شاءت الاقدار

بارت 5

نور الشمس:

          ومدري ليش شما أحط ايدي

أعله ورده الناس

          تتكاتل عليها

هاني ..

شگد فرحت بلمة اهلي وعمامي ولدهم

فرحان بلهفتهم علي بس شخص واحد ماارتاحله ناصر ابن عمي ابد مو مريح لو شفته گلبي ينقبض

مااعرف ليش الولد زين سلامه ويحاول يسويله موقف وياي بس ما ارتاحله

بوكت العشه وكلها مخبوصه وانه عيني على جعفر شلون كبران وصاير بطولي اباوعله وكلي فخر اقارن بينه وبين الموجودين ماكو مقارنه جعفر مو اخ الي جعفر دنيا بحالها يمكن لأن اني جبير وعيت علي من صار وربه على ايدي يعني هوه بالأبتدائيه اني متوسطه وبذاك الوكت حسيت بفرق وانتبهت الغيري ماكو واحد هيج متعلق بأخوو . الأخ صح عزيز بس مااشوف احد مثلي انه وجعفر غير لو بقمة تعاستي وشفته

روحي تردلي

ناصر جنه يريد يتقربلي شويه وشفته اندار يمي

..شلونك هاني

..هلا بيك ناصر الحمدلله

..خويه شوكت نفرح بيك

..بعد اكمل كليه يله افكر

..حقك حقك

ناصر بگلبه موت الكرفكم شگد اكرهكم ماخذين معزتنه شوكت نخلص منكم

4

علي ..

بگد ماافرح بهاني وحيل احبه بس جعفر اشوفه اعقل حته من هاني مو لأن اخوي لا بس هوه ابسط

هاني شويه عنده تكبر مااعرف هوه هذا طبعه ماجاي افهمه اصلا ماينطي مجال الأحد بس الجعفر

جعفر .

صارت العزيمه والكل راح وره العزيمه وبقينه سوالف وضحك يم امي وابوي الا ان تعبوو واحنه هم تعبنه ونمنه

من خليت راسي ع المخده عيونها مافارگتني

ومن اذكرها تروح روحي

گلت يمكن حبيت خلي تخلص النتائج والله كريم

أشوف

اجه وكت النتائج وطلعت معدل بالسبعين ودخلت كلية زراعه

هاني رجع للدوام وخابرني من وصل

.. بشر جعفر

..معدلي سبعين

..الف مب**ك شناوي تقدم

..كلية زراعه اريد

..بيها الخير ان شاءالله

ابوي وعدني اول ايام الدوام سويجي بأيدي

فرحت حيل وبالي كله يم ريم ريم واسمها عليها عيون الغزال

مرت الإيام واني اردلي فرصه اشوفها

الى ان رحت اشوف امي ام علي ولگيتها بحديقتنه يم حوري جايه

طلعت وسويت نفسي راح ارجع راقبتها شفتها تطلع

وصلت المكان وره الشجره

ضليت امشي وراها وشفتها ارتبكت

السلام عليكم

..هلا خويه هلا

..ريم لاتخافين مااذيج بس ارد أگلج شي انه احبج

وصورتج مافارگت بالي اني رايدج على سنة الله ورسوله بس من اكمل كليه اذا تحبيني وعديني تنتضريني واريدلي منج علامه هسه لاتحجين

بس اذا مقتنعه بيه اشوفج باجر

مدري منين جبت الجرأه وحجيت البگلبي حته حجاياتي مو موزونات هيج مخربطات مدري شلون رهمتها شنو رايدج شنوو على سنة الله ورسوله شبيه انه

ريم ..

من شفته يباوعلي وانه متت بشوفته وره ماسمعت حجيه انتهيت ياربي هذا شيگول جعفر ابن الشيخ رايدني من سمعته شردت وانه گلبي يدك ورجليه ترجف مايوم متوقعه انه يريدني ابن الشيخ

رجعت وطول اليوم صفنه تاخذني وصفنه تردني

والليل كله افكر انه هم حابته بس شلون انطي علامه هوه گال بس اشوفج اشوفلي طريقه بس ابينله بيها انه هم رايدته ضليت افكر لحد مانمت وانه ماادري بروحي

جعفر ..

وانه صافن وأكول يمكن تسرعت وي البنيه شتگول عليه هسه وحاير اباجر شلون وبالي حيل مشغول واجاني هاني

..مهنه الماخذ عگلك

..هههههه هلا بيك هاني تعال افكر بالكليه وانه مااريد اروح محافضات ارد ابقه ودوامي يومي مو مال اثنينه نبعد عن اهلنه.. بگلبي گلت اتأكد اول واحد انت اگلك اخوك عاشگ

..صح انه مأمن بيك ومنتكل عليك زين تسوي

..الله كريم سولفلي أنت ماناوي تزوج

..والله ياجعفر بعدني ولاناوي ابد من اكمل كليه الله كريم

..الله كريم الله يسهلك

بقينه نسولف ونضحك وگتله خل نطلع يم ربعنه شويه ورحنه يم اخواني وولد عمومتي نگعد بالسلف ونضحك ونسولف والجوو كلش حلوو نبقه ساعه ساعتين ونرجع نتعلل يم امي وابوي

ثاني يوم الصبح گعدت وبالي كله يمها شلون اشوفهاواني ردتها تشوفني وهاي العلامه اذا هيه راضيه بيه وصدگ كشخت وطلعت ومنتضرها وهالمره غير طلعتي حسيت احساس العاشك من صدك وشولون يتاني ولفه ماادري شنو احساسي مااعرف اوصفه بين اللهفه وبين الخوف خفت خاف اني غلطت جنت واثق من نفسي واعرف هيه هم راح تحبني بس خوفي لأن هيه اخت صاحبي وخاف كلشي يصير واطيح من عينه گلت اني نيتي وياها مو لعب انه رايدها

طلعت وعيني ع الدرب وگفت ساعه تقريبا أيست

التفتت يمنه يسره ارد امشي وشفتها طلعت

أي هيه.. هيه هاي ريم اجت معقوله عليه

گعدت وارد بس الگالي فرصه اطلع شلون اشوفه كلشي بي عاجبني وحابته ورايدته الي كل بنيه تتمناه بس شلون الهي أمي وأطلع دورتلي حجه منا منا ماكوو

اخر شي گلت الأمي يمه حوري ودت علي ابن اخوها وتريدني اروحلها تگول علمود التقديم

گالتلي روحي بس لاتبطين لبست عباتي وطلعت

طلعت وگلبي يدگ خايفه وفرحانه وافكر منين اجتني هاي الجرأه وهيج سويت

شفته يتلفت انوب عينه صارت بعيني وماشالها عني

رحت فتت من يمه وجزيته رحت للبستان

أكو مكان محد يوصله نخل ومستر تستر لحكني هناك من شفته الحجي كله بعيونه مايحتاج يكلي احبج عيونه حجن كلشي چان يتلفت نور الشمس:

وعينه ع الدرب گلي ريم انه رايدج تنتضريني حته لو واني ادرس اتزوج بس انطيني وعد انتي الي

دنگت وردت احجي گمت امتمت كوه طلعت مني وكتله

..أي

..شنهي ال أي يعني انتي هم رايدتني حطيت أيديني على راسي وگتلها گولي انتي رايدتني

..أي رايدتك گلتها ومشيت اركض رجعت للبيت وخدودي دم صايرات

جعفر ..

من گالتلي أي خليت خليت ايدي على راسي مامصدگ ردتها تأكدلي

عدت عليها وگالتلي رايدتك ابتسمت حيل ومن شفتها شردت ضحكت ع الموقف ومن فرحتي اليوم هذا حسيت نفسي غير وضلينه هيج نلتقي بالصدفه لو ندبرها بيناتنه الحد وكت الدوام هيه راحت معهد معلمات واني كلية زراعه اثنينه نفس المحافضه بس حوراء ويانه اني اشتريتلي سياره وگمت اوصلهن ويرجعن وياي من اشوفها ارتاح بس حوراء ويانه ومنحسسها بشي ردت احافض عليها من كلشي

بقينه نلتقي بالخفيه لو أكتب الها بدفتر مذكرات شنو يجي ابالي اكتبلها جنت اكتب بي شعر هواي وهيه نفس الشي من تريد تنزل تذبه بالسياره

بقينه على هالحال الى ان گمت أعشگ كل تفاصيلها أغار عليها من كلشي وصار على علاقتنه سنتين

ريم ..

جعفر صار كلشي بحياتي اموت عليه احبه نلتقي خفيه اللله يشهد حبنه طاهر حته لمسه مالامسني

اخر مره گال السنت التجي نتزوج ان شاءالله ع الأقل يتزوج وهوه أخر مرحله

هاني ..

ماباقيلي بس سنه واتخرج من الكليه واني المتفووق على دفعتي والكل يگلولي الك مستقبل أمي وابوي يلحون عليه ع الزواج واني ماابالي وحده فديوم گاعدين انه وولد عمي وشفت وحده اجت تركض مثل المرتبكه غمزت المشتاق وگتله هذي الغزال منين

گلي هاي بت ابو حمود الله يستر عليها

گتله الله يستر عليها وابالي فكرت گلت يمكن عجبتني

طبعا جعفر ادري بي عاشگ ومتانيني اتزوج حته يتزوج دوم اسأله ويگلي وياي بالدوام

گلت نتزوج بيوم واحد انه وياه

4

جعفر ..

وانه بالبستان واگفين حسينه احد يراقبنه اشرتلها تروح وضليت ادور مالگيت احد گلت يجوز مشتبهين رجعت وشفت الولد گاعدين گعدت وياهم شويه واجه ناصر حسيت نضراته الي بيهن شي نضراته مو خاليه مااهتميتله ولا اجه ابالي شي

ناصر ..

جعفر شاك بي يويمه يتكشخ ويروح للبستان ولأن اني مااطيقه وأكرها وعدنه مثل يگول اليكره يسأل اكثر من اليحب حبيت اشوف شعنده وشنهي الي يخلي يوميه يروح هناك قررت اراقبه ورحت شفته

لگيته متواعد ضحكت وگلت لگفتك الا افضحك فضيحه بعدين فكرت گلت اذا فضحته يزوجونها اله ومبيين رايدها وانوب اسويله الرايده خليني افكر عدل

رجعت امشي وشفتهم كلهم گاعدين وهوه وياهم ولاجنه عنده شي

مشتاق يضحك گلهم ولكم جنه هاني راح يعرس

مساع عجبته وحده خزره هاني وگله شلك بهالحجي

گله غير انت گلت منين هاي الغزال انه هم ردت اعرفها ياهي هاي گلت من يروح اسأل مشتاق هسه مايحجي واصلا هاني مايرضه

جعفر گله ياسعيدة الحض هذي من باجر نسويلك احلى عرس

..بس هالسنه وأتزوج ونسوي عرسنه سوه ان شاءالله

..ان شاءالله

أني خليتهم ورجعت وحجيت الأمي

..فلك طرها بنت نبعه حاطه عينها على جعيفر

..يمه ردت افضحهم وگلت خاف انوب بسببي يتزوجون ومااستفاد اريد كون اخلي اخوها يلگاها ابوها حته تصير سالفه شكبرها ومايخذها ويطيح من عيون الوادم

..اوگف خليهم هساع نفكر زين يله نتصرف

بيت ابو علي ..

حوراء صاحت يمه يمه

..ها يمه شعدجن

..يمه صيحي ابناتج انه اقره وانضف وهنه گاعدات شنهي معناتها لو انه لو مريم ومريم من امس ابيت عمي وكلشي علي

..حگج يمه گومن ولجن عابت هالشكولات گومن كملن شغلجن لااخلي حيدر يگطعجن تگطع

وهيه تصييح عليهن اجه جعفر يضحك

السلام عليكم

..وعليكم السلام هلا يمه

..شلونج يمه وباس راسها شعدهن ذولي

..ماعدهن ع الشغل

ضحك وگال خل اشوفهن شويه وهسه هنه يگومن هبات ريح اخياتي

..كلهن التمن عليه وكيفن وگلهم اليوم غداي يمكم

مشتاق لبوي جيت اشوفه من يجي يم الشيخ انه

بالدوام وماالحك عليه

نور الشمس:

    حطيتك بسرداب

                فوگك متر صب

   واشي ولگيته وياك

            من ياكتر طب

دلال ..

انه احب ابن عمي وهوه مامعبرني تنازلت اله هواي بينتله كلشي يدري بيه احبنه وأموتن علي بس مو بعينه مرات ارد اكرها بس ماأكدر اكره روحي ومااكرها مو بيدي اليوم انه انضف الحوش وسمعت ناصر يگل لمي جعفر عاشگ بت نبعه وصيهود عرفتها مريم جانت ويانه متت گلبي جن سجين وصابته

ليش انه بنيت عمك شبيه وتدري بيه احبنك ليش انوب ياهي بنت الفلاح عاشگها سمعتهم يردون يخططون وهمه يكرهون جعفر وهاني يكرهون بيت عمي كلهم امي ماترتاحلها من شبابها بس هيه عمتي زينه الله يشهد مامأذيتهم المهم انه كرهت روحي ورحت شبعت بجي بحجرتي گلت لو تموتين يبنييت نبعه مايصير الج

مرت ايام واشهر وانه ادري بي يتكشخ ويواعد وضاله اسهامه بگلبي اشوفه من بعيد وخايفه علي من امي ناصر سأل مشتاق وعرف هاني البنيه العجبته وگال عليها غزاله هيه نفسها الرايدها جعفر

طب علينه ناصر .

..وين امي

..ها يمه تعال عندك اخبار حلوه جنك

..ههههههه لا بس ذولي ولد سهيمه مدري شجرالهم هاني عاجبته بنت الفلاح عشيگة اخووه

..يييع صدك عود

..اي والله

..وين الله ويتخاربون من هاي

..يمه صدگ تحجين هاني بس يدري بجعفر رايدها بيده يزفها اله

..جاشلون تره مخي تلف ومالاگيتلي حل الهالطراگيع

بلكي تن**ر شوكتهم ومن يموت عمك ترجع الشيخه الأبوك وانت التستلمها

..يمه جانسيتي عمي ابو علي

..هسه خل نخلص من ذوله عود انوب نفكر بعمك ومرته اخت سهيمه الحيه كون بيدي ومااخليهم بالديره اهججهم

دلال ..

من سمعت ناصر وامي هيج يحجون فرت گلت بس لاصدگ وهاني يزفها اله خليت ناصر يطلع

وگلت الأمي انه عندي حل واعرف شلون اطشرهم بس عندي شرط جعفر انه اريده وره ماينتهي موضوع مريم وهاني انه اخذه تنطيني وعد ماتعارضين

..مرض بگلبج وگلب جعفر شنهي رايدته ولج اموت منه ومن طاريه تردين تاخذينه ومصدگه انطيج

جاخوش من باجر ابلغهم بسوالف ناصر وانتي بكيفج

..لاياگويه وعين صلفه تهدديني وانه امج

..بكيفج يمه تردين تسمعين مني والتردينه يصير ناصر مايفيدج مثلي

..گولي

..هاني مو باقيله شهر ويتخرج

..أي عساه ماشاف التخرج

..قنعي أم حمود ينطون بتهم الهاني هديه بمناسبة التخرج مو الناس تهدي الشيوخ وولدهم خل يهدونه ريم وجعفر اكيد راح يطلع من البيت لو يتمشكل وي اخوو وتنتهي خوتهم وانتم تستفادون وانوب يفرغلي

..دهر ف*ج على هالسالفه صدگ خوش خطه

جعفر ..

اخر كورسات الي وباقيلي بس شهر

وحيل فرحان گرب زواجي مابقالي شي

وضلينه نلتقي بس اخر فتره حسيت احد يمشي ورانه گتلها أكطعي وضلينه بس نتبادل دفاتر المذكرات اشوفها هيه شتكتبلي وانه اكتبلها شعر كلام كل احاسيسنه نترجمها بكتابه اني احس نفسي طاير اصفن اتخيل شكلها

طولها متوسط عيونها كبار ملونه كلشي بيها حلوو

اني بهاي الفتره بالدراسه مسيطر وتقريبا هواي فادتني گمت اگل الأبوي الگاع هيج يرادلها وهيج نسوي ريها وابوي مكييف بيه ومعتمد عليه

وصدگ تحسنت زراعتنه وگمنه نص*ر انواع الخضروات

بساتين عدنه هواي الحمدلله الله منعم علينه

مابقالي بس العرس وبلكي الله يهدي هاني ويتوكل وانه وراه لو وياه اهم شي يخطي خطوته

هاني..

اليوم عدنه حفلة التخرج وخابرت جعفر يجي يحضرها احلى يوم بعمري ثمار تعبي حصدتها والمتفوق على دفعتي واليوم البس الرتبه

جعفر گلي بعد انه طگت روحي متانيك صارلي اربع سنين انت تخرجت وانه مابقالي بس هالشهر

گتله الله كريم ان شاءالله اتزوج عمري صار سته وعشرين بعد مابيها مجال سألته على حمود گال يدرس بالبصره وهناك گاعد يم خال اله ونتواصل بالتليفون يجي لهله شكم يوم ويروح

اني بگلبي ضاله البنيه الشفتها وعجبتني عرفتها اخته

جعفر ..

حاجيت هاني وگلت بس نرجع للديره أگله تره العاشگها مو من الكليه انه عاشگ اخت حمود

بس كاظم يدري بيه مره لگه الدفتر ولگفته منه حته لايقراه من سألني گتله ووعدني مايسولف وانه ادري بي كلش امين ويوميه يگلي اخطبها من اهلها لاتروح من ايدك اگله لا هيه تريدني حته اليخطبها ماترضه بي بحجت الدراسه وانه بس اتخرج اتزوج وأصلا عربنه مايحبون ياخذون الي يدرسن اكثرهم يردونهن ربات بيوت ومحد يرضه ياخذ وحده تريد تتوضف ناس عقلياتها هيج محدوده وبيهم على فطرتهم

ويوم عن يوم انه فرحتي تزيد ماضلي شي

اليوم اجيت احضر حفل التخرج مال هاني

وگتله انه ارجع بيومي وامي وأبوي يحضرون وابوي محضر الذبايح انه ارجع يحتاجوني وانت باجر الحگني

رجعت الديرتي وطبيت العصر كلش شفت امي فرحانه وابوي وشوفتهم الصوور وامي ام علي موجوده وعماتي البغير عرب هم جايات وجنه عرس مو تخرج الكل فرحانه الولد محزمه حزام والكل على وجها الفرحه بس اثنين ناصر وعمتي ام مالك الي هيه امه تركتهم ترك انوب هاي دلال وين مااروح تلاحگني شگلها بالله ضايقتني بنضراتها وتبتسملي سويت روحي مامنتبه الها وبالي ريم اشتاقيت الها

أم مالك ..

گبل لااجي البيت الشيخ وانور الشمس:

شوف تحضيراتهم سيرت على نبعه

..شلونج خيه ام حمود

..بخير بعد أختج انتي شلونج

..الحمدلله دريتي بابن الشيخ باجر يجي واليوم متخرج وابوو محضر الذبايح

..اي بالعافيه گالولي هم شيخ وهم ظابط

..أگلج جيتج براي جبتي عمرج بالضيم وحسره عليج كلشي انتي اختي وعزيزه علي وادري بيج دوم تتمنين مثل عيشة سهام

..خيه حضوض هيه هذا حضي

..أگلج بنتج كبرت وماطولها تدرس محد ياخذها علبو كلها تريد ربة بيت

..لاخيه هواي يخطبونها وهيه ترفض وانه هم اريدها عدها شهاده واتباها بيها

..ياخيه اسمعي شوري على ابو بيتج ينطيها هديه الهاني هدية تخرجه ومعروف الشيوخ ين*دون وأكيد الهديه ماترد وهاني زلمه حوك وجاه ومال وشخصيه ماتلكون منه انه جامنطيته من بناتي بس تعرفين سهيمه لاتريدني ولااريدها والصدگ انتم بحاجة هيج خطوه حته تصيرون نسابة الشيخ

..خيه خاف ماترضه البت

..جا بكيفها مصلحتها انتم ادره بيها

وخليت وگمت واجيت هنا

ريم ..

طبت علي امي يمه ابن الشيخ اتخرج من الكليه العسكريه وشاب ورده وشحلاته

..اي يمه الله يهنيه بشبابه

..أي انه وأبوج قررنه ن*ديج اله ونصير نسابة الشيخ

..شنوو تهدون منوو گمت اصيح

..حسج ضاع حسج تلگين احسن منه بنت الفگر

..لا ماالگه بس مااريد شنو تهدوني سلعه انه

..انجبي العادات من زمان عدنه ماسمعانه بيها

..يمه ماارضه مااريد ضلت عادات الهسه الناس وين وصلت حته العالم بطلت هاي السالفه

..موش بكيفج ابوج باجر يگلهم وغصبا عليج ترضين

تردين ت**رين وجوهنه يم الشيخ .بتنه ون*ديها بكيفنه احنه مجلبين بسوالف كبل

ضليت ابجي والطم مامصدگه السمعته الليل كله مانمت وعيوني ورمن تورم

أبوي صاحني وگتله بويه ماريد گال انه اعرف مصلحتج وانوب تگولين الف رحمه لبوي

بويه الشيخ وولده اوادم مايتعوضون ويدللون المره ويحترمونها ادري انوب يسعدج وتعيشين احلى عيشه وسالفة الرفض شيليها من بالج

شبعت بجي واني أگول شلون بيه انه احب جعفر شلون اخذ اخوو شلون يصير يمكن لو مو اخوو أكدر استسلم بجيت ومتانيه الصبح واشوف جعفر شگله

صار الصبح وگلت الأمي يمه احجيلج من الأخير وبكيفج حته لو تكتليني انه رايده اخوو وهوه يريدني ومواعدني السنه نعرس أمي كضتني من شعري حيل

.. تتواعدين بنت الجلبه من شوكت تتواعدين وانتي عايفه ابن الشيخ الصدگي ورايحه لبن عمه بعد يومين كلشي الهاني وجعفر شنهوو يفلس وكلشي مااله ذاك وحيد اهله وابن الشيخ وابوج شكله يمدهوره تنجبين وتشيلين اخوه من بالج وترضين بي ماكو اگل الأبوج على عمايلج واخلي يذ*حج عاشگه انوب بنيت صيهود عاشگه وگامت تكفخ بيه

گتلها شلون يرضيج اعيش ابيت وانه رايده اخوو ونگعد سوه شلون

.. وره العرس راح تحبينه وانسي اخوو نهائيا انه هم أيست وگلت هاي هيه امي تسويها وابوي يذ*حني وانه اصلا انسلبت روحي بقرارهم هذا

گتلها اريد اخر مره اشوفه لايفضحني ويگلهم رادتني

گالتلي تگليله انساني وخلص

جعفر ..

گعدت فرحان وطاير بهاني بس كل ماتجي ابالي ريم گلبي ينعصر گلت هاي جي ماشايفها صار فتره وحيل مشتاقلها مشتاق النضراتها السوالفها

گلت مابيها مجال بدلت وطلعت وكلها مشغوله رحت بلكي اشوفها وگفت بنفس المكان بين النخل اجت بس حيل متغيره ولونها مخطوف عيونها حمره

هلا برويحتي شلونج خايبه گطعتي بيه شبيج متغيره ليش

..جعفر انساني

..شنهي انساج شبيج ريم

..جعفر انساني اروحلك فدوه انه موش الك

..خايبه انتي شتحجين انساج شنهي احجي عدل شبيج ولج

..جعفر اهلي انطوني هدوني الواحد ومو من نصيبك انه

..ريم وحق علي احرگه حرگ هوه وأهلج وانعل اهل اهله شحده يطخ شعره من راسج شتحجين انتي

..رحمه لهلك انساني

..من احترگوو اهلي وأهلج ولج شبيج هيه شني انساج بهالسهوله هاي ولج سنين وانه اناطرج مناطر انساج شنهي تردين تموتيني انتي ياكلب ابن كلب الي يگربلج والله اكتله ولاگربلج

..جعفر عوف هالحجي فدوه اروحلك لاتفكر بيه بعد جني متت

..موت الخذاني ولج ذ*حتيني اجيتج فرحان ارد اگلج اخطبج نتزوج گبل لاتكملين مااتحمل بعد ولج سنين وانه اتخيل گصيبتج تصير الغير ولج ايدج هاي المالزمتها يوم احرسج حته من روحي اخاف عليج من نفسي تاليتها بحضن غيري تصيرين أكتله الي يتگربلج اكتله سمعتي

..جعفر انه رايحه اذا تحبني صدگ انساني

گالتهن وشردت وضليت انه بحيرتي حسيت الدنيا ضاگت بعيني گلت مو بكيفها اخلي ابوي يحضر جاها ويطلبها وأكيد ابوها مايرد ابوي

خليت ورجعت وشفت هاني واصل اتلكيته وباوسته بس مالي خلگ وماگعدت يمهم خليت ورحت الغرفتي وانه حاير شسوي اخر شي قررت انزل اسولفلهم بالديوان واكلهم رايدها وشيصير خل يصير

نزلت وحيل مزعوج وعاگد حواجبي وروحي طالعه طبيت ارد احجي لگيت ابو ريم گاعد

گلت شلون افتح الموضوع بعدني افكر وحجه ابو حمود

..شيخنه انت والنعم منك شيخ وابو للكل وانه فرحتي ماتنوصف فرحان بالشيخ هاني والله يعلي مراتبه ويوفقه انه بهاي المناسبه عندي بنيه وحده هديتها للشيخ هاني بنيتي مهره اصيله وتستاهل خيالكم اذا ماتفشلوني وتقبلونها من

نور الشمس:

اليوم اذا يريد ياخذها .

اني سمعته گال هيج حيلي ان*د حسيت الديوان يفتر بيه ارد أكوم مااكدر اختنگت فتحت ياخة الدشداشه وضلت عيوني تراقب هاني بلكي يرفض بس عيب يرفضا واهانه تعتبر عرفته مايرفض هاني گاله والنعم منكم ومن اصيلتكم قبلناها الهديه من گال هيج انتهيت شنو الأحساس الي بداخلي مااعرفه ابوي فرح وگله والنعم منك ومشكور واصيلتكم بعيونه كلهم اتباركوو واجه دوري شلون اتبارك مااعرف يعني ماكو اصعب من هالشعور مستحيل اتمنيت روحي ميت ولا اصير بهذا الموقف

يتبع