NASA loob si Bryan ng kanyang maluwang at mamahaling opisina sa ikalabing-anim na palapag ng gusali. Malamlam ang liwanag ng chandelier, at ang buong silid ay napapalibutan ng mamahaling kahoy at makikinang na salamin. Nakapatong ang isang baso ng whisky sa mesa, kalahati na ang laman, ngunit hindi pa niya halos nalalapatan ng labi dahil sa matinding galit. Hawak niya ang cellphone, at halos mabasag ito sa higpit ng kanyang pagkakahawak.
“Palpak na naman ang mga tao mo, Dante!” singhal niya, halos mabasag ang boses sa inis. “Dalawang tao na nga lang ang papatayin, hindi pa magawa? Ano ba naman ‘to? Nagsasayang lang ba ako ng pera dito?!”
Sa kabilang linya, narinig ni Bryan ang boses ni Dante, garalgal at halatang kinakabahan.
“Boss… pasensya na. Hindi namin inaasahan na may makikialam a
