شاءت الاقدار

بارت 4

   اعلم ان وقعت سهام الحب في قلبك

    فأقرأ على قلبك وراحتك وباقي اهتماماتك

              السلام

قلبي مغرم منذ نعومة اضفاري قلبي ليس ملكي

قلبي ملك لأخي ..

هل ياترى يتصارع القلب مع دقاته

ليثبت من هوو احق به

أم ينقسم القلب نصفين وبصراعه يقتل روحي

جعفر ..

اوووف صار اسبوع على فراگ هاني شوكت اتعود

خل اتصل بي لو هسه وقت تدريب انتضره هوه يتصل احسن .

جعفر ..ها يمه

..يمه تريد شي انه راح اطلع بواجب للجوارين

..سلامتج يمه گاعد أقره بعد يومين امتحاناتي اندعيلي يالغاليه

..الله يوفقك بعد امك

ريم ..

عگبه امتحاناتي وجاي اقره واريد اطلع معدل

عاجبني اروح معهد معلمات احسلي ادرس اطفال قريتنه واحسن شي للبنيه التعليم

ضليت اقره ومخبوصه وعگبه نمتحن وامي كلساع وصاحت علي اكلها يمه فدوه بس اقره

..تقره ام شعفه وشتصيرين عود

..اريد اصير معلمه

..ياا ويصير هيج واصير ام المعلمه فدواتك ربي جاالنسوان اشكال عاد انصفني بهاي

..يمه بس لاتباوعين الغيرج والله يرزقج التردينه

..اوو الغسل اباوع الغيري شنهي ولج انه غير مضلومه گضيتها بالضيم

..الف الحمدلله يمه الله ينطيج الي ابالج

..ام حموود

..هااو جايه جايه

..هل صاحني ابوج يريد جاي جااكو غيرها الزلمه ماعنده غير جاي وتتن ويحرث بهالگاع

..جاوين يروح يايمه

دوم هاي امي هيج وي ابوي بس ابوي خير وساكتلها والله لو غيره فلايسكت

بيت ابو علي ..

أبو علي ولكم احد شاف اخوكم باجر امتحانه

..اي بويه خابرته وگال مااطلع اقره الوره الأمتحانات يله

..الله يووفقه

حسن ..اكيد ضايج وعنده امتحانات بالليل نروح نشوفه

..عفيه ابوي اخذ اخيوانك وروحوله لاتيهونه

..صار بويه

مسلم ..

گلبي نار على هاني ومشتاقله كلش صح هوه مو مثل جعفر يگعد يمي ويحاجيني ويشاقي بس حسه بالبيت كلش كافي

جعفر مايوم يمر اذا مايتعلل وياي لمن انعس يله يتركني حته لو يمي احد بالمضيف يگعد هوه يمي

الله يحفظهم النه ويحفظ امهم هيه الخير والبركه

واني اسولف وي روحي واجتني غاليتي

..گواك الله أبو بيتي

..هلا كل الهلا بالغاليه شلونج سهامة گلبي خو ماتعبانه

..انه بخير دام حسك بالدنيا يبعد هلي وطوايفهم

..الله يحفظج الي ومايحرمني منج يالغاليه

السلام عليكم ..

..وعليكم السلام تعال بويه تعال

..چني گطعت غزلكم هههه

..لابويه ماگطعته ينگطع النفس وحچاياتي الحلوات مااگطعهن من امك

..ياا لاتفشلني شيخ فدوه رحتلك

..ههههه الله يحفظكم دوم بويه

بويه جدي جنه تعبان هالأيام

..أي والله يبوك مابيدي شي مستمر ع العلاج وبلكي يتحسن

..ان شاءالله اني راح اروح ماگدرت انام بدون مااگعد وياكم

بعده مامكمل دگ التليفون

..الوو

..هلا يابعد أخوك شلونك

..والله تعبان من التدريب بنفس الوكت مرتاح من الشي الأسوي بس مشتاق الأمي وابوي وانت مايحتاج تعرف شگد مشتاقلك

..والكفيل انه اكثر عگبه امتحاناتي

..شد حيلك جعيفر حته تروح كليه وتتونس اتعب هاليومين ماباقي شي

..ان شاءالله ان شاءالله لايضل بالك هاك امي تحاجيك

..ألوو

..هلا يبعد امك فدوه اروحلك شلونك

..انه اروح فدوه الصوتج يمه شلونج ابوي شلونه

جدي خو مو تعبان يمه علاجج لاتنسينه بالي يمج يالغاليه عينج على جعفر هالأيام علي ضغط الدراسه وامتحانات

..يمه كلنه بخير لايضل بالك بدون ماتوصي هاك ابو يحاجيك

..هلا بويه شلونك

..هلا بعگال الراس هلا بوليدي شلونك بالك على روحك

..لايضل بالك انه بخير

في امان الله

جعفر شگد ارتاحيت من حاچاني

ماادري اصفن وي روحي معقوله هاني ابن عم وبس

جاليش وي النفس احبه حته اكثر من اخوتي

اصلا حاسبهم ولد عم وبس هوه اخوو

شگد مشتاق الشوفته

2

اجه وكت الأمتحانات وامتحنت ومابقه ع الأمتحانات الا يومين ونخلص

وأليوم اخر يوم للثالث البنات بس اليوم ويانه

وصادفت الدنيا حاره واحنه طالعين انه وكاظم

ومنتضرين البنات يطلعن وباقي حمود هم بالأمتحان گال اخر واحد اطلع لااتانوني بلكي يعلموني لو ضليت ضحكنه علي وگناله جا تعال وحدك ناخذ البنات ونرجع

وگفنه متانينهن وطلعن

عبرت عليهن الشارع اجيبهن للسياره

مشن گدامي وشفت ابنيه بصف حوراء گامت تميل

چنت بضهرهن اني انداريت صرت أگبالها أرد الزمها

طاحت بيدي عرفتها هاي اخت حمود شلتها بالسياره ووديتها گبل للمستشفى

ريم .

جان الجوو حار واني حيل عطشانه وطالعه بدون ريوگ مامشتهيه الصبح

بطلعتنه ذاهت روحي گمت اشوف الدنيا تضلم شويه شويه

ماحسيت على نفسي الا واني بالسياره ويمي ولد يرشگ مي على وجهي وحوراء تف*جلي

فتحت عيني زين ركزت هذا جعفر اي هوه

متت من الفشله جاانه مااطيح الا باليوم الماويانه اخوي گلت وين حمود

..شلونج ريم شلون صرتي شجرالج

..حوراء حمود وين حاجاني هوه من سمعت صوته نبض گلبي زاد ودخت اكثر ربي فدوه اروحلك شهالورطه هاي

..خويه لاتخافين اني هم اخوج حمود يمتحن وهسه وصلنه المستشفى خل حوري تساعدج وانزلي

..لالا مااريد ودوني لهلي

..وصلنه خويه شوينور الشمس:

ه ونروح لاتخافين هاي حوراء يمج وانه من ابعيد بس احاجي الطبيبه

جعفر ..

من شفتها طاحت بيدي ونزلت عبايتها لميتها لبستها الها وايدي لمس خدها حسيت بجسمي رعشه لعنت ابليس وگومتها حيل بس اكوو شي خربطني گمت مااعرف شنو احساسي

من فتحت عينها وشفت لونهن وكبرهن سرحت بيها يارب دخيلك كلشي ولاهالسالفه منين طلعتلي كلشي ولا الخيانه انوب عيني على اخت صاحبي سترك يارب اعوذ بالله من الشيطان الرجيم

شفتها خايفه وگتلها لاتخافين انه اخوج

اخذتها للمستشفى وطلع عدها هبوط وارهاق من الدراسه وشكلولها مغذي علما خلص خابرت حمود گلي طلعت گتله دامك طلعت تعالي للمستشفى

..ليش خويه شخيرك خو ماكو شي

..ماكو شي تعال وانه افهمك

شويه واجه وشافني گتله لاتخاف اختك تخربطت وطلع عدها هبوط بالضغط وشكلولها مغذي ويمها اخيتي وهسه نروح

تشكر مني ومشينه طول الدرب وانه اتذكر طيحتها بيدي اصفن عليها وانعل الشيطان

خاب ماتگلي شجاك شنهي اليوم شايف بنات بنات ديرتنه كلهن مايوم رفعت عيني اعله وحده انوب وي اخت حمود شلون سالفه هاي

گلت باقيلي امتحانين اركز بيهن واترك السالفه

خلصت امتحانات ومافاركت خيالي

گمت اطلع بلكي تلوحلي واشوفها

يوم من الأيام انه فرحان حيل ومتاني جية هاني وصارله شهرين من راح من خابرني وگلي انه جاي باجر ..

الليل مانمته ومتاني طرت الفجر گعدت وبدلت وطلعت وگفت ع الشارع اتاني ومنتضر منه اتصال

واگف ومخلي ايدي وره ضهري والثانيه لازم جهازي بيها ومنتضر اتصاله يگلي گربت اوصلكم

لمحتها طالعه ورايحه على طريق البستان مالتنه وياها امها

من شاف*ني دارت علي صارت عيني بعينها نزلتها هيه التفتت وراحت سريع

انه حيل ارتخيت وگلبي گام يدگ سريع حسيته يدگ ابلعومي گلت لاوعلي جني طحت من صدگ

وين انه وين كليتي وبعد اقل شي اربع سنين يله اتزوج هاي السالفه منين طلعتلي

ضحكت على روحي هيه منو يگول البنيه شايف*ني بعينها صدگ جذب

انه بذاك الوكت لو گايل ارد اتزوج اهلي يكيفون بعمري عادي يتزوجون وبيهم حته خلفه عدهم خاصتا احنه العشاير الأكثريه يتزوجون من كت

بس هاني بعده ولازم هوه يتزوج گبلي

واني اسولف ابالي ودگ جهازي

..الوو

..هلا بخوي وين ضاربلك صفنه ماشف*ني

..ها جاانت وينك غير متانيك

..ولك غير هل انه گبالك

سديته ورحتله رگض شبكته بكل قوتي

وگتله ولك فدوه الريحتك خاب گطعت بيه

..انه هم والله كلها بصفحه وانت بصفحه

خايب الولد الي مشتاگ المرته الجهاله والي مشتاگ الحبيبته واني أكلهم مشتاگ الجعفر من عرفوو انت اخوي ضحكوو علي

..هههه جالو يدرون اول ايام بجي گمت ابجي عليك

..الله لايهلك دموع بعد اخوك وعلي محد مثلنه الله يديم خوتنه دوم

..امين يارب امشينه امي من الصبح ماخلت شي ماحضرته

..يلله مشتاقلهم البلابل هههههههه

..ههههههه

رحنه والكل فرح بهاني وابوي سوه عشه واتعشوو كل عمامي واهلنه الزلم بالمضيف

والباقي ابيتنه

ام مالك فهيمه

..ولجن انه رايحه معزومه ابيت عمجن الشيخ

لاتجن وراي انه اطرفلجن اكل وزته الجن بيد اخوانجن هم عوزي تخدمن الشيخه سهام

وهيه تحرك بشفتها يمنه ويسره

..ناصر يمه والله تعجبيني انتي

..جاشلون بس انت الطالع عليه من اخوانك خو الغ*ير هم صاير ابساط الهم

..يمه وداعتج ماارتاح اله افلشهم

..بعد امك انت

صارت العزيمه والكل فرحان وبس هيه توز هاي على هاي بس كلهن يعرفنها وحست روحها منبوذه وهذا الشي اذاها اكثر وزاد حقدها

يتبع ..