Ang pasakit na ipinaparanas at nararamdaman ni Janet ay ibinaling niya sa pagtatrabaho nang maayos at sa pakikipag-bonding sa kaniyang ina. Noon kasi, dahil madalas ay bugbog siya sa trabaho kaya naman pag-uwi ay laging pagod na. Ngayon ay marami siyang oras at enerhiya para makasama ito.
Madalas na nakangiti, ngunit pagdating sa gabi ay halos hindi na niya gustuhin pang umuwi, pero dahil naroon pa rin ang kaniyang Mama ay kinakagat na lang niya ang labi.
Nariyan pa ring pakautusan siya ni Niccola na parang isang katulong kapag magkasama sila sa bahay. Sumusunod na lamang siya dahil ayaw niya ng away. Dahil ayaw niyang maulit ang noon. At dahil din wala na siyang enerhiyang makipagtalo.
"Bes Ma'am, parang nababawasan yata ang timbang mo." puna sa kaniya ni Paulina isang tanghali haba
