا****ن يسولف بكيفه لاتصدك كلشي اكوله گتله وانه اضحك

باسني وگلي يله روح خويه الليل بعده بأوله

خو ماتگابلنه وتگعد .

صعدت فوگ شفتها اكو شي يفرحني بس مااعرف شنو احساسي يمكن لأن بحياتي مالامس بنيه حته ريم مايوم لمستها لمسه يمكن لأن صارت حلالي بس صعب اتنازل الها بهالسهوله دلال اذتني وگلبي حيل شايل منها ضليت اباوع عليها كلشي بيها يسحر

ضليت اراقبها بعيوني بس مسوي نفسي مامهتم

شفتها تمسح بمكياجها ولمت شعرها وضفرته

مااعرف ليش تتصرف براحه يمي خلتني احس بالذنب ليش هيج جرحتها بس انه هم معذور الشفته مو قليل واذا تحبني تصبر عليه

تمددت بفراشي وي كل هذا وانه حيل فرحانه مرتاحه اول مره راح انام بدون ماارسم صورته ابالي راح انام وانه اشوفه گبالي نمت وحيل مرتاحه

وحسيت عيونه ماشالهن مني

...شفتها تمددت وعيوني تجبرني عليها

نامت وجنها ملاك الشعور الي بداخلي ضايقني اكثر

طلعت باكيتي سحبتلي جگاره فتحت الشباك وضليت ادخن .

اباوع من الشباك وعيني صارت على بيت عمي ابو مالك .

أجت ابالي حوراء دعيتلها ربي يسعدها

ناصر..

من زفوني وشفت مرتي حيل ارتاحيت گلبي انفتح الها واريد بس اوصل الها فكرة الأنتقام والغيره راحت من بالي شفتها ملاك يمي مو بشر

بستها براسها وگعدتها يمي حجينه وگضينه ليلتنه حالنه حال اي عرسان

فكرت زين أبقه هيج وياها لو الحقد الي بداخلي يطغى على مشاعري الحد هسه مااعرف شنو مصيرها وياي

أم مالك ..

جعفر حيل كبر بعيني من ذاك اليوم بس كرهي السهيمه نفسه مايتغيير مو بيدي مااحبنها وهاني هم خشمه يابس مايطخ الأكبر واحد بس انه مالي غرض بعد اهم شي يسعد بنيتي..

هاي حويره مدري بس لاتفر عگل ابني الولد اول ماشافها سلهم عيونه ولاجنه ذاك نويصر التجدح عيونه گادرات موش نسوان يفرن عگل الزلم فر

1

صار الصبح .

جعفر ..

فتحت عيني لگيت فراشها فارغ مااعرف ليش فزيت من مكاني خفت گلت بس لا ضمت السالفه بگلبها وتفضحني لو تروح لهلها مسودنه هاي تسويها

بگومتي طبت .

..صباح الخير

..تن*دت ارتاحيت شويه گتلها صباح النور وين جنتي

..چنت اغسل وماردت اگعدك سحبت نفسي بهدوء

..بيش الساعه هسه

..ساعه بثمانيه

..أوو تأخرت كمت فتحت الكنتور ارد اخذ ملابس الي

..ملابسك حضرتهن بالحمام معلگات مااعرف شنو تريد بس اختاريتلك على ذوقي

..سكتت ماعرفت شنو اگلها طلعت غسلت ونزلت

شفتها بعد مو نازله

صعدت الها شفتها لابسه فستان ردن ومستور بس ضييگ حيل من يم خصرها وبارز مفاتنها

..هيج تنزلين گلتها وانه اشر بأيدي على لبسها

..شبي موحلو

..لا بس حيل ضييگ شلون تلبسينه وهاني بالبيت

..انتضرني بره لحضه ابدل وانزل وياك

..ردت اعاندها وابقى بعدين خفت من نفسي خاف اضعف طلعت وانه ابالي شكلها وشلون جسمها وشگد حلو عليها الماروني لازم الباب بأيدي وشفت اليده تتحرك

فتحته شفتها لابسه لون وردي بس اعرض وهم حلو لايگلها نزلنه وامي هلهلت وتباركت النه وانه عيني عليها خفت بس لاتبيين الهم شي بس شفتها تتصرف طبيعي وأمنت من هالجانب

ريم ..

تشوش عقلي نار صرت مااسيطر على اعصابي ومن نزلوو سوه انتهيت ماگدرت اسيطر رحت للغرفه طبگت الباب عليه حيل شويه ولحگني هاني

..ريم شبيچ شني هالتصرفات هاي البنيه جديده شبيج هيج جافه وين وجهج اليضحك لاتبدين بسوالف نسوان الحمه لا انتن ولا الف مثلجن يفرقنه انه وجعفر من هسه أگلج من تخلين راسج براسها تخسريني سمعتي

..حسيته حيل معصب وگوه متحملني كتله هاني شبيك ياهو الگلك انه حاطه راسي براسها احجي واشوف عيونه تجدح گتله انه تعبانه مااعرف اختنگت وطلعت فجأه عيونه ذبلن وأبتسم گلي العصر حضري روحج نطلع

..وين

..مالج غرض انه ابالي سالفه وارد اتأكد منها

خفت بيني وبين نفسي بس لاشك بشي

ضليت الوم بروحي شنهي الحقاره انه غير عايشه ومتونسه ليش مااتمناله الفرحه ضليت اعيد بأحلى لحضاتي وي هاني انه هذا زلمتي يسوه الف كل بنيه تتمناه ليش انه افكر تعوذت من الشيطان ورحت غسلت ارتاحيت وطلعت

سلمت عليهم وكملت شغلي

البنيه من اول يوم رادت تساعدني گتلها لابعدج عروس انوب لاحگه ع الشغل

جعفر ..

أول مره تدخل ريم ومااهتم الها ولاگلبي رف وحته بسلامي سلمت عادي كل مره احاول اخفي نبرة الحزن الي بصوتي

وعيني على دلال كل حركه تسويها الگه نفسي اراقبها

مر اسبوع واحنه نفس مااحنه

ويوم عن يوم تكبر بعيني .

صار الوكت الي لازم اطلع اشوف شغلي

بساتينه گيعانه

رحت للكنتور

طلعت ملابس الي ولبست دشداشه نيلي

وجماغ ابيض وگفت ع المرايه اعدل بالعگال

شفتها تباوعلي ومبتسمه يمكن ماتدري انه اشوفها

بداخلي فرحت گلت يارب افتح گلبي الها

حبيت احاجيها گتلها دلال

..ها گالتها بفزه

..گتلها ليش خفتي

..لا ماخفت بس چنت صافنه

..أبتسمت بيمن صافنه

..هيج چانت هاي اللقطه بالنسبه الي حلم

..رفعت حاجبي يالقطه

..اشوفك وانت تعدل عگالك

بدون وعي رحتلها رفعت وجها وبستها براسها حسيتها رعشت بأيدي

كتلها تعالي رشيلي العطر..

ؤ شويه ودگ عليه التليفون

..الوو

..هلا كاظم

..هلا بالعريس ولك بذات ماذكرتني جاهيج العرس حلوو

..عيني عليها گتله اي يخبل

گلتها واني اغمز الها شفت خدودها صارن حمر

..جاخوش كون يخبل بالعافيه عليك

جعفر بروح جدك تره الشغل ثگل عليه واكو حسابات مااعرفها انت تعرف بيها اكثر اطلبلك مهله من المره وتعال وسمعته يضحك

..ضحكت گتله افا انه اطلب مهله شنهي تقصد بعد مااگدر اطلع بكيفي

..انه ادري عنك جا غير صارلك اسبوع ماطالع

ولارافع تليفون عليه مخليني هيج اركض منا ومنا

ضحكت گتله حگك عليه

انتبهت الروحي حجيه صحيح انه الي اسبوع بس اراقبها وعيني منها ومااريد اطلع بس ارد اشوفها

گتلها انه اطوول اليوم اخذي راحتج مو تستحين عمامج همه

چنت احاچي زلوفها بلمسات أديه

تعاركن ع الزلف يسراي ويميني

وچانت بلمسات ايديها الدافيات

تگلي كل دگات گلبك تشتهيني

گتلها اليوم اتأخر عليج اخذي راحتج

ذوله عمامج

اخذت سويجي وطلعت

طلعت وانه مرتاح

رحت للگيعان وشفت كاظم

مناك رحنه للسوگ گعدنه بالمكتب

عدنه حساباتنه وضبطناهن خلصنه وطلبنه جاي

وانه اشرب اجت صورتها ابالي شلون صافنه ومبتسمه وانه اعدل گبالي بدون ماادري ابتسمت

كاظم گلي

..يتهنه الماخذ عگلك ولك ماشايفك هيج من زمان بربك انت مرتاح هسه

..والله چني بديت ارتاح

..يا الله الله يريحك دوم بعد اخوك

..تسلملي الغالي

ضلينه نعيد الحسابات وجان يوم كلش متعب الشغل اخذ وكتنه الحد الليل يله رجعت .

دخلت سلمت على اهلي اباوع اريد المحها ماكو ماشفتها .

دلال..

من شفته واگف يعدل بعگاله سرحت بجماله

حمدت ربي وشكرته جنت اتمنى اشوف هاي اللقطه

والله حقق امنيتي سألني وگتله البگلبي شفته اتوجه علي باسني براسي جسمي ارتعش وگلبي حسيته يريد يطلع من الفرحه

طلع وانه من فرحتي احتاريت شسوي

غسلت ونزلت نضفت وي ريم وغسلت الحوش جان الجوو بارد حيل انه ماحس ابرد جنت دفيانه وانه اتذكر نضراته اغسل والعب بالماي مثل الجاهل لمن صاحت علي عمتي .

..يمه دلال لاتتمرضين كافي الجوو برد

..اي عمه جايه رحت كملت شغلي وصار وكت الضهر

خلصنه غده وجعفر ماكوو انه عيني ع الباب وكل حركه بالباب يفر گلبي وياه .

صار الضهر واجه وكت العشه وهوه ماكو صح گلي اتأخر بس مو الهذا الوكت گلت يلعب على اعصابي حسيت بجسمي ضعف ونحول صار عندي بلاعيمي گوه ابلع ريکي منهن اهوو انشلت استحي اگلهم على دوه وانه ماعندي خل اصبر صارت ساعه تسعه حسيت بروحي قفلت وارجف رحت ادفيت بفراشي ونمت وانه ارجف عيوني غمضن غصبا عليه تمنيت اتلگاه

جعفر..

رجعت شفت اهلي بس هيه ماكوو ادور عليها صعدت للغرفه فتحت الباب لگيتها نايمه .

ضجت حيل انه ابالي تتلگاني جاي تعبان اول يوم اطلع الگاها غافيه ضجت حيل بدلت شفت وجها وملامحها وهيه نايمه تمددت وصفنت عليها

شكلها حيل غراني رحت گعدت على طرف الجربايه شلت خصلات شعرها الجانت على وجها .

شفت شفتها ترجف جستها لگيتها نار مصخنه

حيل توترت كشفت الغطه عنها چانت لابسه تور قصير لون جويتي جسمها ابيض شفاف بلعت ريگي مااعرف شنوو حسيت صخونتها نار شسوي احتاريت حيل خفت عليها .

ضليت اض*ب خدها على كيف بجف ايدي

..دلال دلال شجرالج يابنت گعدي ماگعدت واسمع بس ونينها نزلت سريع وحيل مرتبك ماادري عبالك اول مره اشوف واحد يصخن لاگتني امي هايمه خير شبيك

..يمه دلال مصخنه نار محد يدري بيها منكم

..عرفتها راح تتمرض بالك عليها للصبح اخذها للطبيب

..أن شاءالله ..أخذت مي وخاولي وياي وصعدت بصعدتي لاگتني ريم مااهتميتلها ارد ادخل للغرفه وصاحني هاني

..جعفر وينك اليوم كملت شغلك شني هذا البيدك

..نسولف بعدين ع الشغل يرادلها گعده طويله

والبيدي ماي وخاولي دلال لگيتها صايره نار

..ها خل تشرب علاج يمها العافيه ان شاءالله

وصلت يمها اباوع عليها وكلي لهفه مااعرف شنو الشعور البيه .

ضليت اسويلها كمادات واسمعها تهلووس

احبك جعفر والله احبك

كل السويته علمودك

حجاياتها حيرني شمسويه هيه عدها شي غير المصيبه السوتها من اجت شاف*ني حته هذي لو مو ناصر وعگله الزغير ماتسوه طلابه اني ابن عمها

گلت اكيد تهذي ضليت اض*ب بيدي على خدها على كيف كل ماتصيح جعفر احبك أگلها يمچ انه يمچ

دلال دلال گعدي يمج انه .

كل مااطخ جسمها بالغلط تصير رعشه بجسمي كله

گلت هسه انه من بده مزاجي يرتاح البنيه تمرضت

كل هاي الكمادات وماتخف حرارتها وزاد رجيفها وانه منا گمت مااتحمل جسمها تمنيت احضنها اشمها

كلشي بيه جان رايدها معقوله انه حبيتها لو جسمها غراني وماسيطرت على روحي شلت التفكير من بالي ماردت افكر بشي ردت اسوي الي حاب اسوي افتريت من الجها الثانيه ولفيتها بحضني وانه حيل مرتاح جانت رجفتها تموتني .

ضليت اراقب بيها الحد ماتحسنت ونمنه واول مره انام وكل هاي المشاعر عندي خوف بداية حب اصرار

صارلي هواي اني خالي من اي شعور غير التعب والهم .

حمدت ربي ونمت

دلال..

گعدت بعدني مافاتحه عيوني احس بجسمي ملفوف لف احس بنفس قريب عليه گلت انه اتحلم ارد اصحه من نومي فتحت عيوني لگيته يمي

احساسي مااعرف اوصله ولااحد يحس بي

انه نايمه بحضان جعفر .

بقيت جامده بمكاني صفنت عليه اريده مايگعد من النوم مستعده ابقه بحضنه واگطع حته النفس الحد مايگوم اريد ابقه دوم هيج وياه ضليت اتأمل ملامحه شجاني كل يوم الگه روحي غارگه بحبه اكثرماادري نهاية هذا حبي موت لو نجاة بگد مااجن ابالي لحضات حلوه مرن عليه المو زينات خفت يتركني لو يسوي بيه نفس ماسوه يوم العرس خلاني اسلم روحي اله ورفضني بدون مااحس لگيت دموعي على خدي .

جعفر..

گعدت فتحت عيوني لگيتها يمي فرحت من داخلي

ركزت زين شفت دموع بعيونها

..صباح الخير ليش تبجين بيج شي يوجعج شي.. يله گومي اخذج للطبيب

..مابيه شي زينه صرت احسن ارد اگله شجابك

يمي بس استحيت

..امس بالليل طبيت لگيتج ترجفين سويتلج كمادات مافاد بقيتي ترجفين خفت عليج وحاولت ادفيج

گلتهن وشوف وجها صار احمر دم

بداخل نفسي گلها خفت عليج گلها گوه لزمت روحي عنج هواي اشياء ودي اكولها بس ال**ني نربط

..شكرا الك تعبتك وياي اعذرني ماادري شجرالي

..ليش تعتذرين واجبي هذا انتي مرتي مو غريبه وخلي بالج من نفسج هسه تردين ترتاحين لو اخذج للطبيب .

..لا هيج مرتاحه صرت زينه گمت غسلت بدلت بس احس الصخونه بيه والرجفه

حسيته انتبه عليه

..دلال حضري روحج امشي نروح للطبيب لاتعارضين الليل كله تهذين ادرايج يوم واحد وراها ماكو شي يلزمني لارجفة جسمج ولا ال**نج اليهذي گتلها وانه اضحك شفتها ارتبكت .

..انه شهذيت فلك طرني شخربطت

..ضحكت گتلها ماگلتي شي بس تغزلتي بيه وغمزتلها

شفت خدها صار احمر

..يله دلال امشينه

نزلت ع الدرج لگيت هاني متحضر وياه ريم

گتله تريد تطلع گال اي رايح للطبيب ارد اخذ ريم مالها خلگ گتله جانمشي سوه لو انت روح بسيارتك وانه بسيارتي خاف اتأخر عليكم

..ليش انت شعندك

..دلال مريضه ولازمتها نفاضه

..يمها العافيه ان شاءالله

يله خل نمشي

رحنه وكل واحد منه اتجه على طبيبه

دلال انطوها علاج وضحكت عليها من شافت الأبر مثل الجاهل تريد تبدلهن شاف*ني صافن ومبتسم عليهه يمكن خجلت واقتنعت تاخذهن

طلعنه لاگاني هاني وحده

..گتله خلصت تروح لو بعدكم

..گال لا بعد منتضر النتيجه

..خير ان شاءالله گلتها وانه مااعرف شنو جيتهم مو ابالي اصلا

اخذت دلال وطلعنه الطريق كله وانه اتنوع الها من المرايه هالبنيه خربطتني .

..دلال أني اسف لاتاخذين عني نضره على الي صار تره مجبور سويت هالشي حته تعرفين انه شنوو انه مااحب واحد يفرض علي شي وانتي تعرفين ضروف زواجنه حجيت وشفت الدمعه لمعت بعينها روحي فارت گتلها ها شو ماحچيتي هيج انه مأذيج

..گتله وانه مخنوگه لا جعفر ليضل ابالك ولاتتأسف انه اتأسف على كلشي انه الأسفه بس وسكتت

..شبس دلال احچي شفت دموعها نزلت ودي احضنها اشيلها افتر بيها اگلها والله هذا گلبي المات انتي الحيتي عبالي مايحيا بعد بس وياج غير ليش كلشي بيه تخربط من اشوف دموعج سكتنه شويه اثنينه بگلوبنه حجي .

دلال انتي تعرفيني زين لو لا

..تن*دت گتله اعرفك اكثر من روحي جعفر

..احترگت روح جعفر جاليش تبجين مو شلعتي گلبي

..خليني هيچ ارتاح انتبه للطريق جعفر گلتها وانه جروحي كلهن صحن كل وجع بيه زاد تذكرت لهفتي علي روحي المفرفحه على شوفته قا**هن ابرود منه وجفه يمكن نسامح النحبهم وننطيهم العذر بس ماننسه جروحهم وتأذينه اكثر من جروح غيرهم

مااعرف بذاك اليوم شجاني دموعي عبالك مسجونات وان*دن .

جعفر .

من شفتها هيج روحي فرفحت خرب روحي ليش انه هيج وياها ليش اترك اليحبني واركض على شخص غيره وصلنه للبيت سلمت على امي وابوي سألو على هاني گتلهم گال الحگكم اشرتلها گتلها صعدي ارتاحي

بقيت شويه وصعدت وراها

دلال من وصلنه وانه تعبانه بس بگد الألم البروحي اكوو فرحه حسيت بي رايدني بعد الي وصلتله مااستسلم ابد جعفر الي ويضل الي

غسلت بدلت تعطرت واتمكيجت وضليت متانيه فتحة الباب

جعفر

ضليت مهموم وروحي طالعه من روحي يمكن قسيت عليها بس جان تصرفي صح انه ردت افهمها مااخذها لمن انه يعجبني مو مجبور عليها

واصلا متعجب من روحي ليش اضوج عليها واميل الها بهذي الفتره القليله هواي افكار ابالي وماكو شي محدد

صعدت فتحت الباب لگيت الضوه طافي وباقيه اضائه خفيف دخلت لگيتها واگفه ع المرايه تعدل نفسها .

من شفتها هيج سرحت بشكلها

..گتلها هاي شمسويه وانه مبتسم

..مامسويه شي شسويت گالتها بدلع

..لا ابد كلشي مامسويه بس شعلتي روحي شعل

..هاي انه

..لا ابوج ولج دلال انه گوه تاركج اگول مالج حيل وانتي تعبانه ومريضه عليش تحرگين موتاي

وين اولي انه.. رحت يمها عطرها يدوخ

أشتعلوو اهلج على هالعطر ولج وتاليها اليوم اگضيها اشوف واتحسر گلتها وانه اضحك واغمزلها

دنگت وهيه خجلانه انوب هاي حركتها وخجلها تسودني اكثر

..تصبح على خير جعفر

..وانتي من اهل الخير هوه ضل خير بيها احتركوو اهلج واهلي على هالسالفه وين انطي وجهي هسه

..ضحكت بيني وبين نفسي لفيت راسي وسويت روحي نايمه گتله مو هينه انه بس غير مربطه بحبك هاي عقوبه زغيرونه ع السويته بيه

جعفر ..

حاولت اسوي روحي مامهتم وهيه ماراحت من بالي وانه اتگلب اريدلي حجه اروح يمها ماكو اخذت جگايري ونزلت جوه

لگيتهم فرحانين وهاني وجها يضحك وريم هم حيل فرحانه امي ابوي

..جعفر ولك منتبه الروحك انت

..انه شبيها روحي

..مابيها بس صاير ماتنشاف مگابل غرفتك وگاعد

..يخوي ماتعوفني هاني بربك لاتنصب علي مااتحمل اليوم أجلها الباجر بعلي البيه كافيني

..هاا شبيك خويي ياهو الغاثك

..مابيه سوالف يطرن على بالي لايضل ابالك

..جاخوش على طاري السوالف وانت عندك شي مضوجك ولو عيونك مايگولن هيج يحجن ع** ال**نك بس ميخالف تستاهل اگلك هالخبر

..ياخبر

..مب**ك عليك جعفر راح تصير عم

..الله عليك گلته

ا بفزه حيل فرحان ودي اطير من الفرح

..اي والله راح تصير عم واذا ولد اسمي جعفر على اسمك

..الله يتمملكم على خير ويرزقك بالولد الصالح

..تسلم يوم الألك

حيل فرحتله ريم گمت من اسمع بأسمها عادي ماكو اي شعور بداخلي

هاني ..

احلى يوم بحياتي فرحان كلش شكيت بحملها

من شفتها متوتره بالعرس وشكي جان بمحله

الف الحمدلله راح يجيني طفل من الأنسانه الي حسيتها هديه من الله الي اتمنى من الله ينطيني العمر واشوف جهالي واربيهم ونعيش احلى عيشه

ريم ..

من دريت بروحي حامل طرت من الفرح وكل مااشوف هاني وفرحته احمد ربي واشكره

رجعنه للبيت عمي تباركلي ودعالي وعمتي فرحتها ماتنوصف ضل ابالي بس جعفر مااعرف فضول مني گلت اذا يدري شيسوي سمعت هاني گله وهوه حيل فرح معناها شالني من باله لو بعده يحبني جا ضاج وزعل انه هم اشيله واخلص رجلي مايستاهل افكر بغيره

ام مالك بدت عدها حركات العجايز وكل شغل البيت تذبه على حوراء من خامس يوم عرسها ذبت كل الشغل عليها ومنا هيه عروس وتتعب ناصر يشوفها بس مايگدر ينطي بأمه بينه وبين نفسه ماراضي على الجاي يصير والشي العجبه بيها ماتشكي ابد

كاظم فاتح اهله وخطب البنيه ومنتضر منهم جواب

مريم صادق ابن عمها رادها وهيه وافقت بدون تردد جانت تحبه بس من بعيد ممتواصلين بأي شي چانت تشوفه صدفه وتتمناه الها

جعفر ..

بقيت بذيج الليله بره فرحان الهاني وفرحان بدلال والنعمه الي الله انطانياها بس جنها بدت تلعب بأعصابي وانه اموت على هذا اللعب .

يتبع ..