بارت 11

2852 Words

يله عذريهم يروحي واحنه حبينه العلينه باچر اطير الحمامه بلايخوف وترجع الوادم حنينه دلال.. الليل كله مانمت افكر ليش انه حبيت شخص ماشايفني ليش اليحب يتعذب والله كلشي سويته جي احبه ادري انه غلطانه بس مو بيدي حبي اله خلاني اتخبل صار كل عقلي يمه اريده وبعد ماريد كلشي مااريد منه حب بس اريده يتقبلني احبه وادري بي يهوه غيري انه حاسه بعذابه بس هوه مايحس لو يحس ماخلاني وراح بدون مااشوفه انه اتحمل عواقب حبي واختياري وشمايسوي بيه ابقه احبه واطيعه ومنتضره اليوم الي انام بحضنه شوكت يتحقق هذا اليوم اصير اسعد انسانه. جعفر .. رجعت وجني ماعاقد ماكو لافرحه ولا اي شعور يمكن گلبي مات واختفت كل مشاعري بس ليش گلبي ينعصر من اذكرها ريم ياريت مامتعرف عليها شسوي حته انساها گاعد افكر واسمع ضحكهم وصوتهم عالي كل ضحكه اسمعها رصاصه بگلبي صارت .. شمالني وبسكوت رحتي هي قسمه..الماخذج يتهنه بيج بس احسنچ قسمتي اووف من احساسي هذا كل ماأگول مات يرجعلي اقوى خليت ايدي ب*عري وسحبته الي وره حيل تنفست قوي وگلت احسن شي انام تمددت جبت المخده خليتها على راسي وغطيت حته اذني مااريد اسمع شي وكل هذا ومانمت للصبح اتگلب تگلب ..مشتاق الهفتها ذيج مشتاق الصوتها مشتاق الأسمي اسمعه بصوتها والله هاني غالي واغلى من الهوى والله مو قصدي اخون مو بيدي غصبا عليه 1 ودتني خطواتي الوين كل الشوارع خاليه كل الوجوه تغيرت حته الحبيبه الغاليه غصبا عليه افكر بيها كابوس صارتلي ريم جانت احلى حلم صارتلي كابوس..شلون افكر بيها وهيه حلال اخوي الله يعينج يروحي شتحملين . ثاني يوم الصبح رحنه ومشينه ابوي گلهم فكوها الخاطر دم الشهداء الولد واگف ع الساتر يحامي عنكم وعنه تحرمونه يعيش ايام حلوه ليش هاني گلهم والله سبع وشجاعته وقوته هيه الخلتني اساعده الينطي مره مايندم علاء سبع واخو اخيته ضلوو شويه يماطلون والكل مقتنعين بس الناهي گتله من رخصتكم احجي گتلهم البنيه ماتنجبر على شي الله مايرضه ب**ران خاطرها النهوه شنهي من ناهي عليها تاخذها انت حته لو اخذتها تگدر تاخذها وهيه مارايدتك الله مايرضه بيها والولد حاط دمه بشيشيه ومتمسك بيها . اجينه نطلبها منك طلبه اعتبر نفسك اخوها ابوها وجايين نطلبها منك على سنة الله ورسوله ليش هالعادات متمسكين بيها يعني تقبل تعيش بجحيم انت وياها البنيه مارايدتك فكها الوجه الله وامامك علي لا الله ولا رسوله ولا ابو الحسنين يرضيهم الجاي يصير السيد هم حجه ويانه اخر شي وافق الرجال وگال الخاطركم النهوه طاحت .. طلعنه فرحانين حيل وحسينه مسوين انجاز رجعنه للبيت وهاني حيل فرحان وبشر الولد انه من يمي فرحتله . ضليت افكر بهاي سالفة دلال وشلون تاليها گلت انه بت عمي ماعوفها بس انه احطلها حد اول. وانه افكر وارجع اگول والله ماتحلالي مره غيرها ريم شلعت گلبي وراح تضل دوم وياي صارتلي مرض مزمن انه اتگطع بس هيه مو يمها لهفتها على هاني غير وانه هم مااخليها تشوفني بس اراقبها من بعيد وادعي الله يسعدهم وينسيني حبي الوحيد گلت بلكي وي دلال انسه ماكو غير اتزوج هسه حته بالي ينشغل . نزلت الأبوي وگتله بويه انه اريد العرس الشهر اليجي بلغ عمامي وخل امي تحضر روحها كيف ابوي وگال الله يهنيك وليدي الله يعوضك خير صحت هاني واجه وسولفتله گتله على اجازتك الجايه انه اتزوج انتضر جيتك ونسوي العرس هم فرح وگلي خاف اتأخر عليك ..اتانيك العمر كله خويي فرحتي مااتم بدونك ولو ماكو فرحه بس هوه بعد عرس ..ليش خويه انت مارايدها ..هاني انه مو ابالي العرس كله لا رايدها ولا رافضها بس الموقف الي نحطيت بي صعب مو انه الي انجبر على شي هيه ماجبرتني بس الضروف جبرتني اوافق حته احميها ..جعفر لاتضلمها وياك تحميها من اهلها وانت من هسه كارها حمايتيش هاي ..هاني انت تعرفني انه مااضلم بس روحي اكيد راح اجي على روحي ومااحسسها بشي بس مو گبل مااسوي البالي . ..الله كريم خويه الله يسهلك سمعت بجعفر راح يتزوج وعادي عندي يمكن شويه حنيت بس ماضجت يمكن جي ادري هوه مارايدها مدري جي انه گمت مااشوفه ماعرف عقلي مو صافي 3 دلال.. احلى خبر سمعته بحياتي وضليت اتخيل شكله واتخيل انه بحضنه اتخيل عيشتي وياه واخيرا حلم عمري راح يتحقق بيومها مانمت للصبح رحت بغير عالم وادري بي مارايدني بس عندي وجوده يمي كلش كافي جعفر.. طلعت بالبستان انه وكاظم والولد وبلغتهم بالعرس عمي هم گايل لبوي گايله هوه وناصر عرسهم سوه يصير نفس اليوم گتله عادي ماهتميت . ضلينه نفتر انه والولد وكاظم ادري بي عاجبته وحده وگتله لاتنتضر اخطبها لاتروح من ايدك وبعدين تتندم نسولف ونضحك انوب تذكرت هاني وگلبي انعصر يارب دخيلك مالي غيره هاني عفت روحي لجله ربي لاتحرمني منه . حسن اخوي گلي جعفر شبيك وين صافن گتله بالي يم هاني تره هوه بالمتقدم بس اهلي مايدرون گالو لاتخاف عليه هاني سبع الله ينجي هاني .. رجعت للدوام والوضع تعبان وماتسمع غير الهاونات والمفخخات الي كلساع تنفجر البيوت المدارس كلها مفخخه من غير القناصين گمنه نتقدم بحذر وناخذ مسافات قليله نأمنها كلش يله نتقدم حته نحافض على ارواحنه واسلاحنه بالحرب وانه بالي يم اهلي وريم مشتاقلهم مريتي حيل مشتاقلها ضلينه نتراسل انه وياها وصرت ماانام اذا مااسمع صوتها صارت كلشي اليه ودنيتي كلها . وجعفر هم شاغل بالي خاف يتزوج وهوه مامرتاح بس جعفر سبع ماينخاف عليه ريم . حسيت بفراغ كلش جبير وتذكرت شلون من اجه وقدرني گلي حضري نفسج نروح لأهلج راح وترس بيتنه هدايه ومسواگ وحب ابوي براسه وامي سلم عليها بكل احترام حيل كبر بعيني وشفت الفرحه بعيون اهلي ماادري الله عوض اهلي بهاني عوضهم عن الحرمان كل اسمهم الفلح محد يسمي ابو ابو حمود كل القريه تصيحله صيهود الفلاح يمكن عدالة ربي خلت الفلاح يناسبه الشيخ ومو نسبه عاديه يقدره ويحترمه ماحسسني يوم انه هديه اله وبت فلاح وفقيره بالع** يحسسني انه هديته من الله اشوفه شلون ملهوف وفرحان صح جنت احلم بجعفر والهسه احن الأيامه بس هاني حبيته صارت بينه مووده واريد من الله يحفظه الي . بده جعفر يحضر للعرس وجهز كلشي واختار كلشي مثل مايريد اختار الغرفه من احلى الغرف وجهز كلشي يجهز وهوه باله انو مايضلمها مهما يكون بت عمه بس بعد اكو غصه بگلبه وهوه نفسه حاير مايعرف جي دلال خلته بهيج موقف لو هوه بعده ماناسي ريم ومايحس بلذه وفرحه للعرس ..بينه وبين نفسه گال الله يجبر بخاطري والخاطر الله انه مااقصر وي دلال بس هم ماافوتلها الصار واشوفها هيه تحبني من صدگ لو حب مراهقات وورطتني وياها . مرت فتره على هالحال الى ان صار موعد العرس وجانو مجهزين كلشي منتضرين بس هاني يوصل هاني بلغوهم فوجهم يتحرك للموصل اتحركوو وهوه ممبلغ اهله خاف يقلقهم وهمه يحضرون العرس اخوو جان يتقدم هوه والجنود ويسولف ويضحك مايتعامل وي الجنود بعنجهية ضابط وهمه جنوده لا جنهم صدقانه واخوته يسولف ويگل العلاء شوكت العرس گله سيدي بهاي اجازتي وادعيلك ربي يحفظك ويهنيك وينطيك خير الدنيا والأخره يمشون وهمه مضحين بكلشي الوطنهم والضحكه ماتفارگهم . وهمه يمشون سمعوو صوت ناصي ومتعوب صوت ام گلبها متگطع على ابنها تريد تخلصه من بين الأنقاض بس الحيل خان بيها جسمها خاوي من الجوع والتعب والخوف هذا الباقيلها من عائلتها ماتگدر تخلي ولاتگدر تطلعه سمعوو الصوت ركزوو منين يجي الصوت عرفوو الصوت يجي من البيوت الي مقابيلهم بس كلها انقاض وميكدرون يحددون منين بالضبط هاني بتركيز منه وحذر عرف مكانها واتحرك بكل شجاعه لگه حالتها تعبانه وراسها مكشوف نزع قميصه العسكري وگلها خيتي غطي راسج بي وابنج انه اطلعه . الجنود تخبلوو سيدي تعال احنه نطلعه البس الدرع سيدي لاتخاطر بنفسك يصيحون ويردون يوصلوله ميگدرون جان اكو قناص يحاول يعيقهم مابقه بيدهم بس ينبهونه ويصيحون وهوه باله مو يمهم كل تفكيره يم الطفل وشلون يطلعه جر الصخر بيده وصارت كلها دم من جفه الي تشگگ ضل يحفر شويه شويه الحد ماطلعه شاله وخلاه بحضن امه جان الطفل بحاله صعبه وامه منهاره متعرف شنو تسوي ولاشلون تتحرك باوع للطفل شاف رجله تنزف تلفت يمنه يسره مالگه شي يشد رجل الطفل علما يسعفه ويوصله للمفارز الطبيه مابقه بس فانيلته الداخليه نزعها وايده مليانه دم وتنزف بس جان نزيف الطفل ومنضر امه يوجعه اكثر مافكر بأيده كل تفكيره شلون ينقذهم . جان حيل مقهور وغيرته ماتسمحله يشوف عراقيه بهالمنضر شافها م**وره . گلها خويه گومي اخوج انه ..گلنله مااعرف شلون اشكرك واجازيك ..واجبي هذا انتي اختي اكو اخت تشكر اخوها على حمايتها ..ونعم منكم الله ينتقم منهم الي وصلونه الهالحال ..الله كريم خويه الله يستر عليكم ويقدرنه على حمايتكم . حاول يطلعهم شلون والمكان مسيطر علي قناص داعشي قذر يحاول يمنع اسعاف الأبرياء حته الأطفال مخلصوو من فكرهم القذر فكر شلون يطلع نزع الخوذه وخلاها ع الرشاشه حاول يرفعها شويه شويه من بين البيوت والأنقاض حاول يوصل فكره للقناص انو اليتحرك جندي رفعها حركها شويه انض*بت الخوذه . باوع عليها بحزن گلها الضاهر تحاصرنه بهالمكان خويه حاولي تنتبهين للولد لاتحركي زياده خلي على مستوه واحد لأن مبيين عنده **ور وخاف حالته تتأزم شافها بچت صعب علي الموقف وغيرته ابد ماسمحتله يشوف هيج منضر گلها خويه دموعج غاليه ليش تبجين هسه ابنج بحضنج وانه اطلعج بس تجينه امدادات واني اتصل بالضباط واخليهم يعالجون القناص ..اخويا اني ورطتك اكيد وراك زوجه وجهال وام تنتضرك بسببي انت هسه باي لحضه ممكن تموت ..لا اطفال ماعندي متزوج من اشهر بس شفت حالتج والطفل تخيلت مرتي وابني بهالموقف اي عراقي غيور يسوي السويته واكثر وهذا واجبي انه هنا الحمايتكم انتو اخوتنه شلون تگولين هيج صفن واباله اجت هذي الأبيات الي عجبته ومن سمعهن حيل تأثر بيهن وجانت عنده فرصه ينقل المكان أمن لكن غيرته الي خلته يروح للجبهه ضل يرددهن الأبيات. ذبوو شيلتج ودموعج يهلن بيچ شيوخ چانو گبل والهم رن الكله زادچ يموصل شو مشه وخلاج وعجايز بالجنوب اعليج مايرضن من حشم السيد صاح ها يولاد هايولاد علگ بزنودنه من شيالهن شدن أذا موصل تفرع بعد ماحاچيك وأگص حته الثدايه اعليك اذا درن 3 سمعت ابياته وبچت شگد حاولوو يفرقون العراقيين گدروو يوگعون بعضهم بس العراقي الطاهر ابد مأثرت بي خطاباتهم حلوو من تشوف شاب بعمر الورد يضحي بنفسه الأنسانه مشايفها ولايعرفها ولايعرف نيتها شنوو وياه مخله اباله احتمال ممكن تأذي او انو هيه متستاهل الشي الوحيد الفكر بي هوه انقاذهم على احساب نفسه وهيه عراقيه وغيرته متسمحله يتركها بهيج حال الجنود يتواصلون وياه وحيل خايفين شلون يتركونه بهيج حاله محاصر بين الأنقاض الضابط الي جان اخ الهم وسند شلون يتخلون عنه حاول شخص منهم يشغل القناص وبده ينفذ خطه اله وبلغ الباقين يبلغون الضابط ينسحب بده يستدرج القناص ونجح باستدارجه جان الجندي اكثر بطوله وذكي گدر يتلافه رصاص القناص وبفضله هاني گدر يطلع من بين الأنقاض عبر ام الولد واخذ الولد وعبر وصل يم الجنود الي متحصنين بمكان امن وره فتره وصلتهم الأمدادات ونقلووهم للمفارز الطبيه . الجنود حيل افتخروو بقائدهم من شافو ص*ره عاري وقميصه مغطي راس اخته العراقيه . جان يوم كلش متعب الهاني وللجنود وره هذا اليوم بلغوهم بالنزول نزل هاني والكل منتضره حته يبدي العرس .. لهسه وماعشگت اعليك وأنت الطوگ والمحبس يطير الماي يانورس أغنيلك ..شغنيلك أغني شلون وانه اخرس اجه موعد العرس وهاني وصل والكل فرحان وتحضيرات العرس ماشيه بصوره صحيحه الا اني گعدت جن عندي يوم عادي خالي من اي شعور .. من شفت فرحة اهلي فرحت قبل ايام وهمه يحضرون وفرحانين اكثر مني . حسيت بفرحهم وفرحت وياهم واكو شي تحرك بداخلي حسيت احساس العريس بس مااعرف نفس احساسي هذا لو جنت ماخذ الأحبها صفنت وي نفسي وگلت اكيد مونفسه ولانفس الأحساس اذا اني چنت رايدها ومختارها حته لو بدون حب مااعرف جنت بحيره من امري اني نفسي مااعرف شنو شعوري . يراد اثبت موقفي هذا وضعي مو عاجبني ابد مااحب نفسي من اكون محتار اريد ابقه ثابت بكل قرار اكو صراع داخل نفسي يارب ساعدني يارب انطيني القوه الهي حررني من حب البشر خلي گلبي مشغول بحبك يارب مالي غيرك.. گطعت افكاري دكة الباب منو ادخل ..انه يبعد امك وينك ليش اليوم متأخر للضهاري يوميه غباش جا اليوم جي عريس ..يمه حبيت ارتاح شويه وانزل ..اي يمه عمومتك واخوتك متانينك ..تدللين يمه نازل نازل نزلت شفت الكل مجتمعين سلمت عليهم كلهم شفت الكل فرحان خواتي امهاتي واخواني ابوي اباوع بالوجوه الكل مبتسمه بداخلي اتمنيت ربي يدوم الفرح الهم ربي الخاطر اليحبوني انطيني القوه حته اسعدهم شفت خواتي بس حوراء ماكوو گلبي حن الها حوراء اليوم عرسها سألت أمي ..يمه حوري بالبيت اريد اشوفها ..أي يمه شويه وتاخذها امها للصالون حوراء اختي من ابوي بس روحي بيها ..جاخوش يمه انه رايح اشوفها رحتلها طبيت شفتها متغيره حليانه بوجها فرحه تمنيتها تدوم الها بستها من گصتها ..حوري اي شي تحتاجين انه موجود انتي عزيزه وضلي عزيزه زلمتج اسعدي لاتتجاوزين حدج وياه ولاتخلينه يدوس حدج خليج عزيزه نفس ومحترمته اختي اختي ماوصيج بالي يمج وماگدرت اكمل يومي بدون مااسلم عليج ..فدوه اروح الطولك بعد اختك وگلبها ربي يسعدك ويهنيك ويرزقك بالولد الصالح دومني عزيزه بزودكم .گلتها وانه مختنگه ومالزمت دموعي اخوي جعفر اخو گلبي اقربلي حته من اخواني الي من امي وابوي والي گاعدين وياي هذا طبع اخوي نسمه ماصبرت وبجيت من حاجاني بجفوفه مسح اديني وباسني براسي ..لاتبجين خويه يمج احنه مو بعيده واي شي تردينه احنه يمج .مثل ماوصيتج عينج على زلمتج وصيري معتبره اريدج مثل مااعرفج . ..ان شاءالله خويه طلعت من يم حوراء مهموم فوگ همي اجاني حمل فوگ حملي ناصر مو مال حوراء بس شسوي ماردت اضلمها وگلبي خايف منه يأذيها وينشلع گلبها وياه .. رجعت للبيت وي طبتي وصارت عيني بعين ريم عيوني حچت كلشي يوميه اتحاشاها بس هالمره طولت وهيه هم ماشالت عينها مني ردت اگلها لهذا اليوم وانه ماناسيج مرات العيون توصل الكلام ابلغ من اللسان عشگ طاهر عشگتك مو عشگ مجنون عشگ مؤمن يخلص الليل يدعيلك الله يسعدج ويسعد اخوي وياج الله يعوضني خير ويخلصني من همي البگلبي شگد ابقى اكابر لشوكت اضغط على نفسي لشوكت ابقى على هالحال شنو الينتضرني مااعرف .. ريم .. من گرب العرس حسيت بضيق مااعرف انانيه مني انه اعيش حياتي طبيعيه بس من هوه راد يتزوج ليش انه مقهوره انه اصلا نسيته ليش ضايجه اليوم كله وانه متوتره ومتعصبه واريدلي حجه حته ابجي . معقوله بديت اشرب من الكاس الشرب منه معقوله بديت احن بس انه ماجنت اعرف هوه هيج متأذي علي الا لمن اجيت وشفته شفته مو جعفر الأولي . انه افكر وابالي مية حسبه وطب علينه جعفر صارت عيني بعينه اول مره ماانزلها ردت اشوف شنو احساسه حسيت نضراته بيهن عتب وحب وشوگ نضرات بيهن ان**ار من بقيت اباوعله ومانزلت عيني شفته نزل عينه ودار وجها على هاني وگعد يمه خله ايده وره ضهره وجره باسه بخده حسيته يگلي شگد ماجنت احبج اخوي اغلى منج ضليت احرگ بروحي ومااعرف لو طبت مرته شيصير بيه شويه وصاحني هاني غزالتي شبيج مو على بعضج گالها وغمزلي ..لا ماكو شي تعبانه ..يله هوه بس اليوم الله يساعدج والبنات كلهن وياج بس تخلصين ارتاحي ..ان شاءالله ..ريم معقوله محد مزعلج .لا محد هاني لاتلح وياي مابيه شي ..هاا انه الح وياج ..هاني مو قصدي والله گلي اش خزرني حيل وأيده على شفته أش اش بعدين نسولف انتي مو مال واحد يحجي وياج مچبرته ومنا انه جدحه خلينه حبايب احسن لايصير غير حجي انوب من گالي هيج تعجبت اول مره هاني هيج يتصرف وياي يمكن انه طوختها بس مو بيدي گلبي بي نار شابه . هاني .. اشوف ريم مو خاليه بالها مشغول حته بجيتي البارحه ماحسيت بلهفتها شبيها مااعرف منين ماريد اخفف عنها تصدني حاجيتها وردتلي بنتر گوه ضبطت اعصابي وگتلها اش خفت لاافقد اعصابي وعيب من جعفر اول مره تفور دمي طلعت دخنت واجاني جعفر من شفته نسيت كلشي اخوي عريس وانه افكر بريم ياريم ياابوها اليوم يوم جعفر وبس. صار العصر وبدت الزفه جابوو العروس وجانت گمر كل اليشوفها يتعجب من جمالها دلال.. من اجه بالزفه انه بغير عالم مااشوف من الناس بس هوه جن بس انه ويا ه بالدنيا بس وجها مامرتاح ابد انه احس بي واعرفه ومستعده اضل وياه واصبر الحد مايحبني دخلنه جوه هوه طلع يم الزلم وانه صعدوني الغرفتي اباوع للغرفه تجنن شگد ذواق الخاطر الله ودي اصيح بصوت عالي جعفر صار الي جعفر صار حلالي صار الليل وبدوو بزفة العريس زفه هاني وكاظم واخوته وهم يهوسون جعفر صاح هاني ..ها خويه گول ..بلغ ابوي لاينتضر مني بشاره اليوم ..ولك انت تسودنت جعفر كلشي ولاهاي حته عمك يتاني لاتفكر بيها خويه گول يالله واخذ مرتك ..هاني مثل ماگتلك ..ولك ابوي يصعدلك والله جعفر انهي الموضوع اليوم . ..خوش خوش دلال .. اسمع اصواتهم وانه گلبي راد يطلع كلي لهفه وشوگ كلشي مااريد منه بس اريده يتقبلني فرحانه حيل والفرحه بس الي جعفر .. دخلت وشفتها گاعده جريت نفس قوي ورحت باوعت بوجها سبحان الخلقها جمالها مامتصوره ابد ولا ابالي هيج حلوه شايفها هواي بس ممركز بملامحها شفتها مبين عليها الرهبه والخوف شكلها جذبني رفعت حنجها بيدي گتلها بدلي شفتها خجلانه بس عيوني ونبرتي جانت حاده حسيتها خافت ترددت شلون تبدل يمي عجبني اربكها وحسيت نضرات الخوف الخجل الي بعيونها ترضي غروري اريد اطلع قهر ذيج الليله بيها بقت تتردد گتلها بدلي گلتها وانه بديت اذب هدومي نزعت عباتي والغتره ذبيت الدشداشه وعيني عليها حيل خجلت احسها لو بيدها تغوص بالگاع ضليت عيني عليها ورافع حاجبي گتلها تبقين هيج الليله تنامين بالبدله ماحجت ..انه ويامن احجي ..اي ابدل گالتها وصوتها مخنوگ گلت بگلبي ولاجنها ذيج الصلفه الورطتني ختلت وره الجربايه خسيتها تريد تنزع البدله ماتگدر انداريت عليها فتحت السحاب بطرف ايدي وعيني ماشلتها منها حته انه تعجبت من روحي اول مافتحت السحاب وگعت البدله شفت بياضها وجسمها بلعت ريگي مااعرف اختل التوازن عندي وهيه مرتبكه لبست ثوب ابيض غراني اكثر هيه جانت گاعده ع الگاع لزمتها من ايدها گومتها الي دنگت عليها عطرها دوخني گربت عليها شميت رگبتها حسيتها ماعت بايدي جريت الخنجر مالتي من الميز الي ع الجربايه فتحته وبالطرف مالته شگيت جفي خليت الدم ينگط على هدومها والفراش وخليت وگمت گتلها هسه نامي اذا تردين.. من يشوفونج مايسألون بعد جريت الوصله البيضه مسحت جفي بيدها وخليتها بصفي گتلها مثل ماتحملت رعونيتج تحمليني مو سهل مثل ماتتصوريني مااحب احس بضعف ولاانجبر على شي اعرفي طبعي زين حته لاتعبين هسه ارتاحي نامي ماعندي شي وياج من اعرف مقدار ححبج الي وانه بقناعتي اجيج گلت هالحجي الها وحسيتها م**وره اعرف بروحي قسيت وياها ويمكن اكبر عقاب هذا الها يتبع ..

Free reading for new users

Scan code to download app

App Store Google Play

Facebookexpand_more